الحل الصحيح لتنظيف الثروتل وتحسين صرفية البنزين وعزم السياره

شاقح بن مشقوح الشقيحاني 22707
قبل 12 سنه و 4 شهر

السلام عليكم :

موضوع اليوم هو اصلاح وبداية المشكله كانت كالتالي

فورد 2006 ماشي 200 الف كيلو

ضعف فالعزم ورجفه اثناء الوقوف والزياده في صرفية البنزين وظهور لمبة ( CHICK ENGINE )

الحلول اللي سوينها ( تغيير بواجي اصليه + تغيير طقم كويلات اصليه + تغيير صفاية البنزين + تصفية مكينه )

المشكله لازالت موجوده ولمبة الشك انجن كل مانبرمجها ونطفيها ترجع تشتغل

احدى الورش قالت :

لازم تغيير ربلات كويلات + بواجي + صفاية بنزين !!! طيب احنا غيرنا كل هذي الامور وشغل اليد 500

بعد فحص الكمبيوتر الدقيق تبين انه الثروتل متسخ ويحتاح الى تنظيف

نصائح قبل ماتشتغل في فك الثروتل

1 - بالراحه على المسامير لاني انا سويت فيها ابو عنتره وكسرت مسمار حساس الدعسه وماصلحته الا بعد مارحت الصناعيه وخرطته وركبت مسمار ثاني

2- قصاص اظافرك قبل ماتشتغل في اي شغله فالسياره لان اظافري كانت طويله وانا قاعد افكفك فالسياره انكسر احدى اظافري وجبت العيد فنفسي

طبعا شريت نوعين من البخاخات الخاصه بالتنظيف واشتغلت فالسياره وحاب انبهكم انه تنظيف الثروتل لازم تكفه من مكانه

وماينفع التنظيف وهو راكب محله مثل مايستخدمون الشباب الان وهو حل غير جذري لان هناك اوساخ ورواسب عالقه في الثروتل بدي ولاتظهر بمجرد استخدام البخاخ

فكينا الثروتل ولقيت فيه بعض الفتحات شبه مسدوده واوساخ عالقه ماطلعت الا بعد السنفره وراح تشوفونها فمقطع الفيديو

اخر شي توجهنا لطريق الدمام واستخدمنا منظف (MAX 44) ..ز تخلي التانكي على الربع وتحط العلبه فالتانكي وتمشي على سرعة 100 كيلو متر لحد مايخلص البنزين

عشان المنظف ينظف البخاخات وفعلا التجربه نجحت ولكم تشوفونها بالصور والفيديو

النتيجه النهائيه

1- اختفاء لمبة ( CHICK ENGINE )

-2 تحسن عزم السياره بشكل خيالي

3- معدل استهلاك الوقود انخفض بشكل كبير جدا

4- الرجفه والنفضه اختفت اثناء الوقوف

5- المكينه صارت هاديه جدا

مقارنه في صرفية معدل استهلاك الوقود بين سيارتي وسيارت خويي

سيارت خويي قبل حل المشكله كان صرفية البنزين ( 14.0 لكل 100 كيلو متر ) وتنزل قليل وكانت ثابته

بعد حل المشكله طلعت النتيجه كالتالي

معدل استهلاك وقود سيارته وصل الى ( 9.2 لكل 100 كيلو متر ) مقابل ( 14.0 لكل 100 كيلو متر )

طبعا مقارنه بين سيارتي وسيارته

فيكتوريا 2006 ماشيه 200 معدل الاستهلاك للوقود بعد الاصلاح ( 9.2 لكل 100 كيلو متر )

ماركيز 2006 ماشيه 30 الف كيلو معدل استهلاك الوقود ( 11.0 لكل 100 كيلو متر )

يعني سيارت خويي ماشاءالله عليها صرفية البنزين صارت اقل من سيارتي

رابط لتوضيح استاخ بوابة الثروتل ( http://www.youtube.com/watch?v=A14XD9he-eU )

رابط لتوضيح الاوساخ داخل علبة الثروتل ( http://www.youtube.com/watch?v=09UTC2YZdxs )

رابط لتوضيح النتيجه النهائيه للتنظيف الاخير ( http://www.youtube.com/watch?v=Kzj4qkskxv4 )

رابط لتوضيح نجاح العمليه واختفاء لمبة ( CHICK ENGINE )

http://www.youtube.com/watch?v=nNgosqq3Orc

معدل استهلاك الوقود بين السيارتين ( http://www.youtube.com/watch?v=SM5W2U4Cn70 )

معدل اتسهالك الوقود بين السيارتين والنتيجه النهائيه ( http://www.youtube.com/watch?v=SM5W2U4Cn70

واي استفسار انا حاظر واتمنى يكون الموضوع واضح ووصلت الفكره