وش رايكم في الكليات العسكرية ؟

العسكرية طيبة بس الافضل الدراسة اذا نسبتك عالية شفل لك تخصص صحي او هندسي افضل لك بكثير لان الشهادة بتنفعك بعد الله لكن العسكرية لا شهادة ولا غيرها .. انا تخرجت من الثانوية الحمد لله بنسبة عاليه وقبلتني كلية عسكرية بس الوالد نصحني وقال العسكرية ما تنفع لانه قد جربها وذاق مرارتها .. اولا واخير الدراسة افضل والله يكتب لك الي فيه الخير والاستخارة قبل كل شي

والله الدراسة في الجامعة حلوة ويكفيك انك حر . محد يامر عليك, ولو تحسب الفرق بيكون سنة او سنتين بالكثير والله يوفقه

وترى الكليات العسكرية فيها دراسة مثل الجامعة. وترى بيكون ثلاث سنوات محجوز طول الاسبوع ما عدا الويكند . واما الجامعة دوامك نهار ومرتاح وتروح وترجع على اهلك وغداك جاهز قدامك وترقد بعد الظهر واذا ضاق صدرك تسحب على الدوام لكن الدراسة لازم لها رجال صبور على المذاكرة خصوصا الهندسة وانا مجرب.

واذا لزم انه يدخل عسكرية اشوف الكلية البحرية افضل بحكم انه يقدر يحول الى حرس الحدود تبع وزارة الداخلية ورواتبها افضلز
وترى البحرية في دراستهم يركزون على الانجليزي بالذات

انحش من العسكريه قدر المستطاع

إذا قبلت في أحدها فلاتتردد في الدخول اليها
ظابط راح يكون الوضع المادي ممتاز تقدر تكون نفسك بشكل سريع بينما لو أكملت الدراسة ماراح تضمن شيء
وفي حال قبولك اكمل دراستك فيما بعد لو أردت

لو انك مصمل مرة على العسكرية لاتدخلها بعد الثانوي على طول أول شي خذ جامعة أي تخصص بعدين رح عسكرية على طول يعينونك ملازم

يا أخوان الكليات العسكرية لأصحاب الواسطات فقط وفقط لهم

لا تدخل العسكريه برتبة جندي اقل شي لو تقنيه يعطونك وكيل رقيب حلوه 

يقولكم كليات عسكريه ( حربيه - دفاع جوي ) تقولون جندي ووكيل رقيب .. ذي 3 سنين وهو وتخرج ملازم
ياخوي استخير اول شي واسمع كلام والديك > هذا الاهم ولاتقول واسطه .. خلي واسطتك رب العالمين

وعليكم سلام
عام 29 قدمت عليها وكل شي مشيت به بس بالوفر نهائيه ماطلع اسمك بالعربي الفصيح معك واسطه او حظ زين قدم ...المهم انا كملة كليه الصحيه ودخلة الجيش وكيل رقيب
تبي النصيحه إذا حصلت لك مدنيه لا توفرها 

تعديل: بالوقت نهائي ماطلع أسمي

يارجال ان جاك فيها نصيب خشها
عالم ماعاها شهادات عليا مالقيت شي بعد دراسه طويله اخرتها شغالين استقبال 

وانا اخوك صعب الدخول فيها كلها واسطات وسبق قدمنا وشفنا البهذلة والواسطة اللي عيني عينك وبلسان احد الافراد اللي ينظمون الدخول والخروج للمتقدمين يقول اذا ماعندك واسطة جامدة ﻻتتعب نفسك وهذا اللي صار فعلا وكل اللي يدخلونها امراء القبايل وكل لواء نظاما يدخل 3 من غير اللي تحت الطاولة لكن الله يعوضنا ان شاء الله

ياشباب بغيت اسالكم

هل صحيح الا يدرس ويتعب ويكرف وبالاخير الراتب بين 8 وحولها .. والعسكريه الرواتب نفس الشي؟

ولله في ذا الزمن ما ينفع الا كلية عسكرية  لا تقولي هندسة   يبوي يكفيك اولا ضامن الوظيفة وبراتب لا يقل عن ١٤  وضامن مستقبل عيالك  انا اعرف طبيب اسنان قاعد ف البيت الحين وقبل امس قدم على الحرس الوطني  

الرزق بيد الله