أضف سؤال أو موضوع جديد          

كيف نعرف الفوردات الحكومية وتتبع للمرور ام لا ؟

up 16 down 1
sh_89 168
قبل 5 سنه و 7 شهر



السلام عليكم

صبحكم الله بالخير يالربع

حبيت استفسر عن شغله بخصوص الفوردات البيض اللي زي ذي

كذا مره تصادف لي مواقف معهم

مرة كنت بالدائري الشرقي وماسك الكتف واكبس لفورد وشوي الا ويشغل البراقات شوي وطفاها وتجاوزته ولا قال شي وما امداني اشوف السواق لانه مظلل كتم

ومرة توني طالع من المسجد واسولف مع خوي لي ويجي فورد بطيس زي حقت الدوريات وينزل بلبس مدني وماسك اللاسلكي وجلس يحقق ساعه

من بعدها صرت اتخوف من اي فورد يجي الزيق حقه اسود ويجي جنط حديد بطاسه مثل الدوريات او اكواب نيكل


سألت كم واحد من الزملاء اللي يقول بحث واللي يقول مرور ؟


ف كيف نميزها وندري انه حكومي فعلاً ؟ وهل يعطون مخالفات ؟؟ لانه محير عكس الكوامري اللي تجيك دعامة واضحه ومشغلين البراقات بشكل دايم .

اللي له علم لا يبخل علينا

ختاماً بها الصبحية الفضيلة تكفون ادعوا لزوجتي بالرحمة ورحم الله والديكم عن النار .









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اغلب الفوردات ذي تكون مع ضباط .. دامك منت على غلط مايسوون شي .. واغلبهم ان شاف غلط ينادي اقرب درويه
لو حصل لك الموقف مره ثانيه قوله حضرلي دوريه رسميه ولاتعطيه اي اثبات .. والاجهزه اللي تكون مع بعضهم مو شرط انه يكون شغال في الامن .. تحصله شغال في شركه ومعطينه جهاز ويتفلت على خلق الله ومعه فورد بوليسي بالنسبه للاريل اللي عالشنطه مو اثبات قوي يقدرون يولفونها .. وفي دوريات انسرقت الارايل اللي عليها


up 0 down 0
ماجلان90 18
قبل 5 سنه و 7 شهر



معاي فورد بوليسي ابيض كل م  شافتني دوريه توقفتي سألون الموت حق حكومه او رسميه 


up 1 down 0
خالد سعود.. 1
قبل 4 سنه و 8 شهر