استشاره في شراء فورد توروس ليميتد

الموتر كفو ويتحمل وخفيف في طلوع العقبات وراسي  وبيكون جديد على يدك وعليه ضمان 200 الف كيلو او 7 سنوات يعني لاتشيل هم ابد موتر اعتمادي وبدا انتشاره من يوم مانزل 
اذا ماهمك البيع اختيارك في محله

والله الموتر يستاهل شكل جميل ومعروف الفورد يستمر معاك مع احد الزملاء تورس مايشتكي منها ماشاءالله

اذا ماتفكر تبيع خذها

زين بس والله بالقيمة هذي راي وان حر خذه او ارميه

تاخذ يوكن

على الاقل حديد

ومركب

وفيه شاص ووسع

ومرغوب

وانت بالخيار

بس حبيت اطرح عليك وجهة نضري وانت خذها او ارميها والله يوفقك

ان شاء الله

يعطيك خيرها ويكفيك شرها

^^

مع الي فوقي خذلك يوكن قطع صغير افخم

الله يجزاكم بالخير يا شباب 

بيض الله وجيهكم وماقصرتوا 

اليوكن حلو وجيد وماعليه غبار لاكن يفتقد الكثير من المواصفات اللي تمتلكها التوروس 

وهذا شيء طبيعي لأن التوروس سياره سيدان ولازم يحطون فيها تقنيات ومواصفات

بينما اليوكن سياره حقت استخدام عائلي ولذلك فيه الكثير ينقصه لأنه اساسا مايحتاجها نظرا لطبيعة استخداماته

هذا رأيي بالنسبه للسيارات الكبار اللي مثل اليوكن بشكل عام ماتناسبني لأن ماعندي عائله ( غير متزوج )

وتوني طالب جامعي في اول سنه وودي بشيء صغير وشبابي 

على العين والراس كلكم وماقصرتم 

الله يبارك لك ويطعمك خيره ويكفيك شره

الموتر حلو لكن اغلب اللي ياخذونه ما يتأقلمون معه ويبيعونه نصيحتي لك جرب استأجرها لمده يوم واحد بتدفع 300 ريال ازين من انك تدفع 146 وبعد شهرين تفكر تبيعها اذا بغيت خيار ثاني فعندك التشارجر rt v8 عليه عرض ب 118 بالتوفيق ياغالي

والله ياسيدي انتا قيدك عربنت ماعاد فيها رأينا الله يباركلك

السلام عليكم  اخوي اذا انت تحب الرسميه استخر وتوكل على الله ولا خلك شبابي وانا ارشح لك التشارجر rt v8 مثل ماقل اخوي شكلين طبعن رشحته كشكل وامان بعد امر الله ومكينه وعليه عرض بس قطع الغير والصيانه ومسكته للسعر الله اعلم اذ دخلت مزجك ابحث

جد سيارة حلوة واعتمادية وراسية في الخطوط وعزل الصوت فيها ممتاز الله يبارك لك فيها