احذروا شراء أي سيارة من شركة توكيلات الجزيرة ويوجد مقطع فيديو

جزاك الله خير               

ايه قد شفت هذا المقطع قبل فترة وعلى فكرة هذا ولد الشيخ سلمان العوده 

والله ياشباب مت ضحك من جد شر البلية ما يضحك الله يعينك ياخوي ويجزاك خير وصدقني الوكلاء كلهم عندنا صفرحافض منزله

وش عنده الطيب من صباح الله خير يعني يبي الشركة يجيبون له الكتلوج ودفتر الضمان الى البيت ؟؟؟؟ دقيت عليهم ودقيت عليهم ياأخي العزيز شغل موترك ورح لهم وتفاهم وياهم مو تجلس تتشكى مثل العجوز بمقاطع على النت
وثاني شي صاحب المقطع هو الغلطان من البداية يوم استلم السيارة كان المفروض وقتها يشيك على دفتر الضمان والاستخدام وكل اكسسوارات السيارة مو بعد ماتمشي 8 الآف توك تتذكر
غير كذا هو نفسه ماهو عارف يوصف وش المشكلة عنده مره يقول اذرعة ومره يقول فرامل دليل على انه فاتح فمه ولايدري عن شي والسيارة مشت وياه بدون أي مشاكل لين تعدى 8 الآف وش ذنب الشركة اذا أنت عندك سوء استخدام وطمرت في حفره ولا من فوق رصيف هذه اشياء استهلاكية ومايشملها الضمان سواء فورد أو تويوتا او حتى رنج وصدقوني هو عارف انه ماعنده سالفه ولا ماجلس كذا اقلها لوعنده حق كان راح وزارة التجارة وقدم شكوى لهم بالطرق الرسمية وغير كذا حسيت نفسي عايش بأيام الجاهليه مع أبولهب يوم يقول كافر كافر ويصايح فيها ياخوي فيه شي اسمه غير مسلم وغير كذا والثانية سحب على أم أمي ومدري وش غيرها ألفاظ سوقيه تدل على محدودية التفكير
انا مالي شي في شركة فورد ولا أملك حتى سيارة فورد ولكن اسلوب راعي المقطع ماله داعي ياأخي اذا بغيت تسوي مقطع وتأثر فيه على الشركة انزل وصور المشكلة الى تعاني منها على نفس السيارة موتجلس وراء المكيف وتبربر على غير سنع والموضوع الى حاطه حقيقة شركة توكيلات الجزيرة وكأنك الحين اكتشف ان السيارة صناعة تايوان ويضحكون علينا ويقولون امريكي

فيه عنده تناقضات


الحين يخصص و يمدح في احد الفروع ويقول محترمين وتعاملهم كويس


ويرجع يقول فرع خريص تعاملهم زفت ويعمم على شركة فورد بشكل عام (( طيب وين راح الفرع اللي كنت تمدحه ))


هي وحده من الاثنين

يا انه يحدد الفرع اللي تعاملهم زفت ويخصصه


او انه يذم جميع الفروع بالسوء

ماعرفنا له

بعدين هالشخص له مقاطع فاليوتويب شفتها وكان لاعب فام الموتر ومعدل عليه ومفجر فيه

ولهذا السبب طلع عنده مشكله فالوزنيه وشي طبيعي دامه كل شوي يناقز بالموتر ولاعب فيه يعتبر سوء استخدام

وغلطته بنفس الوقت

لاسئل لاعن مان ولا عن كيفيته وايش يشمل ومن هالامور

ودائما مشاكل الوزنيه اذا كانت جايه من بلدها تظهر من البدايه وقد صارت

لكن تاخذ الموتر ووزنيته كويسه وتجي بعد فتره طويله من الاستخدام وتقول وزنيته انعدمت فروح شوف طبيعة استخدامك


تعقيب على ((( وهي وكالة متخصصة ببيع سيارات وقطع غيار الفورد )))


يعني بالله عليك وش بتكون توكيلات الجزيرة وكالة بيع خضار وفواكه !! كل الناس عارفين انها وكالة سيارات فورد وقطع غيار يعني ماجبت معلومه جديده مدري هههههههههههه

اسلوب اهبل 
ويدل على ان البابا شراها له
والا ماقعد يناقز بالموتر على قولته

 والله لو تعبان فيها ودافع قيمتها
ليخاف عليها حتى من الغبار


وان كان على الوكلاء
صدقني كل الوكلاء داعسين على المواطن

ودقيت عليهم ودقو علي وارسلت لهم مسجَ!! وكله طق حنك وهو يتمشى مع خويه ومره يقول فرع خريص زين ومره مدري ايش...هات ادله وبراهين واضحه مو رمي كلام ولو انا من الشركه ارفع على هالاشكال قضية تشهير ومعروف ان كل وكاله مخصصه محامي لها وللعلم مامعي فورد ولاراح اشتري ولكن اغلب الوكلاء عندنا هذا وضعهم

وش الجديد؟؟؟


كل وكالاتنا بالسعوديه كذا!!!!!!!

هذي مشكله اذا البابا شراء لولده سيارة

فورد شر كة عالمية جاي تتكلم عنها ؟؟؟؟ تر الي تبيعة في السعودية من السيارات في شهر تبيعة في امريكا في نص يوم

الحين الي يقول الغلط على البراء العوده لانه يلعب في السياره ومدري وش تره شاري رابتر يعني تبيه يوقفه فلبيت  هو مصنوع للكرف والطرق الوعره والي يقول لو انه بفلوسه ماسو كذا  اقول ياكثر الي يشترون سياره بفلوسهم و يلغمه ويطعس عليه على الاقل افضل من الي يحط هيدروليك وسمعات وخربيط مامنه فايده طبعن انا مدري عن الحكم الشرعي في التطعيس والله الموفق

قصة طويلة حتى اللي يبي يفهم السالفة راح يمل ...

احس ان نهايتها... تميلح  

حبيبي نايف القحطاني ؟ ترى كل سياره لازم لها صيانه ومحافظه حتى الهمرات العسكريه الحربيه رغم قوتها كانت في حرب الخليج يتم عمل لها صيانه حتى الدبابات لازم لها صيانه لذلك روح ابحث عن مبيعتا الرابتر وشوف كم واحد اشتكى من الوزنيه وراح تعرف النتيجه

اخ شاقح كلامك ماعليه اخلاف بس وش تبي توصل يعني هو ماسوي صيانه