أضف سؤال أو موضوع جديد          

فورد F150 FX4 و هارلي ديفيدسون F150

up 5 down 15
iadnuyh 839
قبل 5 سنه



السلام عليكم ورحمة الله وبركاته صبحكم ومساكم الله بالخير يا اعضاء المنتدى الكرام عندي استفسار عن فورد F150 FX4 و هارلي ديفيدسون F150 ايش الأفضل في الاستخدام وايش الفروقات بينهم طبعا للغمارتين وكيفهم في الخطوط من ناحية الراحة والرساوة وكيف الاسعار في البيع وهل يحافظون على السعر والا يطيح وكيف القطع من ناحية السعر وهل متوفرة والا بعضها تحتاج انتظار وكيفهم في صرفية البنزين والحرارة وكيفهم في التطعييس والمكيف وهل تجي فئات او فئة وحدة بالنسبة للغمارتين وهل فيهم دفلك والا لا وهل يفرق السعودي عن الخليجي والامريكي ومتى راح ينزل 2014 وكيف راح تكون اسعارها . اسف على الاطالة ومشكورين مقدما على الردود وجزاكم الله خير.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام 

بالنسبة للهارلي دافيدسون حد علمي غير متوفر في الوكالة
وسعره بحدود 230 الف حسب ما اذكر هو واليمتد ايضا غير متوفرين

الهارلي دفيدسون اصدار خاص بالتعاون مع شركة هارلي دفيدسون عليه شعار الشركة وجلد طبيعي بلونه المحروق المعروف
وتصميم رياضي ومكينته مكينة رابتر 

الـ FX4 يفرق عن الهارلي دفيدسون انه مخصص للوعر اكثر
مكينته مكينة رابتر 6.2 مع مساعدات رياضية 

سعره بحدود 160 تقريبا 

قطع الغيار الخارجية غالية 
الميكانيكية يشترك مع الفيكتوريا في بعضها 

اي موتر جديد يطيح من سعره والفورد ال150 بالذات مايمسك سعر جيد مقارنة بالسييرا مثلا

صيانة التوكيلات غالية + زحمة وتحجز احيانا موعد 

انصحك تشتري مستعمل سواء امريكي ولا سعودي وبتحصل ان شاء الله نظيف 

مافيه فروق بينه وبين السعودي

اتمنى اني افدتك


up 2 down 0
naac 2 2718
قبل 5 سنه



اخوي naac 2
ماقصرت على ردك.
هل تقصد ان بعض القطع تركب عليه نفس الفيكتوريا القطع الميكانيكية او الاستهلاكية


up 1 down 2
iadnuyh 839
قبل 5 سنه



ايه 

القطع الاستهلاكية والميكانيكية يشترك مع الفكتوريا والماركيز والـ F250 في بعضها والاكسبدشن بشكل اكبر

1. شداد السير 
2. أسلاك البواجي
3. اذا كان فئة XL أو XLT كارتير القير ووجه الكارتير والفلتر حق فكتوريا والقير بكبره قير فكتوريا (موديلات 2010 وتحت )
4. المكينة الصغيرة 4.6 مطابق تماما للفكتوريا والماركيز مكينة وقير وكل شي 

أنصحك تشتري مستعمل 2010
السبب ان عندك خيار تشتري مكينة V8 4.6 الي هي مكينة الفكتوريا 
ومكينة 5.4 الي وقفوها بعد ممتازة وعزمها مهبول
قطعها متوفرة ورخيصة 

وقفوها في 2011
ومكينة 5.4 التريتون في نفس السنة ونزلوا 5.0 حقت الموستنج بدالها و3.7 ستة سلندر 
معد فيه 4.6 ولا 5.4

انا معي 2008 ولله الحمد مرتاح معه لكن القير سقيم جداً اربع نمر حق الفكتوريا
تسمع حنته بالرابع وانت تمشي 130

والقير في 2012 اختلف ونزل ست نمر ممتاز لكن المكينة القديمة برايي افضل
لو القير هذا ابو ست نمر على موتري كان تشوفني اسابق الكوابرس ( هههههه شطحة مالها دخل )

ونسيت اقولك ان الـ FX4 الامريكي يجي منه مكينة 5.0 ويجي 6.2 الاول يسمى FX2 والثاني FX4

اي خدمات ثانية حاضرين


up 1 down 1
naac 2 2718
قبل 5 سنه



اخوي naac 2
ماقصرت وجزاك الله خير.
انا ان شاء الله بشتري الي مكينته 6.2 بس الى الأن مادري الافضل الهارلي ديفيدسون والا ال FX4



up 0 down 2
iadnuyh 839
قبل 5 سنه



الهارلي اعتقد انه منقطع حتى في امريكا الفترة هذي

اغلب الي اشوفه في المزادات والمواقع 2010 و2011
خذ FX4 واذا تدور الرخص خذ لاريات او XLT

اللاريات يجي جلد وشاشة
الـ XLT نفس اللاريات اللهم مخمل 

FX4 أكبر مكينة وأقوى تعليق والجلد تفصيل رياضي 
والشمعات مغيمة معطيته شكل رياضي اكثر 

مثل ماقلت 
لك حاجة في الـ FX4 خذه 

مالك حاجه فيه خذ فئة أقل 

ولو تشتري امريكي افضل الخيارات أوسع والسعر أقل 


up 1 down 1
naac 2 2718
قبل 5 سنه



naac 2مشكور على مرورك وماقصرت على الردود الايجابية و
نتمنى باقي الاخوة يتحفونا بردودهم ومشكورين



up 0 down 2
iadnuyh 839
قبل 5 سنه



السلام عليكم ياشباب أنا معي FX4 2013 ومكينتة ما عليها قوة بس أنة قوي ما شاء الله وش تكون مكينته تكفون


up 0 down 1
عمر الحفير -1
قبل 4 سنه و شهر



ممكن تفيدني بالفرق بين السعودي والخليجي FX4 2015 حيث ان الوكاله توكيلات الجزيره تبيعه 181 بينما الخليجي بسعر 155 ومحتار بين الاثنين 


up 0 down 0
التميمي ابوناصر
قبل 3 سنه و 3 شهر



السلام عليكم يا اخوان هل مكينه 6.2 تركب مكان المكينه 5.4 


up 0 down 0
hussain7181
قبل سنه و 2 شهر