سيارتي طفت فجأه بدون سابق انذار

الموتر فورد كراون فكتوريا

ممكن تكون بطاريتك قديمه أو عليها أملاح علشان كذا

بس يوم طفت عليك لمبة العداد والانوار الخارجيه شغاله ولا بعد ما تشتغل او ضعيفه ؟

ارحب

لا والله البطارية مالها اسبوعين شاريها

الانوار كلها ممتازة وشغاله

عند الاشتراك . من اول دقة اشتغلت والا تأخرت شوي

لا من اول دقه اشتغلت

اصبر عليها الطرمبة ممكن تقطع معك لانها جديدة وتحتاج الي ان تفرغ الهواء الموجود داخل المواصير ، بعد التغير
استخدمها بكرة ان شاء الله وامورك تمام بس خذلك مشوار دعسة وحد على 80 مثلاً بخط طويل ربع ساعة ، فلتر البنزين غيرته؟؟

والله ياخوك مصيبه كانها كلشوي طافيه بإشاره

لا ماغيرته

وقد غيرت غير الطرمبة ، او صلحت قريب

ايه غيرت مقصات وجلبها

ومسمارين عمود توازن فقط

ههههه قطع لخط البنزين وخط الهواء وخط الكهرباء ، مو اسفل السيارة
عموما الطرمبة صار دفعها قوي والفلتر مو نظيف يسبب التقعيط والحل : تغيير الفلتر
وبعدها تنظيف البخاخ حسب الوضع المالي وممكن ع فترات
وخط الهواء.. يبدا من فلتر الهواء ( يتنظف باستمرار ويغيير كل 20 الف او اكثر حسب عمر السيارة ورخص الفلتر
الحساس( تنظيف أو تغيير حسب الحالة
البوابة " الثروتل (تنظيف ولها موضوع هنا بالنتدى ابحث عنها فوق يسار
واخيراً خط الكهرباء البطارية والدينمو والكويلات والبواجي أو اسلاكها
وبكذا الله يبارك لك ويعطيك خيرها ويكفيك شرها ،،
وكرر بعمل جدول صيانة خاص فيك متى تغيير القطع الاستهلاكية الي لازم تتغير حسب ممشاك ، وحسب الحالة والحاجة الضرورة كحفرة فاخرة ووووعشان تكون سيارتك فله مثلك مــــدة اطول بكل عزمها ونشاطها

ماققصرو الاخوان بس بعطيك معلومه ممكن ماتعرفها

اذا طفت عليك السياره فجاه ومايدق سلف والانوار والمسجل كل شيء شغال افتح الشنطه وشوف يسار الشنطه شيل القماش اللي عليها بتحصل زرار اضغطه وشغل راح تشتغل إن شاء الله

ياخي راجع نفسك وش مسوي يمكن ظلمت احد ودعى عليك في سيارتك

الدنمو اسال طبيب وخل المجرب يروح يرقد