عندي مشكلة في كراون فكتوريا .. صوت رجة واحتكاك داخل الطبلون
2
0
لايمكنك التصويت حتى الحصول على 20 نقطة على الأقل
إضغط هنا للإخفاء
إضغط هنا للإخفاء
السلام عليكم ..مساكم الله بالخير يا وجيه الخير .. يا شباب شريت فورد 2001 قبل شهرين والسيارة بسم الله ماشاءالله نظيفة .. عندي كم مشكلة ابي احلها
اول شي عندي صوت داخل الطبلون اذا تعديت 140 صوت رجة او احتكاك كنت اتوقعه بالكفر الايسر الامامي لكن ركب معي ميكانيكي قال هذا صوت داخل الطبلون .. وش الحل معه ؟
والمشكلة الثانية الموتر عندي منبه اسرعة اذا تعديت 120 يطلع صوت مزعج ما اتحمله يززن بالاذن فيه طريقة ابرمجه تنبيه بسيط ويوقف او افصله ؟؟
والمشكلة الثالثة ودي ارسي الموتر اخليه مريح اكثر , ناس قالوا ركب هيدروليك بس يمكن ينفقع عليك ويطيح الموتر وناس قالوا يايات رياضية وهل تفرق رساوة الموتر بعد التربيط ؟
طلبتكم يا الربع الي عنده علم لا يبخل علينا , لعبوا بنا ذا الاجانب حقين الورش ..
إبلاغ
الردود
الله يعطيك العافية يا القناص يا جعلي ما ابكيك .. الميكانيكي قالي هذا عندك تروس القير في الطبلون خربانة غيرها ويروح الصوت عاد ما ارتحت لكلامه ولا غيرت للحين .. مدري وش رايك ؟
0
0
0
0
من ناحية الصوت الي داخل الطبلون هذا صوت الإبره الي تركب في عداد السرعة من الخلف لم توصل لسرعة عاليه تفوت وتسبب حكه ورجه وصوت مزعج الحل انك تشوف المشكله هل من الإبره حقت عداد السرعة وتغيرها أو من السلك الي يركب فيها من ورى وتغيره
من ناحية صوت الجرس المزعج فيه فيش تحت الدرج عند الراكب يفصله لك الكهربائي وتزين امورك
من ناحية الرساوه مهما سويت ماراح تزيد رساوته لأن هذا الموديل اعتمدوا على الراحه وليس الرساوه بس انت جرب ركب كفرات عريض 235/60/16
بالتوفيق ياصاحبي ....
قبل 11 سنه و شهر