ليش الشريطية يمدحون هالسيارة بكل موضوع واعلان ؟

لانها في المعارض موديل 2000 تباع بـ15 وهنا يدخل واحد ومعه ربعه يهايطون والمسكين اللي يسومها 20 ولايدري عن المعارض

الشريطية شغالين بالموضوع دس لايك هههههههههههههههههههههه

يركـــــــــــــب ع ذوووق الناس ولون ابيض ، توحد بكل المواصفات هههههههههههه

لانها توقف انتاجها وهي واقفه بحلوقهم

انا توي ادري ان الشريطيه يحبون فورد  غريبه الصارحه 

انا خابر الشريطيه يحبون تويوتا لانه الموتر الوحيد اللي تحصل له زبائن كثيررر

ممكن ي اخواني تعطوني لايك من فضلكم ليس امرآ ،
لاني ابغى انزل موضوع يفيدنا ب المنتدى لاكن نقاطي لاتسمح .. سلمت اناملكم يارب :)

ذوق الناس و الإشاعات يرفعون بأسعار سيارة و. يخطفون باخرى

لو انا مطاوع الناس ما شريت الشروكي.  لكن ذوقي معه و رغبتي و فعلا ما ندمت أبدا

الفوردات في المعارض يحرجون عليها 

ب 8000 و 9000

طبعا من 98-2002

لان الفورد هي السيارة اللي ماتنشب في حلق الشريطي وتصريفها سهل وقطع غيارها متوفر في كل محل ومهما كانت تكد معك وهي السيارة اللي عزت سوقهم من ايام 93 حتى الان على اشكالها كان لها شعبية عند الجميع لذا لها تقدير خاص عندهم

انا اقول لك ليش الفورد مرغوب مو يمدحونه الشريطيه لان قطع الغيار وخصوصا القطع الاستهلاكية مثل الاقمشة الهوبات ومثيلاتها رخيصة وجميع القطه متوفره وبرضه سيارة تتحمل الكرف بس في بعض العيوب مثل الانوار الامامية ضعيفة وبرضه تهريب المكيف من تحت خصوصا في الماركيز من موديل 2007 وطالع زبدة الهرج السيارة عمليه وسعرها مناسب والقطع متوفرة لذلك يمدحونها الشريطيه والمستخدمه كذلك انت اسأل اي واحد مستخدم الفورد مدة لا تقل عن 3 سنوات وشف هل هو بيمدحه ولا لا ؟ عموما اللخ يكتب لنا في الطــــيب نصيب تحياتي ^_^

اللخ = الله * خطأ مطبعي ^.^

ويامنير اخذ الفرت واخذ الفواتير ***واحرص عليه ودخله بالكراجي




ان كان يبغى زيت عب المواصير ***وان كان يبغى نار غير بواجي
واليا استعد وضخر البعد تصخير ***تصخير شيهانن لفرخ الزراجي
عده على اللي مايعد المخاسير ***ركاز عمدان الخشب للنعاجي ثم
قل لبو ماجد ترى وقتنا غير ***واتبدلت سحب المطر بالعجاجي

والله اذا ركبت فورد نظيف واستخدمته فتره تعرف انه باقي المواتر ولاشي موتر قوي وتحمل وراحه وقطع في كل مكان واسعارها معقوله 

يا جماعه الشريطيه ما تمدح موتر وتذم موتر الشريطي يشتغل بالسيارات الدارجه والمرغوبه
بالسوق مثل الفوردات والتويوتا والنيسان والجموس والسياره الغير مرغوبه بالسوق بكثره تلقاه
يمدحها قدام الناس ويمدح استعمالها او يكذب علي الناس يقول السياره لامير من الأمراء وكله
صافطه بالبايكه او حقت مهندس بارامكو او دكتور وتلقي الدلوخ تجتمع علي السياره وتزواد 
الشريطي ما يختص بسياره غير سياره ثانيه والله لو تجيب له بيجو رخيص والله ياخذها وينزلها
السوق ويمدحها قدام الناس .

انا والله لا شريطي ولا يحزنون
لكني احد ملاك الماركيز موتر ماشالله راحه ووسع ويكرف وزياده عليها قطع رخيصه ومتوفره وسعره رخيص يعني يلبي احتياجاتي

يا بو عمر حست القصيده حوس

انا من ملاك الماركيز سابقا لاكن اللي كان معي كحيلان 97 
والله يااني طحت بواحد نظييييييييييييييييييييييييييييييييييف وكديته 3 سنوات ونص 
تكييف ولا احلى راحه مامثلها ورزه بعد لا وبعته بمكسب 3 الاف اللهم لك الحمد 
بس كنت محافظ عليه لدرجه لا اخواني ولاعيال عمي ولا اخوياي ما اعطيه احد

وللأسف بموقع حراج مبالغين جداً بأسعار الفورد واغلبها استيراد .
جالس تحت المكيف ويقول ركبت فلتر ركبت بواجي عبيت بنزين وخذ من هالكلام السامج شي يتعدى 250 تذكره فقط 
 السوق تعبان بالمعارض النظيف حيل وسعودي لايتجاوز 66 الف مديل 2011 فورد