عندي حل مشكلة الحرارة بالفورد باذن الله ..

8 1

لايمكنك التصويت حتى الحصول على 20 نقطة على الأقل
إضغط هنا للإخفاء

الطير الحر .. 34
قبل 10 سنه و 7 شهر

السلام عليكم , حياكم الله يا الربع 
عيدكم مبارك وتقبل الله منا ومنكم صالح الاعمال 




عندي موضوع بسيط بخصوص الحرارة للفورد ’ والحل ان شااءالله عندي ..
شريت لي فورد كراون فكتوريا قبل شهرين تقريبا وسويت له بعض التشييكات والقطع والحمدلله ما كلفتني واجد ’ الشي الوحيد الي غفلت عنه الرديتر  وانا طالب جامعي كل يوم ماسك الطريق صد رد   ’ مرة ارتفعت معي الحرارة وعلقت معي الطاره وهذا نظام الفورد تعلق الطارة اول ما ترتفع الحرارة ’ المهم وقفت ع جنب وعرفت انها من الحرارة وفتحت الكبوت لقيت الغطاء يطلع موية تغلي خليته يبرد وجبت موية واعبيه 
طبعا الحرارة نزلت عقب ما عبيته لكن توني ما شغلت الموتر .. يوم شغلته وكل شوي ازيد الموية لكن اشوف الحرارة ترتفع ما تنقص استغربت كبيت ماء على الرديتر ونفس المشكلة 
المهم كان عندي محاضرة واسحب عليه  *_^
يوم خلصت من الجامعة واطلع اشوفه واعبيه موية وازبط فيه لكن ما ظبط والمس الرديتر بارد والمكينة طبيعية لكن الحرارة ترتفع ! حطيت يدي على خرطوش الموية الي يوصل من الرديتر للمكينة لقيته يغلي واستغربت .. المهم اني جبت سطحة واشيله للصناعية ام الحمام واروح لواحد متعامل معه ( ورشة الربيع 1 ) شافه الميكانيكي قال المشكلة عندك بسيطة وهي اننا بنغير طبات الرديتر الثنتين وننظفه لك لانها تهرب وقديمة وبنفك البلف الي بنهاية الخرطوش بالمكينة قلت له ليه وش فايدته ؟ قال نظام الامريكي كذا البلف يقفل الموية عن المكينة اذا ارتفعت الحرارة عشان ما يخرب المكينة عليك لكن اذا سيخت الرديتر وتاكدت من الليات ما راح تحتاجه الا للشتااء لانه يحتفظ بحرارة المكينة داخل ولا تحتاج وقت طويل تحمي الموتر قلت طيب الشتاء بأكلها قال اذا جاء الشتاء تركبه سعره 60 ريال الاصلي .. المهم يوم فك الطبات القديمة انجلط يوم شاف كمية الاوساخ والتراب داخل .. قال تشوف هاذي هي الي تسد الفتحات ولا توصل موية كثير للمكينة عشان كذا ترتفع الحرارة وغير الطبات كلها حول 300 وسيخ لي الرديتر وفك لي البلف ورحت شريت ليات رديتر جديدة اسديلكو سعره حول 90 ريال وقفيز يشد على الخراطيش .. المهم ماشاءالله لا قوة الا بالله الموتر من عقبها الحرارة تقريبا حول ربع في النهار وبالليل الامبير طايح حتى اشك انه خربان بعض الاحياان ’ اوقف بعض الاحيان ساعة ونص متواصلة ووضعي ممتاز ع الربع .. 




والمفترض الرديتر تفحصه ووتتاكد منه كل ست شهور تقريبا وهاذي كثير من الناس يغفل عنها لكن لها دور كبير في السيارة حتى غير الامريكي مثل الكوري والياباني .. 
















تقبلوا تحياتي اخوكم محمد ابو سعود .. 

إبلاغ

الردود