نقل سيارة لوحات كويتية على أسمي...إستفسار

بوخا كم حصلتها قلي اقولك غاليه ولا لا هذا شغله 
الشغله الثانيه اذا تبي تشتري سياره لازم يكون عندك بطاقه مدنيه كويتيه 
ورقم موحد كويتي والحين الإجراءات صارت اسهل بس تروح للمطار الكويت 
وطلع رقم موحد وتحول سيارتك بالجواز السعودي بس عندك مشكله جمارك الرقعي 
ما يطلعك الا اذا عندك بطاقه مدنيه واذا ما عندك مستحيل تطلع .
فيه حل ثاني 
انك تخلي السياره بالسعوديه وتفحصها بواسطه في الكويت وتحولها بالكويت وتدخل 
السعوديه تستلم سيارتك وأوراق الفحص ٢٠ دينار يعني ما يقارب ٢٥٠ ريال وطابع ١٠ دنانير
يعني ما يقارب ١٢٥ لان معاملتك تجديد وتحويل .
واتمني أني افدتك 
تحياتي

يعطيك العافية الرجال ناوي يعملها واسطة و يفحصها السؤال اذا فحصها وخلصها اقدر احولها ولا لازم اسافر الكويت

بالنسبة للسعر طالب فيها 14 الف بس الي ابيه اقدر اخلص الاجراءات انا جالس هنا بالرياض ولا لازم سفر وخرابيط

14 الف كثير على موديلها انا ولد خالتي اشترا 2004 ب10 الاف ريال ماشية 160 الف كيلو ولوحاتها كويتية

ياخوي ابيك تفيدني بالاجراءات السعر مو مشكلة

ابشر يا اخوي انا أعلمك بكل اللي تبي .
اولا ترا السياره غاليه انا بايع ماركيز كويتي موديل ٩٩ ب ٨٠٠٠ ريال 
والسياره غاليه ذبحت نفسها نظيف وكاله تجيب ٦ او ٧ الآلاف هذا للتوضيح لا اكثر 
وعن طريقة التحويل لازم حضورك علشان اطلع رقم موحد والرقم الموحد ما يطلع الا تبصم 
وتقدر تحول السياره الا اذا كان الرجال عنده واسطه وقويه تقدر تنقلها باسمك بدون حضورك 
لان بالكويت الواسطه تسوي كل شي انا مره طلعت ورقه لواحد من الشباب اسمها لا حكم عليه 
الورقه هذي ما تطلع الا بعد ما تبصم بس بالواسطة خلصت كل شي بدون تبصيم .
انت قل للرجال ما عندي رقم موحد انت تقدر اطلع لي بدون حضوري للكويت وتحول السياره
باسمي 
وأي شي انا حاضر

جزاك الله خير فوكس ماقصرت

ويجزاك بالمثل وانا اخوك ما سوينا شيء 
وأي استفسار بخصوص الإجراءات الكويتيه او السيارات الكويتيه 
وأسعار قطع الغيار في الكويت انا بالخدمه .
ما يردك الا اللسانك وانا اخوك 
تحياتي 

فوكس دامك خبره بالسوق الكويتي ، أدور كابرس ال اس ٨ سلندر كم أسعارها بالكويت ؟ من موديل ٢٠٠٧-٢٠٠٩ ؟ 

هلا يا يزيد السموحه توي اشوف كلامك 
أسعارهم من ٢٠ الي ٤٠ حسب النظافه 

اخي الحبيب ابي فورد نظيف في الاسعار هذي بلوحات كويتية ابي استخدمه دوام مدارس بالرياض هل تقدر تدلني 

اخوي بي ام 745 2005 كم تقريبا اسعارها بالكويت