مشورتكم في كراون فكتوريا 2011 كم تسوى

من 2009 وانت طالع صارت اغلبها انتاج للشركات


لدرجة انهم اهملو في مواصفاتها


يعني الفل اوبشن يجيك مرتبه واحده ومرايات تعتيم مافيه وتحكم تراكشن كنترول مافيه وبدون كشافات وغيره كثير لان المصنع وقف انتاجها الظاهر من 2008


انصحك تبتعد عن المديلات الحديثه


المساعدات صارت قاسيه والسبب تعطيك رساوه لكن مقابلها قساوة السياره وماكئنك راكب فورد


انواع التنقيز فالخط وضاف الى ذلك جنوط 17 وكل مازاد حجم الجنط كل ماتزيد الرساوه وتقل الراحه والعكس صحيح


عشان كذه انصحك بمديل 2008 اقصى تجي مواصفاته كامله وتاخذ جنوط 16 منها كفراته رخيصه ويكون لين فالخط وتاخذ هيدروليك وتعال شوف انواع الراحه


واذا انت ترغب الجنوط 17 حاول يكون فيه هايدروليك على الاقل عشان يكون لين معاك ومريح


افضل انك تاخذ ماركيز لان شكله تغير وانواره اقوى ((( انوار الفيكتوريا سيئه ))) الماركيز من 2006 وانت طالع تحسنت انواره في اضائتها بشكل كبير


الماركيز من جوه اكشخ بكثير


شوف هذه مواصفات كامله وتحكم من الطاره كامل وطاره مخشبه


http://www.haraj.com.sa/11998294/جراند_ماركيز_2009فل_كامل_طاره_خشب_هدروليك/


وهذه نوع اخر وانا اشوف انه افضل لون نزل على الماركيز لون سمني جنوط 16 كروم مرايات كروم


http://www.dealerrater.com/classifieds/2007-Mercury-Grand-Marquis-ad-2MEHM75V87X611182

صدقت ياشاقح
من يومي وانا مااسوق الا فورد لكن الموديلات الجديدة فيها تغير بسيط لكنها مازالت رائعة
وبالنسبة للفكتوريا فعلا اضاءته سيئة رغم ان اللي عندي مطلعه وكاله 2011

الافخم قراند مارگيز لگن ابعد عن الاستخدام الامرگي خذلگ سعودي او خليجي افضل 

مثل ماقال أخ شاقح كلامه صحيح وبعدين أبعد عن الموديلات الجديده غاليه علي غير سنع خذلك ٢٠٠٥ أو ٢٠٠٦ وأساسا الفورد والقراند كلها نفس الشي من ٢٠٠٣ لحد ٢٠١٢ ماتغير شي لكن القديمه أفخم وأفضل. 

وأنصحك بالاستخدام الامريكي لكن تأكد من نظافته ... 

وعليكم السلام ,,, جراند ماركيز أحلى وأفخم وفرق السعر بسيط والخيار لك ،،، لكن أنتبه من الصدأ ، ومن الرش ، ومن السيارات الغرقانه لأنها ماليه السوق للأسف ،،، أفحص السيارة من الأسفل ومن الصدام للصدام ،،، ولا تأخذ سيارة ماشيه كثير 50 أو 60 ألف ميل بالكثير ،،، لأن موديلها يعتبر جديد ،،، ولا تنسى تشيك في موقع ( الكار فكس ) قبل الشراء برقم هيكل السيارة ،،، يعطيك برنت كامل عن حياة السيارة من المصنع حتى شحنها للسعودية. موفق للخير ،،،

الله يعطيكم العافيه جمعيا والله نبهتوني لكثير من النقاط اللي ما كنت اعرفها جزاكم الله الف خير

انا انصحك بهذا الاعلان


http://www.haraj.com.sa/111195076/فورد_كرواون_فكتوريا_الجزيرة_2011_سمني_العداد_4000كيلو_/

كلها من ناحيه مكينه وقطع وشاصات مثل بعض


يفرق فقط الاكسسوارات والشكل الخارجي

وبالنسبه لي افضل الفكتوريا واذا جاء سمني اووووه رسمي اذا رسمت فيه ورحت لمناسبه تطلع تفر به ببدله يمشي بتااااع كلووو