رساله لأصحاب الفكتوريا والماركيز

16 12

لايمكنك التصويت حتى الحصول على 20 نقطة على الأقل
إضغط هنا للإخفاء

أبو ناصــر 1282
قبل 10 سنه و 5 شهر

بسم الله الرحمن الرحيم

السلام عليكم ورحمة الله وبركاته


الحمد لله الحمد لله الحمد لله اللهم اجعلها امطار خير وبركه اللهم ااغسل بها الارض وقلوب العباد يارب العالمين ...



بالبداية حبايبي يشهد علي الله اني مو متعصب لسيارة بعينها كل السيارات فيهن خير وبركة .. واعتذر مقدماً عن هذا الموضوع ...........


للأمانه اللي خلاني اكتب الموضوع هو ماشفته اليوم واكثر من مره بغيت اصدم .. وبالنهاية طار صدام موتري


اصحاب الفكتوريا والماركيز رفقاً بنا في الزحمات وفي شوارع الرياض وعند الاشارات .. انا ما ادري ليش اللي يسوقون هالسيارات فيهم برود غير طبيعي كذلك غشامه بالسواقة وعدم الالتزام بمسار محدد وسرعة بطيئة .. كذلك كثرة الدعس على الفرامل ..

يا اخوان اليوم بعد العشاء وانا جاي من الغرابي متجة لبيتي بحي الخليج صارت معاي اكثر من حاله والسبب فكتوريا او ماركيز ..

المرة الأولى وقت ماطلعت من الغرابي طريق الملك عبدالعزيز متجة لشارع الجامعه باخذ يمين الا صاحب فكتوريا يمشي زيرو قدامي وماسك المسار الايمن طبعاً وكل شوي يضرب فرامل والشارع شبه فاضي قدامة انا على بالي بياخذ المخرج بالنهاية انحرف بسرعه يسار وانا دخلت المخرج على طول والله ستر لو ماكنت منتبه كان رحت سيدة وصدمت بالصبة ..

الحالة الثانية وانا داخل من الدائري لخريص مخرج 13 اول مادخلت خريص راعي فورد دخل علي وحك الصدام الامامي جهة اليمين ..

دائماً اشوف فيهم برود وغشامه واتحداك تحصل ماركيز او فكتورياصداماته مو محكوكة ..

اللي انا اعرفة ان هالسيارات عملية وصيانتها قليله ومريحة بالخط وغيرة من المواصفات الحلوة ولكن ما ادري ليش الناس سواقتها كذا لها السيارات

اعذروني دمي يفور تو مطير الصدام علي .. للأمانه اول ما اشوف فورد وربي اوخر عنه واحاول اخذ مسار اخر غير اللي هو فيه ومن سابع المستحيلات امشي ورى هالسيارتين لو تعطل اشغالي واتأخر بس ما امشي ورى هالسيارتين وش يضمن لي انه مايمسك فرامل بوجهي بدون سبب او انه يترك فراغ طويل بينه وبين السيارة اللي قدامة

احب اختم موضوعي بصورة لمخالفة احد الزملاء بشارع العليا العام .. منها تنتبهون ومنها تعرفون وش اتكلم عنه

إبلاغ

الردود