استفسار عن الموستنج موديل ٧

قطع الغيارر من كلام واحد من اقاربي رخيصة رخص التراب مثلا هوبات الوكالة مازيد عن 150
المقص اقل من 300
علبة.فيوزات 1200 من أمريكا كاملة
لكن اذا انت تحتاج سيارة كرف المستعمل ماينصح فيه الا مستعمل خفيف مثلا 2013 وسيارات أوتوماتيك
اما العادي متعب وخاصة الرياضي

أخوي يعطيك العافية  في مثل يقول مد لحافك على قد رجلك انا انسان مو متوضف ٢٠١٣ انا موقدها وأنا أبغى قير عادي لانه معروف بقلة خراباته 
وشاكر مرورك يالغالي 

قطع البدي غالية ومبالغ فيها وان شاء الله ما تحتاج تغير بالبدي شيء ..

الوكالة ما توفر الا قطع بالجمله مثلا تبي تعطل عندك كمبيوتر الانوار وتبي تغيرة تروح للوكاله يقولك يبيعك الكمبيوتر كامل مع اللي بالكبوت سعره حدود 4500 ريال ماني متأكد بس بهالحروة 

بالتشليح طبعاً ارخص بنص السعر وهذا الطبيعي ..

شوف ..بقولك الزبدة هي سيارة حلوة وكشخة وصبورة وقطعها متوفرة بالوكالة وصيناتها سهله وتقدر تستخدمها استخدام يومي بدون مشاكل ..أكثر مشكلة ممكن تواجهك هو قساوتها مع المطبات والحفر والشيء هذا طبيعي لأنك راكب سيارة سبورت بالنهاية 

اشوف الناس يبالغون بشكل كبير برخص قطع غيار الموستنج ..وانا ما اقول انها غالية مرة ..لكن متوسطه مو رخيصة زي الفكتوريا والماركيز ..ترى تختلف عن الفكتوريا لا تتوهق وتحط ببالك انه ممكن تتراكب قطعهم ع بعض ..وخلك من اللي يقول قطعها زي الفكتوريا أبصم بالعشرة انه ما جرب بنفسة يسمع ويردد مع هالناس وهذا البلاء من اللي يوهقك بالطريقة ذي كأنك حالف عليه الا يشور عليك 

الزبدة الموتر من ناحية الاستخدام ما عليه كلامه يصبر ويكرف ..لكن مو معناته لا صار يصبر ويكرف انك تكفر فيه وتعامله كأنه حلال شركة أو كنه عدو بتنقم من السيارة ..تناقز عليها المطبات وتنزل بها بر تطعس بها وتسلمها لربعك من يد نشيط ليا يد نشيط وبعدها تجي تسب وتعلن أبو اللي صنع الموستنق 

لا سدد وقارب ..يعني السيارة واطية وقريبه من الارض حاول تداريها عند الحفر والمطبات ..تخميس ودرفت والسوالف هذي اتركها عنك..

الموتر لا يعلى عليه منظر حلو وكشخة وصوت يطربك بالذات القير العادي ..

اذا كنت بالرياض أو جدة خذ قير اوتو لأن الزحمة بتكرهك بشيء اسمه قير عادي ..

لكن الموستنق ما يليق عليه الا العادي ..

نصيحة اخيرة شيك وانا اخوك ع البدي قبل كل شيء البدي البدي البدي ..

واذا لقيت النظيف ولو كان غالي لا تفوته ..لا تسترخص المهربد واللي ماشي حاله ثم عقب يغربلك من ورشة لورشة ..

اذا بتسخدم سيارة زي الموستنق لا يهمك السعر كثر النظافة ..طبعاً السعر بحدود المعقول مو 2007 ب70 الف ..!

بالتوفيق واذا احتجت اي شيء انا موجود وامتلكت اكثر من موستنق تقدر تقول عني خبرة الا خمس دقايق:(

اهلين اخوي
قبل كل شي يا زين ما اخترت من جد وحشششش الموستنج بجميع موديلاتو والله يباركلك فيه وتحصل النظيف (ولا تنسى تفحص)
وعندي لك موضوع اول سويتو في فورد العربيه ونقلتو هنا
......
1_(هل يكرف ولالا)

أكيد طبعا بس بشرط تكون محافظ عليه وتتغير زيوته وقطعه الاستهلاكية بنتظام

2_(هل معقد في التصليح)

لا أبدًا،، المكينة تحسنت وصارت قوه واداء والمساحة في المكينة واسعة مو ضيق وأغطية بلاستيك اللي تشوفها في السيارات الجديدة.

3_(وهل استخدام يومي)

استخدام يومي وسفر وشغل وماشاء الله

4_(ايش القطع الي دايمن تطلبها من استخدامكم الشخصي )

لو انت محافظ ما راح تطلب الا بنزين وزيت وقطع الاستهلاكيه.

5_(والممشى يضر)

ما راح يضر لو انت محافظ على السياره من تغير زيوت وتصفايه

6_(وانا سمعت الحراره دايمن ترتفع في الظهر)

مو صحيح، إلا إذا السيارة فيها مشكلة (مراوح خربانة او ثيرموستات او موية راديتر ناقصة او تهريب ..الخ)

7_(وهل قطعو متوفره في التوكلات الجزيزه او في الصناعيه)

متوفرة،وفي قطع ارخص من الوكاله و موجودة يا يطلبونها لك من أمريكا أو أنت تطلبها بنفسك (أحسن) وفيه مواقع مخصصة للموستنج عندها كل صغيرة وكبيرة. وفي في محلات قطع الغيار بس ما راح تحصلها كلها القطع (التقوى، الملحم، المعجل، الزهراني..الخ)

8_(تنصحني اخد جير عادي ولا اوتو)

يرجع لرغبتك الشخصية. أنا شريت قير عادي ولا ندمت أبداً وسقت كثير في زحمات الرياض والشرقية ورأيي ما تغير (بس رجلي اليسار طلع فيها عضلات) تحس ان لك تحكم في السيارة + أقوى من الاوتو لان الأوتو يخسر أحصنة أكثر في نقل الحركة

9_(كم تسوى في السوق لو كان نظيف)

على حسب حالة السيارة (باستثناء السيارات النظيفة جداً أو معدلة كثير أو المعدومة)

10_(فـ كيف القطع الاستهلاكيه غاليه ولا وسط )

معقولة جداً أسعارها القطع فقط الـ 8 سلندر

11_(صرفيه البنزين)

معقوله وعلى حسب استخدامك للسياره

نصيحه مني لك...(خد 8 سلندر قطعو ارخص ومتوفره اكثر من 6 سلندر والـ 8 سلندر والـ 6 سلندر بينهم فرق كبير في القوه والصوت الرياضي وقت البيع 8 سلندر ينباع على طول امن الـ 6 لازم تكون صبور ولو بتركب قطع رياضيه برضو ارخص من 6 سلندر)

ولو بتحب تدخل معانا قروب موستنج وانت من جده بلغني وادخلك وابشر بعزك
والله يعطيك العافيه وشكرااا لك

بيض الله وجيهكم يا رجال ونصائحكم فالحسبان 

أما بنسبه لسيارة الصراحة انا معي ٤٠،٠٠٠ الف هل هاذي ألقيمه تجيب لي موستنج جير عادي ٨ سلندر وتكون نظيفه 

اعذروني على الإطاله 

اخي صديق المنتدى انا مرعبن على موستنج فل هوائيات 2005

ابغى مكان ورشة شاطرين و يفهمون فالموستنج عشان افحص السيارة عندهم . انا من جدة وانا اخوك و نصحوني كثير اروح ماس تونج و بعضهم قلي ريتاج فبما انك ذو خبرة ارجو الافادة و في حين تممت مع الرجال ارغب بالانضمام للجروب