رايكم في فورد تورس 2013 من ناحية المواصفات و الاستخدام

مع كذآ وآحد من آلعيآل مّ قد سمعت عن خرآبآتهآ .. بّ آلنسبهه للموآصفآت آلفل كآمل يفرق عن آلنص فل بّ كشآفآت و نظآم ركن آلسيآره


و جنوط و فتحه و آلفرق 20000 و بّ آلتوفيق 

والله روعه التورس الجديده

حلوة واشوف مواقع امريكية  تبيع  توروس وماشيه 100 الف ميل ووو150 الف ميل والسيارة متماسكة من وقفتها 
وحلوة ويكفي الغو  جراند ماركيز وجابوها هي استبدلوها   
وبخصوص  البيع جبها هنا بالموقع حراج  وبتجيب لك سعر فلكي  والسبب الاسعار هنا بالموقع فلكية والظاهر شغالين غسيل اموال

اصحاب تورس يشكون من كرتير زيت لنه نازل اشوي ولا فيه صاجه وهذا خطير ولاشي طبعن موديلا 2010 الى 2012 

 بس مادري عن موديلات الي قبلها هل عدلو مشكله ولا باقي 

انا لاحظت انتشارها بالشوارع وشكلها اعجبني بقوه
لكن مواصفات وكيفها مع الخط مادري

صراحه سعرها بطل نص فل ب 99 اشوفها تستاهل

اشوفها   كثرة   وبقوووووه
ورأي
ان شكلها   ممتاز
وافضل   من  الكامري   الكرتوووووون   ام 90   الف  
ام   زعانف  اللي مافيها   اقل درجات الامااان

المهم  استعمالها   مدري   بصراحه
لاكن  سمعة  ان كفرها  غالي لان  جنطها  20

   

بقول الي اعرفه عنها
التورس بنسبة لي الامان بعد الله فهي توب التوب امنها عالي جدا بعد الله والبدي حقها فيه فولاذ لي حماية الركاب
سرعة استجابت البرنين لم تدوس على طول السيارة تنقز والدركسون خفيف وهذا كله مايخليك تحس ان السيارة ثقيله
بي النسبة لي المواصفات فهي 5 فئات استاندر وي من موصفاتها مثبت سرعة - تحكم بي الصوت من الدركسون - مقاعد كهرباء السواق والراكب -نظام سنك حق مايكروسوفت- بلوتوث - وغيرها بعدين النص فل يزيد كشفات - واعتقد القزاز مدبل - عداد السرعة بي النص ماهو زي الاستاندر - حساسات -تعشيق خلف الدركسون -التحكم بي المسجل والمكيف لمس - بعدها نص فل بي فتحة وجناح - بعدها اللمتد يزيد عن النص فل بي نظام الصوت من سوني-انوار زينون - تبريد و تدفئة المقاعد- ردار - اعتقد ان فيها مساج - جنوط نيكل لامع - كاميرا خلفية في نفس علامت التورس -واعتقد ان فيها نظام ركن السيارة بعدها تورس شو يجي في مكينتها 2 تيربو يخليها طيارة
من فئة نص فل الين اللمتد تقدر تختار بين الدفع الرباعي او الامامي غير الاستاندر بس امامي والشو مايجي غير رباعي
عيوبها
ضيق المساحة الخلفية مقارنه بي الشنطتها الي من كبرها تشيل فيها حاشي براحة لو انهم ضيقو بي الشنطة على حساب المقاعد الخلفية كان تطلع توب
النور في فئة الاستاندر ماهو قد كذا اتعقد ان اللمتد نورها اقوى لنها زينون
صوت الهواء يطلع من بعد 100 على خفيف بس مايزيد اذا اسرعت
تمشي 200 ماتحس فيها مادري هذا عيب ولا ميزة

في الاخير شكلي كتبت موضوع ماهو رد
ان شاء الله ان كل المعلومات الي كتبتها صحيحة مافي احد يسلم من الاخطاء
والسلام خير ختام
لا تنسون دائما وابدا الصلاة علي النبي صلي الله عليه وسلم
اللهم صلي وسلم عليه

سياره حلوه يعني الاستاندر ب95 الف ومكينه 3.5 وشاشه معلومات وتحكم من الطاره هل تقدر تجيب سياره استاندر بهذي المواصفات والسعر و6 سلندر ؟

انا معي تورس 13 والله ما شاء الله شغاله خطوط بالنسبه للعزل نفس السيارات في فئته يعني لا تتوقع انها مرسيدس عادي


الحين مشت معي 40 الف في سنه ما شاء الله وجلد خطوط داخل البلد تصرف بنزين وشكرا

السلام عليكم ورحمة الله وبركاته
أخوي أبختصرلك الكلام فخير الكلام ماقل ودل أناشفت برنامج كامل عن التورس وكان رأي الخبراء بالإجماع إنه
(حرام السياره تكون أميركية الصنع والمفترض تكون ألمانيه) طبعا الخبراء بريطانيين وأمريكان والموتر ماعليه كلام
تحياتي

أقول إنحش ولاتجيها وحسب خبرتي فيها ماتسوى وللإنصاف لها حسنات في المواصفات ولاكن ماخبرت سياره في حياتي إمريكي دفع أمامي إلا وفشلة فشل ذريع وهي سياره إستهلاكيه بحتة مقابل الخدمه  إذا تاخذ مستخدم خذ فكتوريا أصرف بمليون مره

سيارة ممتازه جداً وانا مجربها .. وخلك من كلام اللي يقولون وعمري ما شفت .. والشوارع تشهد في ثلاث او اربع سنوات انتشرت وبقوه

محاكيك معاه فورد تورس sel اللون الذهبي <<<< افضل لون بصراحة ويوم تشوفه على الطبيعة تقدر اللون وتقول بلا سويدي بلا هم وانحش عن الاسود والفضي زملائي تورطو




المهم من ناحية اللون اعطيتك الافضل




من ناحية السيارة حلوووه ومتانة واقتصادية وبالاخر شركة فورد يعني خذ اسد معك بالخط




ومن ناحية الفل سعرها 137 الف تقريبا لكن حرام على نيفقيشين ورادار 
وتحت الفل سعرها كاش 91900ريال مع خدمة صيانة 3 سنوات غيار زيت وفلاتر وبواجي غير فترة الضمان مدته 5سنوات او 200الف كيلومتر
طبعا تحت الفل فيها ميزة ماهي في الفل وهي جنوطها افخم شكليا وكمان من الداخل لونين اسود وبيج يعني عند مسكات الباب اللون اسود يعني ماراح تتوسخ لكن الفل بيج وهذي مشكلة لانها منطقة قابلة للوسخ مع اللون
لذالك لوقست االفرق بالسعر حدود 40الف ريال عن تحت الفل وهذي بقيمة سيارة هيونداي سوناتا استاندر لذالك
توكل على الله وخذ لك تورس




الالوان بالمراتب الاولى
1- الذهبي 
مميزاته يعطيك اللون الون الابيض سويدي باليل قريب من الفضي يعني ميكس
بالنهار يعطيك اللون الذهبي الفاتح الممتع للنظر << متعوب عليها 
يتحمل الوسخ والغبار وخصوصا بمنطقتنا بالخليج كل يومين عج وغبار لذالك انا ماغسلت السيارة 10 ايام واللي يشوفها يقول مفيها شي الا اللي يجيب مجهر ويدقق او يمسحها بيده
2- اللون الابيض السويدي
مافيه فرق بينه وبين الابيض الا بدرجة بسيطة وهو لمعته على صفار وهو لون حلو يتحمل الوسخ ومايبين الخدوش
3- اللون الفضي
لون حلو لكن على التورس خايس ومطفي ماله لمعة ابد ومايظهر خارجية السيارة بالشكل المطلوب
4- اللون الازرق السلفر
لون حلو لكن ياويلك من التجريح والخدوش والغبار كل يوم انت موقف عند التلميع
5- اللون الاسود
هذا حلو يوم يطلع من الوكالة لكن بعد يومين ودك ترجعها للوكالة من الحرارة ومن الدوائر بالبوية يعني اللي يمسح لك السيارة راح يبان مخدشه وعملية دوائر يعني روح لمع 
والغبار بنفس اليوم يعني لازم يكون عندك حارس يمسح باليل والنهار
6- اللون العودي او البني الغامق
نفس الالوان الغامقة 




لذالك لازم تروح مثلي للمستودع وتشوف الالوان 
والذهبي مع الفيابر السود اللي تحت ومع المراتب بداخل السيارة رووعة
تخصصي هندسة ديكور

بسم الله الرحمن الرحيم ... أنا من مستخدمي فورد منذ فترة طويلة .. ولكن !! ليس هناك مقارنة من ناحية الاستخدام أو الصيانة بين الفكتوريا والماركيز وسيارة التورس .. حتى من ناحية تكييفها أقل حتى من الياباني والكوري... وتخلص أصحابها منها بشكل كبير .. والسوق يوضح هذا الشيئ وكنت انوي شراء التورس لكن شكوى الزملاء جعلتني ابتعد عنها بكل صراحة بالإضافة لكثرة المعروض للبيع وهذا مؤشر سيئ بالنسبة لمن يعرف السوق .. وبالتوفيق للجميع

انا نزلت للمعارض اليوم نص الي بسوق تورس ..! استغربت والله معني كنت ابيها بس خلاص شكل مشاكلها واجد في اليوم اشوف ٨ من غير النعروض 

يعني نشتري تورس ولا لا اعطونا رأي تكفووون

تورس ٢٠١٨ كيف تكون جيدة للاستخدام