ابغى ابيع رابتور 2013 واشتري موتر عملي

وش تفضل

السيارات الصغيره مثل الاكسنت واللنترا و الكورلا

او السيارات العاديه مثل الفورد والكامري

او السياره العائليه مثل الجموس و الجيوب

او البيك اب مثل السييرا 

او او او

وكم تقدر تدفع

وتبغا جديد او كاش

انت ما وضحت اي شيء

مثل ماقالك ابوخالد

ياليت توضح؟

انصحك بفورد توروس انيقة و قوية و عملية و تقدر تحصلها مستعملة مضمونة بالمعارض و انصحك بالبيان ممتاز للتوفير ...

صل الاستخارة اولاً ،،، أنصحك بالتورس من 2007 الــى 2010 أمريكي مع جارنا ابداااااااع وفيها كككل شي رادار وأتوقع فيها مثبت سرعة وإذا عندك فلوس اكثر أنصحك بالاكورد 6 سلن رد او آلافالون 2013 .. الله يوفقك في أختيار الأفضل 

اعتذر جدا ل عدم التوضيح .. بس انا من شدة حاجتي للكاش الان ممكن اقبل اي موتر
بس افضل الcts

السلام عليكم ارشح لك الاتيما الجديده لانك قلت  افضل cts يعني اضاهر انك تهتم  في سيارتك بس ماعندي فكره من ناحيه هل تمسك سعره وللا واسعار قطع الغير والصيانه وتوفر القطع وسلامتك

ال cts موتر جبار وهيبه بس انصحك تاخذ من موديل 2009 وفوق واهم شيء النظيف النظيف النظيف واهم شيء تكون تشييكاته بالوكاله ويكون مستخدمه راعي ذمه وضمير مو شريطي نصاب

بالتوفيق

اشتري امبالا 2014 الجديدة LTZ اذا كنت تدور الفخامة

او كابرس اس اس 2014 الجديد اذا كنت تحب المكينة القوية والكشخة

ما دام عندك عمار ومحتاج فلوس فلا تتشرط خذ لك سيارة توديك وتجيبك وتحفظ لك فلوسك
ويسر الله امرنا وامرك وامر كل من قرأ

اسمع كلام اكسبدشن للبيع ... حاول تشوفلك موتر يؤدي الغرض لو ب10 الالف ريال والباقي حطه فالعمار لان العمار غالي ومكلف وياكل الفلوس اكل وهو الاولى بعد ماتبني وتعمر وتخلص عاد روح شوفلك موتر فخم

صعبه نعطيك وجهة نظر بدون تحديد سعر و احتياجاتك للسياره

لكن مبدئيا من تجربته سابقه ميركوري ميلان ٢٠٠٨ لاكثر من سنه

عزلها ممتاز في الخطوط وماتمل من سواقتها وتلقاها بسعر كويس وقطع غيارها رخيص ونفس قطع الفيوجن والمازدا 6

وخدومه مشيتها الى 200 الف ماطلبت ولاتقربعت ..

مع المطبات فيها شوية قساوه لكن على تفيدك القساوه في الرساوه والمحافظه على نظام التعليق