فورد قير ارضي

ماركيز فيكتوريا كلها زي بعض فقط شكل وبرمجه كهرب تختلف

الماريكز او الفيكتوريا القير الارضي نفس ابو قير علاقي

الفرق هو حجم الدفرنس اقوى وبرمجة القير تختلف

بس شكل الروقان والاجمل للقير الارضي حتى المقعده تحس انها ضامتك مو مثل ابو قير علاقي مع كل لفه تحس انك تروح في جهه

اهلين اخوي
سوالك.هل الفورد جراند ماركيرز القير الأرضي له مشاكل عكس العايدي...؟
-(لا يوجد مشاكل نفس بعض والاختلاف ذي ما قلك الاخ شاقح)
سوالك.تنصحوني ب فكتوريا...؟
-(الاتنين نفس بعض من مكينه وجير ودفرنس وعضلات الاختلاف في الاكسسورات والمميزات فقط)
والله يعطيك العافيه وشكرااا لك

ماعندي زود على كلام شاقح ولا صديق المنتدى كلهم اختصروا اللي كنت انا بقوله اللي هو الفرق بين الارضي والعلاقي ومن ناحية الفرق بين الفكتوريا والماركيز مافيه فروق ابد ديكور واكسسوارات بس انت شف اللي انت مقتنع منه واشتره ... الله يوفقنا وياك

الله يعطيكم العافية ماقصرتو والله 

انا اخوي شرى فورد قير ارضي والقير ارضي يجي بفود السبورت 

المركوري او القراند ماركيز قير ارضي ومكينه موستنق على حسب علمي 

يعني قوي والقير ارضي اجمل بصراحه والقير ارضي مايجي الا بلفل كامل بلفور

اذا حصلت نضيف وتشيك على مكينه وقير وكل شي طلع سليم خذه بدون تردد

تسلم ياغالي بس يقولون جربكس القير الأرضي مشكلها كثيرة

السلام عليكم 
لايوجد به اي مشاكل تذكر اللهم الشكل وكل شي كما في القير العلاقي 

السلام عليكم 
صح ان الموضوع قديم لكن بحط الرد حقي هذا للي يدخل عالموضوع اكثر الناس تتكلم عن القير الارضي و هم مقد جربوه ويقولك خراباته كثير و جربوكسه مدري وش فيه 
انا جربت الاثنين فكتوريا علاقي ٩٨ و حاليا معاي ماركيز ارضي ٢٠٠٢ و له معاي ٧ سنوات مقد اشتكيت منه غير مشاكل الفورد الطبيعيه سواء حرارة او تربيط و بعض الاحيان تفتفه تروح اذا مسكت خط
المميز فالقير الارضي تحس انه قوي لكن هو نفس العلاقي اللهم انه التعشيق سريع فيه اسرع من العلاقي ومن ناحية التحمل نفس بعض و الجربوكس نفس العلاقي فانصح اللي محتار فالقير الارضي اذا لقيت واحد نظيف لا تتردد اشتريه على طول والله بتلاحظ انه يستاهل اللي دفعت فيه

اللي قاهرني مادري وش صار عليكم عساكم بخير كلامكم له ٦ سنوات وينكم عساكم بصحه وعافيه يارب

ان شاءالله الجميع بخير