فورد F150 FX4 و هارلي ديفيدسون F150

وعليكم السلام 

بالنسبة للهارلي دافيدسون حد علمي غير متوفر في الوكالة
وسعره بحدود 230 الف حسب ما اذكر هو واليمتد ايضا غير متوفرين

الهارلي دفيدسون اصدار خاص بالتعاون مع شركة هارلي دفيدسون عليه شعار الشركة وجلد طبيعي بلونه المحروق المعروف
وتصميم رياضي ومكينته مكينة رابتر 

الـ FX4 يفرق عن الهارلي دفيدسون انه مخصص للوعر اكثر
مكينته مكينة رابتر 6.2 مع مساعدات رياضية 

سعره بحدود 160 تقريبا 

قطع الغيار الخارجية غالية 
الميكانيكية يشترك مع الفيكتوريا في بعضها 

اي موتر جديد يطيح من سعره والفورد ال150 بالذات مايمسك سعر جيد مقارنة بالسييرا مثلا

صيانة التوكيلات غالية + زحمة وتحجز احيانا موعد 

انصحك تشتري مستعمل سواء امريكي ولا سعودي وبتحصل ان شاء الله نظيف 

مافيه فروق بينه وبين السعودي

اتمنى اني افدتك

اخوي naac 2
ماقصرت على ردك.
هل تقصد ان بعض القطع تركب عليه نفس الفيكتوريا القطع الميكانيكية او الاستهلاكية

ايه 

القطع الاستهلاكية والميكانيكية يشترك مع الفكتوريا والماركيز والـ F250 في بعضها والاكسبدشن بشكل اكبر

1. شداد السير 
2. أسلاك البواجي
3. اذا كان فئة XL أو XLT كارتير القير ووجه الكارتير والفلتر حق فكتوريا والقير بكبره قير فكتوريا (موديلات 2010 وتحت )
4. المكينة الصغيرة 4.6 مطابق تماما للفكتوريا والماركيز مكينة وقير وكل شي 

أنصحك تشتري مستعمل 2010
السبب ان عندك خيار تشتري مكينة V8 4.6 الي هي مكينة الفكتوريا 
ومكينة 5.4 الي وقفوها بعد ممتازة وعزمها مهبول
قطعها متوفرة ورخيصة 

وقفوها في 2011
ومكينة 5.4 التريتون في نفس السنة ونزلوا 5.0 حقت الموستنج بدالها و3.7 ستة سلندر 
معد فيه 4.6 ولا 5.4

انا معي 2008 ولله الحمد مرتاح معه لكن القير سقيم جداً اربع نمر حق الفكتوريا
تسمع حنته بالرابع وانت تمشي 130

والقير في 2012 اختلف ونزل ست نمر ممتاز لكن المكينة القديمة برايي افضل
لو القير هذا ابو ست نمر على موتري كان تشوفني اسابق الكوابرس ( هههههه شطحة مالها دخل )

ونسيت اقولك ان الـ FX4 الامريكي يجي منه مكينة 5.0 ويجي 6.2 الاول يسمى FX2 والثاني FX4

اي خدمات ثانية حاضرين

اخوي naac 2
ماقصرت وجزاك الله خير.
انا ان شاء الله بشتري الي مكينته 6.2 بس الى الأن مادري الافضل الهارلي ديفيدسون والا ال FX4

الهارلي اعتقد انه منقطع حتى في امريكا الفترة هذي

اغلب الي اشوفه في المزادات والمواقع 2010 و2011
خذ FX4 واذا تدور الرخص خذ لاريات او XLT

اللاريات يجي جلد وشاشة
الـ XLT نفس اللاريات اللهم مخمل 

FX4 أكبر مكينة وأقوى تعليق والجلد تفصيل رياضي 
والشمعات مغيمة معطيته شكل رياضي اكثر 

مثل ماقلت 
لك حاجة في الـ FX4 خذه 

مالك حاجه فيه خذ فئة أقل 

ولو تشتري امريكي افضل الخيارات أوسع والسعر أقل 

naac 2مشكور على مرورك وماقصرت على الردود الايجابية و
نتمنى باقي الاخوة يتحفونا بردودهم ومشكورين

السلام عليكم ياشباب أنا معي FX4 2013 ومكينتة ما عليها قوة بس أنة قوي ما شاء الله وش تكون مكينته تكفون

ممكن تفيدني بالفرق بين السعودي والخليجي FX4 2015 حيث ان الوكاله توكيلات الجزيره تبيعه 181 بينما الخليجي بسعر 155 ومحتار بين الاثنين 

السلام عليكم يا اخوان هل مكينه 6.2 تركب مكان المكينه 5.4