اشتريت فكتوريا و عندي بعض المشاكل
3
0
إضغط هنا للإخفاء
السلام عليكم و رحمة الله و بركاته
صباح - مساء الخير
اخواني اشتريت كراون فكتوريا سعودي و عندي كم مشكلة و استفسار
ابدا بالمشاكل
1 - السيارة اذا شغلتها و هي باردة او حارة ما يطلع داخن من الشكمان و اذا عطيتها دعسة جامدة و هي واقفة يطلع ريحة كربون و يطلع دخان ابيض خفيف و مرات ادعس ما يطلع و مع المشي ما يطلع نهائيا طبعا انا اخذتها بدون فحص وعلى ذمة الرجال و لما عايرت الزيت لقيتها تحت الاكسات و محترق ما ادري مشكة الدخان من عدم تغيير الزيت ولا السالفة شمبر و انا بغير زيتها اليوم وبشوف ان شاء الله السالفة كلها تغيير زيت
و الزيت المناسب للسيارة ثقيل ولا خفيف مع العلم انها ماشية حول ثلاث مية الف
2 - المشكلة الثانية الدفرنس فيها ونة مع بداية المشي الى 70 و بعدها يخفتي الصوت نهائيا هل هي كرونة ولا رمان معقولة ينقطع الصوت اللي اعرفه الدفرنس صوته متواصل طبعا الونة واضحة للي برى و ماهي مزعجة
إبلاغ
سيارات للبيع
الردود
الجنوط اذا اصليه تلقى عليها علامه فورد
اما التجاري بدون ختم فورد
زر الايرباق اللي تقوله
هذا مو زر هذا لمبه عاديه بس من يشوفها يحسبها زر فيضغطه
و اللمبه تولع اذا ركب احد معك فيشتغل حساس الايرباق
1
1
ولمبة الايرباق شغالة على طول AIRBAG OFF الا اذا ركب شخص بالغ معك تطفي اللمبة ويكون الايرباق في وضع الاستعداد
2
0
ادعس الدعسه كامله والسياره واقفه
اذا طلع من الشكمان دخان ابيض
فهذي بداية شمبر
واتوقع ان الدخان الابيض هو بداية شمبر
رح غير الشمبر قبل لا تودع المكينه كلها
واتوقع الشمبر ما يكلفك 1000 ريال للفورد
الله يعينك اخوي
0
0
شوفلك احد يشتريها منك على الذمه ؟
مابتلقى احد اصلا يثق فيك ويقولك بيني وبينك الفحص
شاري موتر لافحص ولاتشييك ولا شي
والمكينه مافيها زيت الا اخر قطره حتى ماكلفت على نفسك تفتح الكبوت وتشيك وتشيك عليها ؟ يعني راعيها لعب عليك وماشي عليها بدون زيت ؟
هذا عيوب الظاهره
ماتدري عن هل فيه مشاكل ثانيه هل حراراته ترتفع وقت الحر !!
مع احترامي لك :
((الله يباركلك فالموتر))
لحد يزعل
لان شي يقهر واحد يشتري موتر على الثقه ويجي بعدين يقول الموتر كله خرابات !!
خذها قاعده
الفورد اذا فتح فمه مايطبقه مثله مثل المرسيدس واسئل شيخ المعارض كان معاه فورد والحين اخذ كامري مبسوط فيها
الا اذا اخذته نظيف لك وللزمن
1
0
1
0
بالنسبه للدخان
والموتر وهو حامي خله 5 دقايق بدون ماتدعس وبعدين عطه دعسه قويه ودبل وان تدعس شف اذا طلع دخان خفيف و وقف معناه جلد بلوف .. وبسيطه شغلتها اذا الدخان يطلع وكل ماله يطلع اكثف
معناه المكينه مشنبره ..
0
0
الحين السيارة وشريتها وشي وصار على قولتهم و مشكر يا شاقح على النصيحة و الله يجزاك انت والشباب كل خير
اليوم بدلت زيت و حطيت بترومين ثقيل مع السيفون و مسكت خط ووقفت و عطيتها دعسة طلع ريحة بسيطة كربنة و بعدها طلع موية من الشكمان
و في اعتقادي ان المسألة كلها من الزيت او اسوا الاحوال جلد بلوف و الدخان ما يطلع نهائيا
و بالنسبة لديكور لمبة الايرباق حقت الراكب ينباع بالتشليح ولا لازم مع التخشيبة
1
0
1
0
الونه شيك على الرمانات و العكوس لان الصوت اذا بالدفرنس يطول ويزيد
قبل 10 سنه و 9 شهر