أضف سؤال أو موضوع جديد          

اخواني الي في الرياض أرجوكم ساعدوني

up 1 down 0
musclefreak 355
قبل 7 سنه و 4 شهر



السلام عليكم ورحمة الله وبركاته

أخواني اعضاء وزوار المنتدى....صبحكم الله بالخير

من زمااان مانزلت اي مشاركة لكن دائما متابع

عالعموم رح ادخل سيدة بالموضوع


السالفة ياخوان ان من اول الاسبوع وموتري يطلع صوت ماقدر اوصفه....وهو واقف مافي شي لكن لامشيت يطلع الصوت

الصوت كأنه صوت تنسيم او شي يصفر يجي مع الدعسة وضغط المكينة بين 1.5-2 واحسه يجي ويروح مع الدعسة...المشكلة احس الصوت يجي من داخل الطبلون لاني ماسمعت شي من المكينة

اليوم الصباح احس الصوت اسوء وصدري ضاق....الموتر مالي فترة شاريه "مستعمل" وماعندي اي فكرة ايش سبب الصوت

ياأخوان... أرجوكم تدلوني على احسن ورشة متخصصة في الفورد في الرياض وبقولها بصراحة "انا انسان موسوس" اذا الموضوع يتعلق بموتري

الموتر موديل 2004 غير عادي

أرجوكم أفيدوني....ربي يجزاكم الخير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


رح لصناعيه النسيم اسم الورشه نجم المعادن اسم الي يشتغل فيها
ابوزايد الحربي طبعا يداوم فيها اخر العصر ومع المغرب
سعودي وفنااان بالفورد


up 1 down 0
االخاالدي 3898
قبل 7 سنه و 4 شهر



لايكون الدفرنس ؟؟؟؟؟؟؟؟؟؟؟؟؟؟؟؟؟؟؟؟


up 0 down 0
الراس عالي 43
قبل 7 سنه و 4 شهر



اوبكرات المكينة؟؟؟؟؟؟؟؟؟؟؟؟؟


up 1 down 0
الراس عالي 43
قبل 7 سنه و 4 شهر



الخالدي الله يعطيك العافية ماقصرت والله....مشكلتي اني فشمال الرياض بعيدة علي مرة صناعية النسيم




الراس عالي.....تراك والله خوفتني...بكرات المكينة شي يخوف؟؟؟؟


up 0 down 0
musclefreak 355
قبل 7 سنه و 4 شهر



اخوي وش نوع السياره ارجوا التوضيح 

انت كاتب 2004 وقير عادي وفوق كاتب ابي ورشه متخصصه في الفورد اذا كان موترك فوكس او مونديو ممكن تكون قير عادي

الصوت اخوي ما راح نعرفه واحنا بالكمبيوتر لازم نسمعه ولو تقدر تنزله يوتيوب وترسل الرابط افضل كذا اعتقد الحل بيكون صعب 

بس ياليت توضح الصوت يطلع وانت مطفي الرادو او المسجل والا وهو يشتغل ؟؟؟ لان بعض الاصوات اللي تطلع مع الدعس مثل التنسيم او التصفير يكون من المسجل ملتمس او اسلاكه متلخبطه وصارت معي زمان في كامري 99

بس الافضل تروح لفحص متخصص وتفحص عشان ترتاح ودامك متأكد ان الصوت مو من المكينه فطمن بالك حاجه بسيطه ان شاء الله

بالتوفيق 


up 1 down 0
camry grandi 99 7274
قبل 7 سنه و 4 شهر



ي الطيب شيك على الاقمشه الان سيارة اخوي كامري وكانت معى اسبوع كل ما اروح مكاان اسمع صوت زي الصفاره وبنشري قال غير الاقمشه وان شاء الله ماعاد تسمع الصوت والفعل كلامه طلع صحيحه بس مدري الفورد مثل الكامري اول لا روح تاكد يمكن تطلع الاقمشه 


up 0 down 0
congress 2 7
قبل 7 سنه و 4 شهر



هلا والله اخوي كامري ملعيش نسيت اذكر نوع الموتر....الموتر موستنج ثمانية سلندر يعني مكينته زي الفكتوريا

المشكلة اني انا نفسي مادري شلون اوصف الصوت...اكيد مو من المسجل لاني اكون طافيه.

الصوت يجي مع المشي يعني لو الموتر واقف وادوس ماسمع شئ


تحس شي يدور مع المكينة بس بشكل غير منتظم...شيكت على السير شكله سليم

ومثل ماتفضلت اخوي انا ودي اروح مكان متخصص فالفورد وفيه ناس فاهمة وانا توني جديد عالفورد


والله من الصباح وانا مهموم وجالس افكر فالموضوع
أتمنى يااخون تساعدوني




up 0 down 0
musclefreak 355
قبل 7 سنه و 4 شهر



والله ياخوك ماظنيت يكون من الاقمشة لان الصوت يحسه يزيد ويخف مع ضغط المكينة

ماقصرت والله شاكر مساعدك


up 0 down 0
musclefreak 355
قبل 7 سنه و 4 شهر



صادفني مره صوت صفير مع دعسه وطلع تنسيم بالثلاجه مكينه وحليتها بالمعجون امريكي .


up 0 down 0
x500 777
قبل 7 سنه و 4 شهر



ورشه الكمال مقابل قطع الغيار الصناعيه الشفا مر عليهم واسأل عن واحد اسمه كمال
او خالد. تخصصهم فورد وشفر وكاديلاك
خله يفحصها لك والقطع انت جبتها له
ونصيحة اذا رحت اي ورشه لا تبين له انك خايف على السياره وحسسه انك فاهم عشان لا يلعبون عليك
بالتوفيق اخوي...


up 0 down 0
jibreen 134
قبل 7 سنه و 4 شهر



محد يقدر يحدد لك الصوت 
مصادر الاصوات كثيرة

رح افحص مكينة فقط


up 0 down 0
naac 2 2721
قبل 7 سنه و 4 شهر



الصراحة هذا الي قاعد افكر فيه
أنه ليش مااروح لكارتك مثلا واسوي فحص محركات منها اعرف وش سبب الصوت وبنفس الوقت اشوف اذا في اي شي ثاني

تنصحوني اسوي كذه ولا شطحت؟؟



up 0 down 0
musclefreak 355
قبل 7 سنه و 4 شهر



الافضل تفحص المكينه وحاوليها في مكان متخصص وان شاء الله ما يقصرون معك وبيعطوك الخبر الاكيد 

والله اعلم انه يكون من البلانسر اللي يحرك العامود حق المكينه ( الكرنك ) وهذا حصل معي وشريته ب500 ريال مستعمل مع التركيب ب800 ريال

بس ما اقولك اكيد لان انا كان يطلع معي في المشي والوقفه وانت تقول في المشي فقط

الافضل تفحص ولو تعطينا فيديو للصوت ان شاء الله نفيدك


up 0 down 0
camry grandi 99 7274
قبل 7 سنه و 4 شهر