هل التورس عمليه؟؟ للمستخدمين فقط

انا عندي 2012 سياره عمليه و تكرف و قطعها رخييييييصه جدا..

بشرط انك لاتقرب صيانة الوكاله ولا تجيهم... يلعبون لك بالسياره..

سو صيانه برى و توكل على الله

أي قطع رخيصه يا جماعه الخير الله يرحم والديكم لا تبلشون الرجال وتوهقونه
القطع ناااار

رح بنفسك واسأل عن سعر ربله الصدام الاماميه كم قيمتها وشوف الارقام الخراااافيه

عمليه في كل شي الا المساحة الداخلية الضيقة بالمرتبة الخلفية و المسافة بين الكرسيين اﻷمامية كبر حجم الكونسول الوسطي

الموتر معي له سنه واربع شهور موديل 2013 موتر لا يعلى عليه ما شا الله رساوه وعزل ومثل ماا اقول كل مره اللي الشيء الغالي فقط قطع البدي وهذا بسبب التأمين الشامل لعب فينا اما قطع الغيار الميكانيكيه والاستهلاكيه تقارن بالكورلا من غير مبالغه

وراجع مواضيعي وبتلقى تسعيره لقطع 2013

الموتر ليس عملي والقطع ناااار 

مرحبا
الموتر مع واحد من اخواني 2012 صار ماشي 160 الف  ماشالله تبارك الرحمن  لأنه يداوم من الخبر الى ورى الاحساء يومياً

الموتر عزله ممتاز   سعره اصلاً مماز مقارنة بباقي السيارات ال 4 سلندر

الموتر فخم خارجياً وداخلياً    خلال فترة الاستخدام ال 160 الف لم نواجه اي مشكله ولله الحمد سوا عدم تغيير زيت الدفرنس الامامي لأنها دفع رباعي

اذا سعرها 2011 مستعمله ب 55    هههه  55 يادوب تجيب لك كامري 2010  ومكروفه ورايحه فيها بعد

و الله واحد من الزملاء معاه واحدة يمدح فيها مدح
رساوة وعزل و كرف
بس عيبها تصميمها الداخلي سيء
و النقاط العمياء فيها كثير كم مرة بغى يقشع بسبتها

يارجال تبي نصيحتي اذا انت بتاخذ الموتر وتشوف غلاء قطع الغيار معضله انصحك تروح وتسعر قطع
الغيار المهمه ..ترا الاراء في هالمنتدى متذبذبه وميزانيه عن ميزانيه تفرق ..

انا وضعت له اسعار اغلب القطع الاستهلاكيه في موضوعي السابق وهو يشوف اذا تناسب ميزانيته او لا

اللحين دوختو الرجال
فيها اللي يقول قطع رخيصه 
وفيه اللي قول قطع غاليه 
وفيه اللي يقول عمليه 
................
انا والله ماعرف شي بالتورس
لكن لو اني منك اشوف احد يعز علي
معه وحده واخذ عليها كم لفه 
او 
روح استاجر وجربها قبل لاتشتري وتحسف
ولا تنسى تروح تسال عن قطع الغيار افضلك
والله يكتبلك اللي فيه الخير

الله يوفقك ياخوي ولا تنسي تستخير ربك

الداخليه ضيقه وراء  اممم وجهة نظري خليك على عطايا الله الفكتوريا والماركيز او لنكون...  

الداخليه ضيقه وراء  اممم وجهة نظري خليك على عطايا الله الفكتوريا والماركيز او لنكون...  

الداخليه ضيقه وراء  اممم وجهة نظري خليك على عطايا الله الفكتوريا والماركيز او لنكون...  

على فكرة تراه حساسات شوي يبي لهن مراعاه 

انا واحد من ربعي معاه تورس 13 وكنت ناوي اخذه ركبته وجربته الموتر ماشاءالله فخمم خاصة نوع سيل النصف الفل والفل كامل والشكل الخارجي جميل جداً صراحة لما ركبت التورس احس اني داخل غرفة مكيفة ومريحه ماشاءالله ..
عيوبها / حجمها كبير من الخارج بعكس الداخل عادي جداً بالنسبة لي وصاحب الموتر يقول شوي ضيقه
والشيء الاخير صارله حادث خفيف من الجهة الخلفية في الزاوية تضرر الصدام والشمعه وحاجه على ما اظن يسمونه ربل التأمين صرفله 16 الف ريال يعني اعمل حسابك يا تأمن يا بتتعب خاصة اذا بتاخذ اقصاد ووضعك المادي متوسط اخوي ناوي على واحد وصامل خلال الشهرين الجاية ياخذله تورس لكن على كلام موظف الجزيرة 2015 بيكون فيه تغيير والله اعلم، اذا ناوي على مستعمل ترى موديل 13 و14 مافيه فرق ابد

اخوي معه تورس 2011 فل كامل . بالنسبه لي ما جازت لي آبد .. اخذتها مره وكان عندي مشوار ومستعجل

وكنت ادعس للموتر واكتمه . يوم وصلت البيع . ونزلت من السياره الا هذيك الريحة الي تقل واقف جنب حريقه
بعد كذا تأكدت انها ما تصلح للكد ..

وغير كذا سوا حادث صدام امامي وحاجات بسيطه مع انوار كلفته 8 الاف تقريبا .. قطعها غاليه جدآ

المرتبه الخلفيه ضيقه جدا .. وغآلبآ التكييف ما يوصل للمرتبه الخلفيه . وهالمشكلة بسيارة اخوي وسيارة خويي . يقولون التكييف ورا جدا ضعيف 

وجهة نظري - لا تستعجل  بالشراء وعسى الله يرزقك بافضل منها 

سلام عليكم