زيارتي لتوكيلات الجزيرة اليوم

ياحبيبي هنا يفكرون فـ 8 سلندر محد يطالع في 4 أو 6 سبورت صحيح فيه مكائن قويه وعليها تيربو 

لكن فيه شعبيه للـ 8 سلندر 

موستنج 
كابرس اس اس 
تشارجر 
هذي اللي ياخذونها الشباب 
وفرق بسيط مثلا التشارجر 8 سلندر فتحه وشاشه بـ 118 
ليه أخذ لي 4 سلندر ولا لها شعبيه ولا هي مرغوبه بـ 94 

كويس جدا و بعدين

ahy
صراحه ردك اقنعني وخصوصا ان الاسعار تكون قريبه من بعض
انا سالت عن f150 ثمانيه سلندر 111500 وسته سلندر 109000 فرق بسيط جدا جدا
صراحه غريب امر هالوكاله
بس حركتهم هذي تراهم يبون يمشون الثمانيه سلندر لان الزبون يشوف الفرق
بسيط ويقول خلني اخذ مكينه اقوي واحسن اسلوب تسويق غريب عجيب

فيه ناس ترغب 6 وقليل منهم وفيه ناس تحب صوت 8 


ولاتنسى الحين داخلين 2014 فرررصة اللي يبي موتر جديد ورخص ويوفر 20 الف وحولها خصوصا الأمريكي فيه عروض كويسه لدودج و الفرود صراحه أي واحد يفكر يشتري ينتظر نهاية السنه لا ينتظر عروض رمضان اللي فيها فرق 3000 ينتظر نهاية السنه عشان يمشون كميات وينزلون كميات ثانيه 

للاسف الناس ماتبحث الا عن كبر حجم المحرك
الشركات الان صارت في تفكر في محرك حجمه صغير يعطيك نفس قوة محرك ال 8 سلندر

الفوكس اللي تتكلم عنها انا شفتها وبصراحه ابهرتني لكن ماعليها اقبال ولاتسويق 

والاكثر من هذه ان فورد عندها مصانع في اوروبا مو بس امريكا والمكسيك
يعني هذي الفورد اللي شفتها تراها مصنعه في ( المانيا )

ومكينتها على نظام ( إيكوبوست ) 2.0 سي سي بس قوته 252  تخيل هالمكينه الصغيره تنافس مكينه حجم 3.5

فورد صارت تستخدم محركات ( ايكو بوست ) الذكيه الاقتصاديه
ال 6 سلندر منها ينتج قوه 8 سلندر
وال 4 سلندر ينتج قوة 6 سلندر
والان انتجو محرك 3 سلندر على نظام ( ايكو بوست ) ينتج قوة موازيه لمكينة ال 4 سلندر حجم 2.5

الفوكس هذي اللي شفتها لو تشوف تصميم القزاز كيف مائل بحيث تكون انسيابية السيارة عاليه
ومن جوه طبيعي تكون المقاعد قاسيه لانها رياضيه بحته
واما القير 6 نمر وطبلونها 280 ووزنها خفيف مررره وعلى 252 فاعتقد راح تنافس سيارات ال 8 سلندر 
فالسياره هذي رياضيه بحته

وعندك مثلا اللانسر ( ايفوليشن ) بحجم الكورولا وقيمتها 180 
السوبارو امبريزا الرياضيه بحجم الكورولا وسعرها يوصل ل160
فدام
الياريس مكينتها 1.3 وصلت سعرها 55
والاكورد 4 سلندر فل اوبشن وصلت ل118 

فاعتقد سياره بهذي المواصفات ومصنعه في المانيا بسعر 95 الف 
وشخص يبحث عن سياره رياضيه تنافس محركات ال 8 سلندر فاعتقد هذي الفوكس ST تعطيك القوه والتسارع اللي ماتحققه الا سيارات ال8 سلندر

على العموم ترونها قبست بين ايران واسرائيل وامريكا وبدائت خيوط الحرب العالميه الثالثه تجتمع في الشرق الاوسط
وايران تهدد انه لو جاها اي اعتداء 
راح تقفل ايران مضيق هرمز اللي تمر منه سفن نقل النفط عاد هي سارقه الجزر الاماراتيه والامارات خايفين منهم 
ولازالت الاحداث تدورفي الشرق الاوسط 

وش مواصفات الF150 الست سلندر ؟
تجي دبل بالسعر اللي ذكرته ؟
السعر 109 لغمارة أو غمارة و نص أو غمارتين ؟

ماادري تبي تعلمنا انك رحت فرع التوكيلات بخريص
او تسال عن فورد فوكس

لا ماابي اعلمك اني رحت
بعض الردود تقهر يااخي في الاسلام الكلمه الطيبه صدقه وش خسران لو قلتها
انا ابي اعرف ليش الشباب يرغبون الموستنج اكثر من هذي السياره

المنتدى وضع للإفادة والفائدة نفيد بعض ونخدم بعض ونسولف عن السيارات وأخبارها ,,,, اللي يروح الوكالة أو الحراج أو المعارض يجي ويعطينا الأسعار والمواصفات ونتناقش مع بعض ,,,,

وهذا ردي للشخص r4rec0in وأشكرك يالخالدي على طرح موضوعك وزيارتك للوكالة وبعض المعلومات التي أفدتنا بها ,,,,

الله يسمع منك ياشاقح وان شاء الله تقبس بينهم ونفتك من شرهم 
يالله تحط حيلهم بينهم

يا شباب انا سالت سؤال ليه كل هالديس لايكات ؟!

هههههههههههههههه