كسرو مراية الفورد

والله يا ابراهيم ما اعرف من سواها رغم اني واقسم بالله ما اؤذي احد

كل الناس اسلم عليهم .. واي واحد يحتاج مساعده اساعده

فغريب اللي يصير لي؟

الله يجزاك خير ياصاحب السياره ويعوضك فعلاً اللي مثلك نادر 

صح كلامك اخوي ابراهيم ما جات في بالي هذه +1
لانه طبع الانسان حتى لو كان شرير لو لقى معامله حسنه كسلام مثلا تجد ان السلام عليه يخمد شره

فالارجح انه شخص غير معروف

اخوي تالمت  . كلام سلييم مئة بالمئة ياليت لو كان بإمكاني اعطيكك لايك على هالرد 
والاخ صاحب الموضوع الله يعوضكك بالجنة على اخلاقك الطيبة لو واحد غيرك ماسوا اللي سويته،، 

بعضهم وقح لااتفه الاسباب والله كل يوم اكتشف حسد وحقد بعض البشر
يكسر مرايه ليش وش السبب طيب ودي اقابله واساله ليش تسوي كذا
يعني مثلا نفسك بالموتر ولا اهلك ماعرفو يربونك ولا بس تبي تخرب حلال خلق الله
الله يعوضك خير يامروان

مشكورين اخواني الاعزاء :)

بسيطة اخوي وحمدلله تصليحها ابسط..
وشرايك بالسيارة وانطباعك عنها.؟

اخوي هذي واحد شطفك بقوة بس من البدي حق المراية انا 4 مرات كذا تطيح وماغير الاسلاك المرة الخامسة انكسرت القزازة وتشطبت ...
بس تنزل المكافات بفصل مراية لان الكهربا سليمه

ربي يعوضك يامروان وأهنيك على طولت بالك وعدم دعائك على من أساء إليك مع أنه يستحق العقوبه

وأعرف أن حقك لن يضيع عند الله تحياتي لك

عالم مريضة 

انا غسلت سيارتي ووقفتها عند البيت قمت الصباح لقيت البابين والرفرف كاملة ممخوشة بمسمار ومخش مايروح الا بالرش

 والى يومك ادعي عليه 

شكرا لاخواني المشاركين :)
اخوي طلال عبدالله والله الفورد ممتاز بصراحه مريح وقطعه رخيص وصيانته سهله

ألي كسرها تلقاه مريض نفسيا ولا ماعنده شخصيه وجالس يثبت شخصيته على مرايه يحتاج تدعيله بالشفاء

اتوقع انها بسبب كورة

hnt-7 اعتقد لو ماغسلت السياره ووقفت السياره قدام الباب وهي وسخه مابيمخشها الحقود

الحين نحن نقول ناس مرضى وناس نفسيين بدون مانعرف سبب المشكله
انتشار ظاهرة التخريب من قبل فئه كبيرة من المجتمع يدعو للقلق ومحاوله معرفه الاسباب الاساسيه لهذي المشكله اوجزم ان هؤلاء الاشخاص المخربين لم يقدمو لهذا العمل الالشعورهم بالظلم وتعرضهم للقهر في مرحله ماء في حياتهم وليس لهم طريقه لتنفيس عن غضبهم او التعبير عن شعورهم الابتخريب ممتلكات الاخرين كردت فعل لتنفيس عن غضبهم
وانا بعتقادي الشخصي السبب الرئيسي من الاشخاص المخربين التي تبداء اعمارهم من 8 الى 18 سنه السبب المدرسه او اولياء امورهم يكون تعاملهم سيء كالاهانه او الضرب
والفئه العمريه الاخرى التي تبداء من 19 الى 25 سنه يكون بسبب التعامل السيء اما رؤساء العمل
او الغير قادر على الحصول على وظيفه او التعرض لمخالفات مروريه يعتقد انه لايستحقها

اذا المرايه فيها ضربه وحكه بعد الكسر فيعني فيه سيراه مرت من جنب سيارتك واحتكت فيها وانكسرت

واذا المرايه مافيها اي اثار حكه او ضربه فيعني فيه واحد كاسرها بيده 
وبحكم انك شخص مسالم 
فممكن يكونون وراعين كسروها ومشو

الاسد وهو حيوان ما معه عقل لو احسنت له وعاملته بطيب
صار أليف

ما بالك بأنسان

اشياء سويتها ف الماضي ودي ان الايام ترجع واعتذر لاشخاصها

من ضمنها سرقت طيس كابرس واقف عند بيته واللحين اعرف الحي اللي سرقت منه لاكن
ما اعرف البيت اتمنا اني اعرفه عشان اروح لراعي السياره واعتذر له واعطيه حقها
لاكن مقدر

الحل اني اتصدق احيان وانوي بالصدقه كل من اذيته ف الماضي

وش الافضل في نظرك يجيك راعيها اللحين ويعطيك قيمتها 500 ريال
ولا تجي يوم القيامه وتلقاه تصدق عنك وصدقته ذي صارت كالجبال

 (..وَلْيَعْفُوا وَلْيَصْفَحُوا أَلاَ تُحِبونَ أَنْ يَغْفِرَ اللهُ لَكُمْ) (سورة النور: 22)