ياشباب الدخول للافاده

  لا اوقف ولا شيء  الي فينا كافينا 

 
  ما  شاء الله عليك 
  أيقنت  طيب لو  انك مسافر وشفت لك واحد واقف للحاله بالطريق وياشر توقف له ؟

جزاك الله خير يا أيقنت والله يكثر من امثالك صدقت يكفي الدعوه الطيب ولا الانسان وش ماخذ من الدنيا الله يرحم الحال

الناس صارت تخاف وقل عندهم التوكل على الله ،

مرة في رمضان عز الحر بين ظلم وعفيف حصلت سوداني معه جيك مويه ياشر على الخط ووقفت له وسالته عن جيك المويه ، قال اخذت معي احتياطا لو ماوقف لي احد لانه كان صايم ،، ويقول لي ساعة احاول بالناس توقف ولحد راضي ولو ماوقفتله يمديه افطر في نهار رمضان والسبب تطنيش العالم.

الواحد مايدري اي عمل ممكن يدخل الجنة او يدفع عنه مصيبة وتذكر اللي دخلت الجنة في سقيا كلب، بعدين الله منعم علينا وكل واحد عنده موتر من احدث الموديلات على الاقل ياخي اعتبرها زكاة لموترك وماتدري لو دفعت عنك مصيبة .

بسم اهم شي تكلم مع الشخص قبل تشيله بعد التوكل على الله

وتذكر قول الشاعر ( من يفعل الخير لا يعدم جوازيه ... لايذهب العرف بين الله والناس )

الله عليك ياموفق خير كلامك درر شرفت في موضوعي .....

لاتشيل همه دعا ولا لا فأج ك بتلاقيه اما الله عز وجل وفيك الخير على كل حال والهدف من موضوعي نشر التوعيه والفزعه بينا الناس ولكن اللي يقول انا ما اوقف ولا اساعد احد حط نفسك بموقف االخ المتعطل لان الايام دواره

والله العظيم يا أخوان ان هذه القصة حدثت لي شخصيا .

قبل كم سنة كنت طالب في الجامعه وعند خروجي في أحد الايام بعد الظهر وفي عز الحر من بوابة الجامعه شفت عامل يمشي في الطريق تحت الشمس والمسافة بعيده وقلت اخذه معي وأكسب أجره وأوصله لاخر الشارع .
المهم ركب معي وكان مبتسم وحبيب ونزل اخر الشارع وكملت مشواري الى المنزل. ثاني يوم ركبت السيارة وبحثت عن نظارتي الشمسيه ولم اجدها . كنت أرميها عادة في المرتبة الخلفية اذا ركبت، والعامل طبعا لما ركب معي ركبته في المرتبة الخلفية لان الكرسي الامامي فيه كتب واوراق وملخصات وخلافه . المهم ايقنت بنسبة 99% ان العامل سرق النظارة .
ومن ذاك اليوم وانا ماخذ موقف منهم .

.

حالة اخرى مع فلبيني كان يتدرب معنا في احد الاندية (بيت الشباب في الرياض) وعند خروجي من النادي لاحظته ينتظر ليموزين واخذته معي عشان اوصله للشارع اللي فيه تكاسي . المهم تذكرت لما جا بينزل اني حاط علبة عطر في المرتبه الخلفيه، وطبعا سبق وصار لي موقف من ابو الشباب اعلاه , فلما نزل الفلبيني قلت له انتظر وقعدت اقلب وادور علبة العطر وهو يقول وش فيك ومستغرب؟ قلت علبة العطر وين ؟ وقال مادري المهم رجعت ادور مره ثانيه وحصلتها تحت الكرسي وتخيلوا الموقف (والله العظيم الموقف هذا له اكثر من 15 سنه ولكن مانسيته أبد). الرجل اعرفه ودايم نسولف واسلم عليه لانه معنا في النادي بس اخذ مني موقف بعد هذي الحادثه وكل ما اشوفه انحرج واتحاشى اقابله.
الخلاصة اني اخذتها قاعده اذا ركبت أي عامل لأي سبب و مهما كان ما أخلي بجواره أي شي عشان ما اتبلا عليه او ممكن ياخذ شي وانا مانتبهت له . وشكرا،،،

والله انا ودي بالمساعده واحب المساعده
بس ماقد وقفت لاحد وشكلي ماراح اوقف ابد ههههههههه

داخل المدينة دايم اوقف واحياناً أتحسف اني ماوقفت ، أو الف وارجع له
لكن خارج المدينة > حسب الموقف ، والزمن ، والمكان ، والحالة .. اما تكون ع عماها فـــــ لا
الواحد يكون ذيب وفطين ويحكم عقلـــة مو عاطفتة الساذجة

طبعي اساعد الناس دايما فالمدينه اساعد اي واحد واي وقت

فالحج قبل سنتين كان معي كرسيدا 80 مقربعه لاكن والله اني كارفها وقويه وصبوره

في زحمة الحج فالمعابده بمكه فالطريق الطالع

حصلت هايكس فالثمانينات غماره وفيه عمال وشباب برماويه ومتعطل وسط الشارع

دوب تعطل يدفون الهايلكس وانا وراه قلت لشباب اطلعوا فالصندوق وطلعوا

والصق الصدام فالصدام واعشق 2 ومع ركاب كمان هههههه وادفهم حول 30 متر

وينتع الهايلكس ويشتغل ويروح وادعس وراه واساويه وكلهم يشكروني اللي فالصندوق

واللي يسوق يضرب بوري ومبسوطين ههههههههه

واللي معي الركاب يعززون لي ويشكروني على الفزعه لراعي الونيت وضحك اللي وصلتهم جبل. النور وهم حجاج كويتيينحول اربع انفار

والحمدلله 
اما على الخط السريع اذا كنت لحالي او معاي شباب اشوف الوضع من بعيد

هو صاحي ولا معه احد ولا في احد مندس غيره واشوف كلام الرجال وشكله

وحركات يده وكلامه اذا فيه لغط او لخبطه المهم من بعيد النظر يكشف كل شي
اما اذا معي عايله مستحيل اوقف لاحد يحصل غيري يساعده

والكثير من المواقف والمساعدات للناس المتعطلين

والحمدلله على كل حال 

ما اشوف احد متعطل الا وانوي مساعدته لاكن اللي اقدر عليه اسويه

مثلا اذا كنت مسرعه مايمدي اوقف. هذا مالدي من مواقف كتبتها بالكيبورد ^__^

السلام عليكم *موضع يستحق النقاش لاننا في زمن أصحابة غرباء إلا من رحم ربي والقضية ترتبط كلها بالمعروف وصنائع المعروف تقي مصارع السوء انا لاأختلف مع من يرى أن أقف لمن طلب المساعدة ولاكن ارجو الحذر ثم الحذر والمواقف كثيره جداً والحذر يكون إذا كان معك عئلة يبقى الموضوع مرتبط بلحذر في كل شئ .