سؤال لأهل حفر الباطن وايضا الاخوه

السلام عليكم ورحمه الله وبركاته 
انا اسمي محمد العنزي  من محافضة حفر الباطن  
بخصوص المعرض اعرفه يعني ادله  لو حاب اودي لك السيارة وانقلها لك  نقليات ابشر  بخدمك ولا تعب نفسك وبدون مقابل
وبخصوص المعرض ما ودي اطلع كلام من راسي واتبلاه  بس كل شيء جائز وانا اخوك  والشريطية لا اثق بهم 
تواصل معي  لو حاب لو لو تبيني افيدك اساعدك   
رقمي 0558700119 دق الصبح  الساعه 9 الصباح او الحين 

بيض الله وجهك ياابن العم 

اشهد بالله انك كفو 

يمين بالله ان هالمصري رفع ضغطي ومشواااااااار من الرياض للحفر كلها عشان نص ساعه 

اطلع الموتر واوديه للنقليات 

لكن لي تواصل معك اخوي

يا خوي النقل الحين على طول وانت واقف خلال عشر دقايق

للأسف اخوي النظام الجديد مو متوفر عندهم ولا كان على طول اخذت الموتر

ابشر اخوي  وعادي فاضي انا  وما عندي لا شغل  ولا شيء واصلا كل عصر اروح للمعارض واتمشى واتفرج
دق علي ويصيررر خير

اهل الحفر والله والنعم اهل فزعه

اي والله والف نعم فيهم 

اخوي ركاب الاماني 

تقصد نفس المعرض ؟

صارت معي نفس المشكله في معرض اسمه  معرض الحربي  ( شيخ المعارض ) شريت سياره من واحد ونقلتها عندهم  ووعدوني بنقل السياره 

وابطت عندهم حول 15 يوم

ودقيت مشوار مره ثانيه وسحبتها ونقلتها بنفسي

يا اخوي معارض الحفر كلها معارض تماطل ما فيهم الشريف الا من رحم الله 
انا شريت سياره من معرض وشهر كامل يماطل بالنقل لاسمي مع أني دافع 
الفلوس بالكامل وانا ما علي مخالفات وكل بوم اروح لهم وكل يوم ادق عليهم 
واذا شافوني دخلت عليهم المعرض قاموا يتصددون كأنهم يقولون وش جابه 
النشبه هههههههههه مع أني راعي حق قلت اوكي انا اعرف كيف أتصرف 
معكم من كثر ما اجيهم للمعرض عرفت روتينهم ومتي يفضي المعرض  
يفضي العصر بوقت التحريج علي السيارات بساحة الحراج يفضي 
المعرض بالكامل بس يخلون المعرض مفتوح .
قلت علاجكم عندي وأدق علي واحد عنزي راعي سطحه شرواكم اتصلت 
عليه قلت يا الذئب الموضوع كذا كذا قال يا ابن الحلال لا يكون تبي تسرق 
السياره قلت وربي سيارتي هذي سندات القبض لقيمتها وهذي ورقة المبايعة 
قال ابشر والله وندخل العصر بالمعرض ونسحب السياره واوديها عند حوطة حلال 
الشايب ولا المغرب داقين علي المعرض انت ماخذ السياره قلت ايه قال تجيبها الحين 
ولا نشتكي عليك بالقسم قلت يلا رح انقلع اشتكي تلقاني قبلك بالقسم اشتكي علي 
معرضكم اني شريت سياره منكم وما ادري وين وديتوها وهي بعهدتكم يعني السياره 
سرقتوها وانصدم من ردي واللي يشتغل بالمعرض يعرفني بحارتي جاء عند البيت ما حصل
السياره ولا يتصل علي صاحب المعرض يقول رجع السياره قلت انسي ولكم اسبوع مهله
اذا ما جت الاستماره باسمي باخر الأسبوع اشتكي ان معرضكم سرق سيارتي ورفض 
يرجع فلوسي والله ولا اخر الأسبوع يتصلون علي يقولون تعال خذ استمارتك ولما اخذت 
الاستماره قالولي لا تجي معرضنا ثاني مره انت راعي شر قلت انا رجال اخذ حق بيدي
وبالقوه وابشر كل ما امر بجنب معرضكم عزكم الله ( اتفل ) عليه وابشر راح أكلم العيال
ومعارفي ان محد يجي معرضكم ههههههه >>>>>> قطاع أرزاق 
وبس يعني ابعد عنهم واهم شي شف لك معقب ثقه هو يخلص لك أمور النقل والتجديد 
ولا معارض الحفر معارض داجه .
الله يوفقك 
تحياتي 

ههههههههههههههههههههههههههههههههههههههه اشهد بالله ان كفوو

لا ابشركم السياره وصلت لكن مااقول الا حسبي الله ونعم الوكيل