أضف سؤال أو موضوع جديد          

ياهل الخبرررررررررررررررررررره

up 13 down 5
البرنس 2006 2085
قبل 13 سنه



ياشباب انا طلعت كراون 2011 من الوكاله وسويت صيانه 8000 وصيانة 16000 وصيانة 24000 في الوكاله والان الموترماشي 32 الف قالولي صيانته 1132 ريال واهم صيانه (حبيت اسئلكم صيانة الوكاله ولا البنشررري وسلامتكم)







إبلاغ إبلاغ



الردود


الوكاله أفضل وأضمن 


up 3 down 1
ناصر _القصيم 250
قبل 13 سنه



والله بعمري ماسويت صيانه السيارتي بالوكاله
واللحين لها خمس سنوات معاي والحمدالله ماعمرها شكت من شي


up 4 down 1
بشوش 5096
قبل 13 سنه



أخوي صيانة الوكالات لعب عى الدقون أذكر طلعت يارس وكاله من ابو لطفي ولما مشيت 5000 الف سوت صيانه( وكنت أراقب العمال من خلف القزاز لأنه ممنوع الدخول وتجلس بغرفة انتظار ) لكن تدري على إيش
1- تشييك على ضغط الهواء
2- تشييك على ماء الاديتر والمساحات
3- تغيير الزيت
4- غسيل السيارة 

خسارة الوقت والانتظار ونهايتها مساحات وتغيير زيت 



up 7 down 0
السموئل 1106
قبل 13 سنه



1100 على وش ؟ زيت وسيفون عند افخم المحطات ب 100 ريال


up 4 down 2
lolo-ss 4508
قبل 13 سنه



خذها مني
... الفورد سهل الصيانه وغير معقد سنين وانا معاي استخدام امريكي اسوي صيانته ... زيت القير غيره كل 40 الف كيلو وخذ الفلتر والزيت ووجه الكارتر تاخذها على رقم الشاص لان زيت القير يختلف من مديل الى مديل وغيره عند محل يلوهات او ريد كاب ... وابتعد عن الصناعيه .. موية الاديتر كل 150 الف كيلو او 3 سنوات ( مجرد بزبوز تفتحه من تحت وتنزل المويه وتغيرها ) الباقي كلها فلاتر وزيوت خذها من الوكاله وغيرها برى وسلامتك


والله انا افضل الوكالة مادامت السيارة انت مشتريها جديده .. لان لو أخطأ ميكانيكي ما احد بيعوضك اما الوكالة لا بيعدلوها لك


up 2 down 1
marwan699 5854
قبل 13 سنه



اسحب على ام ابو الوكالة

ونصيحه لاتغيرها عند بنشري يماني مع احترامي لهم << والله اغلبهم غشمان ومايعرف يفك الصره

مره من المرات اخونا في الله اليماني لما فضى الزيت وجاء يصكر الصرة ركبها على ميلان وشد ام امها وانحل المسمار جوا
وانا مادريت يوم رحت للبيت الا اشوف بحيرة تحت السيارة يادافع البلا
واشيل الموتر بالسطه واروح عنده واقوله تعال معي لصناعية نشوف وش المشكله
وصارت المشكله مثل ماقلت ركبها على ميلان وشدها بقوه
وطبعا مستحيل تنفك لانها الصره تدور بوش
فصارت تكلفه التصليح كثيرة فك الصاجه وتغييرها + وجه كارتير وزيت جديد
وتفاوضت انا واياه نص نص الشكوى على الله

لكن نصيحه غيرها عند قلف او اي الشركات الكبيرة

وفالك التوفيق


up 2 down 1
ابووفهدد 1528
قبل 13 سنه



وسالفه ثانيه ههههه طولت عليك

مره غيرت الزيت مع السيفون طبعا عند اخونا في الله يماني
ركب السيفون بطريقه غريبه
وضاح انه جالس يتعلم ويطقطق
ودوك غشامه بالتركيب ويفر يمين يسار ويجيب سطل بويه عشان يرقى عليه عشان يطول يركب السيفون الا واخونا في الله مع الحماس جرح لي المكيف وطير ام ابو الفريون
انا شميت ريحه كنت بعيد شوي جيت عنده وجهه تغير قلت وش تمسح قال لا انضف الوصخ
ههههه جالس ينظف الفريون من اللي عشان ماشوفه

عاد انا ماركزت صكرت ومشيت رحت للبيت وانا بالطريق اشغل الميكف تقل بدأ يحتر !!

وقفت الا واشوف اللي يندي قلت والله مالي خلق ارجع له واعيد سالفة خويه الاول
رحت الصناعيه وسويت كبس ليات جديده + فريون كلف علي حول 300 الله يخلف


بس دررررس ماراح اكرره


up 6 down 0
ابووفهدد 1528
قبل 13 سنه



ابو فهدد


انا يمني وأقول معك حق

بس انت تخطأ ما له داعي تذكر جنسيته لان الهندي والبنغالي والمصري والسعودي مش احسن حال منه في هذه المهنة (الميكانيك والكهرباء) بل حتى التجارة قال صلى الله عليه وسلم (التجار فجار) .. ذكر الجنسية يسبب فقط تحسس بين المسلمين بدون نتيجة .. .

غيار الزيت أمر خطير لازم تتابع بعده اثناء تغيير زيت (بأمكانك تشوف البدو ماشاء الله عليهم ينزل معه وقت شد السرة )

والاذكى انه يأخذ فاتورة عشان اذا حصلت مشكلة يقدر يأخذ منه حقه .. تابع اول بأول ولاتترك سياراتك عند أحد..

شكرا لك (لايك +1)


up 3 down 0
marwan699 5854
قبل 13 سنه



الوكاله حراميه ابعد عنهم


up 2 down 0
كوكو888 561
قبل 13 سنه



الصيانه للفورد بس اول مره وثاني مره اذا مره في الوكاله بعدها كل 40 الف سوي صيانه انت برا انا اسويها كذا غير زيت القير وهو ميكرون LV خمس علب وفلتر قير وجه وصفاية بنزيل وبواجي تاخذها برقم الشاصيه من الشركه وفلتر هوا وزيت المكينه معروف كل 5 الاف مع السيفون واستخدم لزوجه 10-30 ابعد عن 20-50 متعب للمكينه 


up 1 down 1
princ 18875
قبل 13 سنه



حبيبي مروان ونعم فيك وباهل اليمن كلهم
انا بكلامي يالغالي ماقللت من اخوننا في الله اليمنيين ولا قارنتهم بجنسيات اخرى بالعكس انتم اخواننا في الله ونحبكم ويشهد علي الله

بكلامي فقط اقول ان اغلب البنشريين من الجنسية اليمنيه يشتغلون هالشغله بدون اي خبره او تعليم
فهمت قصدي يالغالي


up 2 down 0
ابووفهدد 1528
قبل 13 سنه