تغير النية بسبب الطمع

يارجال لعلها خير والخيرة فيما يختار الله 

يابن الحلال الله يرزقه ويبارك بحلاله والسيارات مافيه أكثر منها
هو ماعطاك النيه للبيع وانتهاء الموضوع تبي تفحص وتقرر 
هو حر بسيارته دم مافيه شي ملزم شرعا او قانونا مجرد مكالمه

لعل لك خيره في الامر


والله يعوضك بالي احسن منها وارخص منها

يا خالد الرجال التزم بموعد واعطى نية بيع على الفحص والسعر لن نختلف فيه والفحص من حقي ـ وصحيح ما فيه شيء يلزمه الا نيته والنية مطيه وهذا بينه وبين ربه

هذا يرجع لضعف شخصيته
بدل من يواجهك و يقول لك انه هون يبيع لك
سحب على وعده لك مرتين
و هذي من خوارم المرؤة و نقص المرجله

يعوضك رب العالمين باللي أحسن و لا عليك منه
الحمدلله يمكنه شر و انصرف عنك

خيره يا رجال وصدقني ما راح تشتري شيء الا مكتوب لك 

انا لما جيت اشتري موتري شفته اول مره وعجبني الموتر ونفسي فيه وكان مرددني سعره قليلا 

لكن يشهد الله ان راعيه دخل به المعارض يومين ورا بعض ويقول لي ولا واحد سألني وقال للبيع 

وسبحان الله كان مكتوب ان باخذه طبعا انا اتصلت عليه وفحصت الموتر وشريت ولا ترددت حتى لانه كان مكتوب لي وسبحان الله الله مبعد الناس عن الموتر لان نفسي فيه 

الشكر لكم جميعا
أخواني
والحمد لله على كل حال والله يعطيني ويعطيه على قدر نياتنا .

الله يرزقك بسياره أحسن من الي كنت ناوي تشتريها 

شوف الحركة تقهر  ماهي حركات رجال يسحب عليك  اقلها يعتذر منك     ولكن قل خيره ان شاء الله

شوف الحركة تقهر  ماهي حركات رجال يسحب عليك  اقلها يعتذر منك     ولكن قل خيره ان شاء الله

حصل معي نفس الموقف 
سألت الهيئه الشرعيه و قالوا ان البائع يأثم فقط لانه اخلف الوعد ..و لكن البيعه لا تكون مكتمله الا اذا قابلته و عاينت السياره و اعطيته العربون و لا تكفي النيه 
و عليه فان بيعته الان صحيحه و لكن يأثم فقط لأنه اخلف الوعد 
هذا و الله اعلى و اعلم 

الحمد لله
وانما على نياتك ترزقون
جرى التعديل على الموضوع وذلك بالدعاء له وليس عليه .

الخيره فيما اختاره الله

الله يرزقك بموتر احسن من موتره وكل شي مقدر ومكتوب وانا اشوف ان الخطا راكبه من راسه لساسه لانك اعطيته موعد ونويت انك بتشتري اذا الموتر على نفس كلامه لكن شكل احد دق عليه او نزل بها المعارض وجابت قيمة اكثر من اللي كنت ناوي تعطيه اياه وطمع لكن عموما حسابه عند رب العالمين وحنا بشر مانحاسب البشر مثلنا حسابهم عند الواحد سبحانه وانا على طعم هالسالفة صارت لي نفس السالفة قبل شهر جيت ببيع السوناتا الي معي 2006 كنت ابي فيها 24 او 25 وكلمني واحد من احد الدول الشقيقة العربية ولزم علي الا يبي الموتر وجايز له وقال اني باخذ سلفة من الدوام وكذا ابغاك تعطيني اياها ب 23 قلت انا والله حدي مررة 24 وعشانك بعد لكن لزم علي وانا ماحبيت ارده قبل ما اقابله بيوم دق علي واحد قال برسل لك اخوي الحين يشوفها وب 24 ولو تبي 25 عطيتك قلت يا الغالي انا ارتبطت مع الرجال بكلمة ان ما شراء ولا هون فالله يبارك لك فهي من نصيبك وسبحان الله كلمني واتساب وقال ترى لقيت ارخص من موترك فئة ثانية وبشتريه قلت الله يوفقك وفعلن بعتها على خويي الاولي ب 23 ... تقبلوا مروري

شكرا الله لك اخي ابراهيم الصدق منجاة والحمد لله على ما قضى ودبر نسأل الله لنا ولك صدق النية والعمل الصالح