أضف سؤال أو موضوع جديد          

أصحاب الفوردات الي جهاز المكيف عندهم ألكتروني يتفضلو

up 13 down 1
hack1 2914
قبل 6 سنه و 9 شهر



السلام عليكم



أولا نزلت هالموضوع للفائده لأصحاب الفوردات فقط وما أبغى منكم إلا دعوه صادقه لي



ياجماعه أنا معايه فورد 2009 ماركيز تفاجأت قبل فتره وأنا ماشي أحس بهوا يجي تحت وأنا مقفل القزاز ولا ني فاتح الهوايات ولا مشغل المكيف
مع العلم إن سيارتي مأشاء الله جديده


الموهم رحت للكهربائيين وسألت وش الحل الي قال أولف لك والي قال أقفل لك الي تحت والي فوق وأخلي الي فالوجه والي والي

الموهم شغلهم كله فيه لعب فالسياره وأقل واحد قال أقفل لك الهواء ب100 ريال

تركتهم ورحت للشيخ قوقل لقيت مواضيع فيها صور لثلاثه ليات وقسام ويقول صاحب الموضوع أنها تمنع الهواء وتقفله ماجربتها أبد

رحت للمكان الي مطلع منه المربع الأبيض الي حط فيها لليات مالقيته قلت يمكن عشان المكيف عندي ألكتروني مو فرار

المهم دخلت اليوتيوب لقت شرح وصرآحه الله يوفقه وربي أنتهت مشكلتي بعد ماطبقت هالشرح تعبت شويه بس الحمدلله رآآآآآآآآآآآآآآآآآآآحت المشكله

المقطع ماهو موضح المفكات الي نستخدمها ولا موضح كيف نفك الغطاء الأسود الي فوق شاشة المكيف بعد مانطلعها برآ

ولاكن

أولا المفاتيح الي تحتاجونها مفتاح 7 عشان فك الصواميل الأربعه بتاعة شاشة المكيف ومفتاح عايدي عشان فك الديكور

وفيه صامولتين مقاسها 9 ونص مالقيت لها مفتآح أبدا ولاكن أشتريت عده صينيه من الي تجي فيها حبات ولقيت فيها مفك سداسي ولقيت فيها حبه مقاس الصامولتين الي تفتحح الغطاء الي فوق الصندوق ولازم يكون عندك مفتاح سداسي والعلبه فيها مقاسات بعد

أخذت العلبه ب30 ريال

وتم فتح الجهاز وفكيت الأسطوانات وأخذتها ووديتها لمحل قطع وأدوات زراعيه ومفكات ( مو محل قطع غيار ) ولقيت عنده جلد أصليه الحبه بريالين وأشتريت أربع وأخذت مسمار من عنده وطلعت الجلد وركبت الجلد الجديده وطبقت الشغله مثل ماكانت



طيب يا حبايبي أول شيء نصيحه للي يلخبط ففك الجهاز يروح لأي مهندس ويقوله طلع لي جهاز المكيف طبعا مايروح له إلا بعد مايفك الديكور عشان مايقول أخذ منك فلوس

وأهم شي ركز معاااه كيف فكه وركز فالأسلاك مكانها طبعا هو ماراح يفك لك الجهاز كامل يعني يطلع لك الأسطوانت رآح يطلع لك الجهاز من جوة السياره بس وأنت أستلم الجهاز وأخليك مع الشرح الي فالفيديو



والتركيب سهل جدآ جدآ والله ما أخذ مني يمكن نص ساعه فالبدايه لخبطت بس بعد ماجبت الجلد ومخمخت عليها صلحتها

وأنتبهو ففك مشقبيات الأسطوانات حببه حبه ولو حصل وأنكسرت حديدة المشقبيه سوي لها لحام بارد وتصلح

بس أن شاء الله ماتنكسر أذا فكيتها وأي س أنا حاضر



هذا رابط المقطع

http://www.youtube.com/watch?v=HfKaAbYDAlI





ودي للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافية وينفع بك :) لايك


up 4 down 0
فل اوبشن mr 3278
قبل 6 سنه و 9 شهر



جزاك الله خير والله انك نفعتني بهذي المعلومه لانها كذ صارت عليا والحين عرفت السبب بيض الله وجهك مشكور .


up 1 down 0
أبو ميان . 157
قبل 6 سنه و 9 شهر



يعطيك العافية اخوي على الموضوع


up 1 down 0
ابو و محمد 253
قبل 6 سنه و 9 شهر



الله يعطيكم العافيه
واي سؤال أنا حاضر


up 1 down 0
hack1 2914
قبل 6 سنه و 9 شهر



بصراحة مكيف الفورد الالكتروني فاشل انواع الروائح الخارجية تدخل عليك والقسام دائما يخرب يازين الستاندر


up 0 down 1
شليطيح 5018
قبل 6 سنه و 9 شهر



لالالا خرب عليه وسويت نفس الحركه الي فالمقطع والحمدلله صار ولا أحلى ولا يدخل عليه ولا شيء وتحكم بلده ماصار فيه ولا شيء
والشغله هي جلد كل ما صغرت مع الحراره غيرها وبس



up 1 down 0
hack1 2914
قبل 6 سنه و 9 شهر



تسلم على الطرح ي الغالي 

ولك احلى لايك


up 2 down 0
a.a.77 2836
قبل 6 سنه و 9 شهر



تسلم وترا الفديو لشاقح الي موجود في المنتدا الله يستر عليه انسان قمه في الاخلاق الله يسعده 
المكيف له طريقتين يانفس الطريقه اليات الي انت تقول عليها او طريقة الفديو وتراه سهل فكها وتركيبها بنفسك 


up 2 down 0
princ 18863
قبل 6 سنه و 9 شهر



الجلده من وين جبتها


up 0 down 0
ssaall-2009
قبل 6 سنه و 5 شهر



من محل معدات ومواطير 


up 0 down 0
hack1 2914
قبل 6 سنه و 5 شهر



السلام عليكم اخواني عندي مفتاح جديد اكتروني من توكيلات الجزيره للبيع



العرض في موقع حراج اكتب في البحث مفتاح مكيف فود يطلعلك


up 0 down 0
ابو ميسم م
قبل 5 سنه و 8 شهر