أضف سؤال أو موضوع جديد          

مشورتكم في تحميه السياره

up 10 down 4
البرنس 2006 2085
قبل 9 سنه و 2 شهر



ياخوان انا احمي السياره ثلاث دقايق واقل وش تنصحوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الان في الحر مايلزم تسخين 30 ثانيه كافيه الجو ساخن مايحتاج


up 3 down 0
لافي يوسف 1153
قبل 9 سنه و 2 شهر



دقيقتين كويسه لين يطلع الزيت فوق .
او اذا نزل الريس وتحس السياره هاديه عشق وامش كذا تمام .


up 0 down 0
عـادل عبدالله 4751
قبل 9 سنه و 2 شهر



السياره الجديده لها فصله لافصلة روححححححححححححححححح


up 0 down 3
لافي يوسف 1153
قبل 9 سنه و 2 شهر



اذا هدية السياره امش يعني امكن 3 دقايق الين ينزل تحت الواحد


up 1 down 0
عبدالمجيد ال محسن 3341
قبل 9 سنه و 2 شهر



انا الحمد معي هونداي كوريه ومريح راسي
ومكتوب في الكتلوج
((ان مدة التسخين ١٠ ثواني وبعدها يمكنك السير ولكن لا ننصح بالسرعه فوق 
٣٠ كم حتى يصل المؤشر ٢ او ٣ درجات ))





up 0 down 1
ابورفق العمري 566
قبل 9 سنه و 2 شهر



انا سألت بالشركه وقالي المهندس 
اذا تبغى السياره تكون جاهزه مرررررررررررره سخنها من 2ونص الى 3 دقايق




up 0 down 0
حكيم المعاني 10320
قبل 9 سنه و 2 شهر



بالنسبة لي اول مايرجع الريس لمكانه الاصلي والسيارة ساخنة


up 0 down 0
marwan699 5854
قبل 9 سنه و شهر



وش تفرق 3 دقايق باختصار اقولها لك والله ماتفرق من عمرك شي حتى لو انك على عجاله

يعني شغل واخذلك لفه حول الموتر وتحصله دفى 

بسالك السيارة لاصارت واقفه شي 8 ساعات تحتاج اشتغال بسيط حتى تصبح جاهزه 


up 0 down 0
الجنرال2012 6586
قبل 9 سنه و شهر



والله انا من النوع الي احمي السيارات واخليها الين توصل قريب من الربع لان سيارتي توقف على الربع تقريباً في مؤشر الحراره


يعني تاخذ 4 دقايق تقريبا لو جلست 24 ساعه ما شغلتها 


اخذبها لفه حولين السياره اشغل المساحات انظف القزاز المع الطبلون انضف شي لو يحتاج اشغل المسجل اشبك الفلاش 


افتح الشنطه ان تركتها مو مرتبه وارتبها 


اتفقد السياره اشوف البلوف انسرقت ولا باقي << هاذي معاناه ههههههههههههه ما احب البلوف الا الحديد وبس

ارسل برودكاست في البلاك بيري يعني والله تمر بدون ما احس


وبعد كذا امشي ( بدون ما اشغل المكيف ) تقريباً كيلو اوقف عند البقاله متعودين على بعض ادق له بوري دقه وحده يجيب ببسي دقتين يجيب كودرد ثلاث دقات يجيب بربيكان < ارحمنا هههههههه

وفذي الوقفه اشغل المكيف وافتح العصير كذا نص دقيقه احس السياره مرتاحه امشي واحطه على درجه 1 ما اكثر 







<<< كيف بس محافظ ها هههههههه 


up 2 down 1
mrabdullah 1349
قبل 9 سنه و شهر



من ناحيتي ، 

عندي فورد رابتـر  والله  ما اتذكر اني حميـته اشغل وامشيء 

والآ احياناً .. مثلاً اشغل السيارهـ في البآيكـه وانتظر  اخوي يطلع  [ يوقفون ورآي ] خخخخخ فـ تحميه غصب عني 

< و اذا بتحمي سيارتك " خذ كتالوج السياره " واقرآهـ  
عندنا سيارة الاهل نافيجيتـر ،، والمصنع بيئول الك ، حميهآ في حدود الـ30 ثانيهـ و بعـدين لآتمشي عليها اكثر من 30كم الى ان تتعدل الحرارهـ 

وشكراً 


up 0 down 0
فهد}~ 1261
قبل 9 سنه و شهر



بالنسبة لتحمية السيارة الوقت الزايد يضر السيارة معلومة أكيدة تضرها بتآكل المكينة من الداخل (مايبان معاك تآكل المكينة على طول ) و تضرها بتجمع الكربون لأن السيارة واقفة أما 10 ثواني أنسب شئ مع ضرورة قومة السيارة لازم تكون مرتاحة ( ماتشد عليها على طول ) إلين تحس أنها تقبل العزم على طول.

******&******&*******&*******&****
إذا كانت السيارة كربريتر(قديمة) يجب مراعاة ثلاث نقاط أهم من التحمية:
1# لو المكينة باردة قبل التشغل دبل بنزين مرتين بس وشغل.
#2 لو المكينة حارة جاي من مشوار وطفيت وتبغى تشغل دوس أبنص للأخير وشغل أول ماتشتغل ترفع رجلك عن الأبنص على طول.
3#لو المكينة نص و نص يعني طفيتها قبل نص ساعة أو ساعة دوس أبنص الين النص (نص الابنص) وشغل و ارفع رجلك على طول.

ملاحظة المعلومات خاصة بالسيارات القديمة من كتالوج كرسيدا 95 وطبقتها على سيارتي موديلها 89 و لله الحمد لاتشكو من شئ.

مع العلم أن جميع الكتالوجات القديمة والجديدة اتفقت على 10 ثواني لتسخين المحرك.


up 0 down 0
kk99103k 17
قبل 5 سنه و 10 شهر