أضف سؤال أو موضوع جديد          

تحديث 3 مشكلة هيدروليك اللنكون تاون كار 2007

up 1 down 0
ابو سراج55 136
قبل 7 سنه و 2 شهر



الحمد لله احس اني اقتربت من حل المشكلة بفضل الله ثم جهودكم والبحث في المواقع الاجنبية
المشكلة ان نظام الاير سسبنشن اللي نسميه حنا هيدروليك
يشتغل اوقات معي واوقات لا ويتزامن معها ثقل الدركسون حاولت ااحل المشكله عند الورش مااحد فهم لها
لكن مااحد راضي يفهم وين المشكله
غسلت السيارة وبنفس الوقت كنت فاتح درج الراكب عشان اشوف اذا فيه تهريب وقت الغسيل
وشفت تهريب بسيط جدا جنب module او كمبيوتر الهيدروليك والدركسون
وحسب توقعي ان هذا اللي اثر ع الاسلاك خصوصا وقت الامطار
وبعدما غسلت السيارة تفاجات ان الكمبروسر نفخ 14 الى 17 ثانية
وكان الوقت اقصر من كذا بكثير وقت المشكلة
وتغيرت السيارة ماشاء الله وتحسنت سواقتها ودركسونها خف
هل تايدوني ان المشكلة من تهريب خارجي
هل المكيف ممكن يسبب تسريب موية خصوصي ان مكيفي صار يقلب حار من نفسه
ومن وقتها بدات المشاكل تقريبا ؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم ورحمة الله

أخوي إذا موية الرادييتر تنقص معك ويطلع تهريب ماء أخضر ( في حال كنت تحط ماء رادييتر أخضر )

من جهة الأرضيه ( عند دعاسات المعاون - الراكب الأمامي ) فهذا مجرى المكيف الحار فيه تهريب

وعندك حل من إثنين .. ياتلغيه .. ياتصلحه وفي أغلب الأحوال فيه جهاز فلتر هو اللي دايم يخرب

ولكنه غالي ... أما بالنسبه لثقل الطاره وظهور علامة جهاز الهواء في الطبلون فماله علاقه في التهريب

لكن أعتقد إنه من حساس الشكمان ... وأذكر فيه واحد من الشباب كان معه لكزس فيها نفس المشكله

راح أسأله وأعطيك العلم الأكيد في رد على نفس هالموضوع بكره إن شاء الله

تحياتي


up 1 down 0
الوجيه 444 717
قبل 7 سنه و 2 شهر



اما من ناحية الهيدروليك يا طويل العمر اذا منت في حاجته افصله وفك البوالين وركب بداله يايات والله يعينك انا ما عندي ذيك الخبرة بس اسمع الشباب يقولون كذا لان واحد من اخوياي كان معه بنز 91 هيدروليك فصله وركب يايات والعلم عند الله اتمنى اني افدتك ^_^


up 0 down 0
mosfer alyami 774
قبل 7 سنه و 2 شهر



ميزة اللينكولن الهيدروليك ومامنه مشاكل زي باقي السيارات وهو مريح جدا واذا حملت ركاب ماينزل مثل باقي السيارات

نصيحة خلها وشوف وش مشكلتها


up 0 down 0
e350 سماوي -74
قبل 7 سنه و 2 شهر



انا عن نفسي فكيته وريحت نفسي ركبت يايات كابرس وارتحت


up 0 down 0
yasser1800
قبل 4 سنه و 5 شهر



السلام عليكم 
مساء الخير نفس المشكله عندي بالظبط والله ونفس الموديل عندي احيانا يجي ثقل بالطاره والهيدروليك حاليا نازل من جهة اليمين اكثر من اليسار ويطلعلي كلمة بالانجليزي نفس اللي انتا كاتبها فوق فياليت الله يسعدك اذا عرفت الحل تقلي علما اني فاصل حساس الشكمان ومفرغ الرصاص 


up 0 down 0
فيصل الزهراني ابو تركي
قبل 3 سنه و 8 شهر



عندي نفس المشكله بس انا كنت فاضي وماقدامي الا السياره وقمت احارش الفيوزات افك فيوز واتاكد منه وارجعه اليوم الثاني طالع من البيت استغربت الهدورليك ماله صوت بالعاده اخليه شغال دايم المهم لفيت الدركسون وطلع ثقيل ،اتوقع والله العالم انها مشكلة فيوز ورحت لكهربائي قال 60‎%‎ كمبيوتر الهدورليك فصل  الخلاصه ودي اشوف اللي اسس الكهرباء في الليكون ودي ادعسه


up 0 down 0
otman1001
قبل 3 سنه و 7 شهر



فيصل الزهراني
اكيد عندك ينسم البالون
واذا الكمبيوتر حق الاير سسبنشن ماقدر ينفخ للمستوى المطلوب يفصل وتثقل الطارة فجأة وتطلع اللمبة
تصدق ان المشكلة رجعت لي مرة ثانية الحين بعد 3 سنوات تقريبا ههههه
في شوارعنا مايصلح معها الا ددسن اي والله
حبيبنا يبغالك تسوي فحص وتشوف هل المساعدات برضه تعبانة اذا كذا
يبغالك تغيير مساعدات + بوالين + برمجة البوالين
وان شاء الله يضبط معك
لو ماارجعت السيارة مثل اول بيكون عندك كمبيوتر البوالين خرب تقريبا هو اللي يعطي الاوامر للكبرسر ينفخ والدراير يفضي الهوا والبوالين تتعبا او تفضى


up 0 down 0
ابو سراج55 136
قبل 3 سنه و 7 شهر



اخوي عثمان ماادري والله يمكن الفيوز ماركب زين او ممكن برمجة الموديول راحت ( كمبيوتر الاير سسبنشن ) يبغاله برمجة
هذا توقعي وماني متأكد


up 0 down 0
ابو سراج55 136
قبل 3 سنه و 7 شهر



النظام حلو بس اذا اني كل 3 سنوات بحط فيه قرابة 2000 الى 2500
كثيرة والله


up 0 down 0
ابو سراج55 136
قبل 3 سنه و 7 شهر



لا من قال ان كل سنه تحط فيه ٢٥٠٠ نادرا مايخرب الهيدروليك واذا نسم البالون بسيط قيمة الواحد ٤٠٠ امريكي يخدم 5 سنوات اقل شي


up 0 down 0
azo0oz22
قبل 3 سنه و 5 شهر