مكينة فورد مجيمه اوظبها ولا اغيرها ؟؟؟؟؟؟؟

السعر ما اعرف 
وإذا انت تبي تكد السيارة لا والله وظبها اقل شي تكون عارف وش حاط في المكينة 
أحسن من تشتري تشليح ما تدري وش مسويبها الي قبلك
أنا أشوف افضل شي انك توظبها

غير من المكاين اللي تجي من مستورة من امريكا
تحصلها بالهبل عند شبك المطار بجدة 
تكون المكينة ما قد انفكت و على شد الخواجة على قولهم و يعطيك المحل ضمان 

ما هي مشكلة مكينة 2006 و فوق تركب عادي
و اهم شيء لا يوضب طبعا اذا بيستخدم

المكينه اذا بتستخدمها غير المكينه كامله بتلاقي 4000
افضل من التوضيب كل شوي تطلع لك شغله في السياره 

باشوف مكاين مضمونه وباسعار ممتازه وبرد لك خبر 

تستاهل والله يابو راكان الخدمه بعد الموقف الرجولي والشهم الي سويته مع المصري النصاب لك مني جزيل الشكر 

بدلها بمستعمل افضل بس عشرط انك  ما تدفع حق المكينة  الا بعد ما تمشي 500 كم  وتتاكد انها  سليمة 

عندك حلين وانا ارشحلك الاول  ... التوظيب ثم التوظيب ثم المستعمل  اذا كنت في الخميس بادلك على ورشة فنانة 
بالنسبة للمستعمل لاتاخذ شي مفكوك ونازل من السيارة ،، دورلك سيارة صدمتها خفيفه او مقلوبة 
واتفق مع التشليح يعطيك رقم راعيها وحاول تتصل عليه وتساله عن المكينة واتوقع بيقولك الصدق لانه خلاص باع السيارة 

التزظيب يكلفك حوالي 7000 ريال 

غير المكينه عند الفوزان بالصناعيه مكينه 2009 مع الرجيع 3000 ريال فقط

والله وانا اخوك التوضيب افضل لك لو بغيت تستخدم لكن التوضيب عشان يكون ناجح لازم ميكانيكي أمين و ثقه و فاهم الشغل + مخرطه شغلهم نظيف و اهم شيء المخرطه + قطع غيار اصلي و ابعد عن الامريكي فيدرال و كلي فايت كلها ماتوكل عيش ذي
- اذا انت رجال نفسك طويل و صبور .. وتقدر كل عصريه تمر الورشة توقف على روسهم و تشتري القطع بنفسك و تراقب شغل المخرطه بنفسك فـ التوضيب بينفع معك اذا اهتميت بالثلاث نقاط اللي قلتها ( ميكانيكي ممتاز + مخرطة عليها الكلام + قطع غيار اصلي )

اما اذا انت مالك في الروحه و الجيه و ماتبي تدور قطع غيار ( انتبه توكل الميكانيكي يجمع القطع ياتجيبها بنفسك ولا بلاش ) فـ هنا انصحك تشوف لك مكينه تشليح نظيفه عليها ضمان و الافضل تاخذ من المكاين الامريكيه و خذ موديل حديث افضل
اذا بتاخذ مكينه مستعمله ركز في الصواميل حقت المكينه كامله صواميل غطاء البلوف و غيرها لا تكون محكوكه و فيها اثر فك سابق انحش عن المكينه المفكوكه
فك البواجي و ناظرها عليها صدى او لا
فك السيفون و دخل اصبعك بمكان السيفون شف هل تحس بنغزات في اصبعك ( هذا رايش حديد ) اذا كان الرايش بشكل معقول مايمنع لكن اذا كان كثير وريحه السيفون بنزين عض ثوبك و أهرررررب

احررص على الضمان اهم شيء

و معوض خير ..

اخوي نتبه من المكاين المستورده اكثرها تجي من دبي وهريانه وحالتها حاله 

نصيحه لك لو الموتر ماتوظب قبل كذا وظبه وحاول تجيب قطع ممتازه وخلك على راسه 
وخله يوزن كل شي ممتاز وخله يشد المسامير بالوزنيه المعروفه 

نصيحتي لك وظب وخله يعطيك ضمان شهر 

ولازم تمرن الموتر لاتكرفه كرف واجد لانه في النهايه انت خسران 

قله يمدد في الضمان لانك ماراح تعدي ال60 وال 100 
اذا شافك بتحافظ بيمدد الضمان  ولايهمونك اللي يقولون لك ادعس عليها عشان تطلع عيوبها انت اللي بتخسر في النهايه 
لانه احتمال ماتطلع عيوبها اثناء الضمان تكون كرفت المكينه وقللت عمرها

اهلين اخوي
نصيحه لوجه لله (غير المكينه احسن واضمن لاجدد موديل وتركب براحه وعندك مكاين مستورده مع الضمان)
لو غيرت مكينه راح ...
1_توفر فلوس
2_توفر وقت
3_المكينه مستورده اضمن من التوضيب بلميون مره
4_راحه تامه
.............
لو بتوضب المكينه ....
1_عدم وجود عماله تزبط التوضيب 100%100
2_الخداع والنصب الورش في شراء قطع الغيار التجاري
3_تكلفه التوضيب اغلى من مكينه مستورده
4_عدم توفير وقت
5_المكانيكي يشفط الي بجيبك
............
ونصيحه بعد شراء مكينه جديده
سوي الي اقولك عليه وراح ترتاح...(غير زيت وسيفون + غير بلف حراره (بسعر 35 ريال) + سوي غسيل للديتر والمكينه في الجهاز (من 30 الي 50) + غير غطأ اللديتر (ما ادري كم) + شراء اتنين جالون ماء مستوبيشي مع ماء مقطره (السعر 85 ريال) واكرف السياره زي ما تحت
.....................
والله يرزقو الجنه الي يعطيني لايك...(لانو بنزل موضيع نستفيد كلنا باذن لله)
والله يعطيكم العافيه وشكرااا لكم

في مكائن شبك المطار تجيء شد بلد وعليها ضمان 

واحسن لك من وجع الورش

القطع الفيدرال احد جربها في السبايك والشنابر والجنزير

تغير مكينه افضل لك واذا تبي ميكانيكي عندي تواصل معاي واتس
0553646661

السلام عليكم ورحمة الله وبركاته
عندي فورد اكسدبشن 2010 فيه صوت في الرواس والنكبات وفكيت الرواس بس شفت الزيت القديم مالبد في المكينه ويش تنصحوني الغيار مكينه او اصلح