أضف سؤال أو موضوع جديد          

الخبرة لها دور

up 5 down 0
سليمان ثابت 486
قبل 8 سنه و 2 شهر



قبل اسبوع بالضبط طلعت بسيارتي نزلت للحلاق رجعت وعيت السيارة تشتغل خير شر 
الكهرباء سليمة البطارية اوكيه الامور طيبة لكن مافي حتى دقت سلف تلف المفتاح على الفاضي 
صرت لما اجي اشغلها لازم اقتح الكبوت واسوي توصيلة من البطارية للدقمه عشان تشتغل
المهم اسبوع كامل من ورسة لورشة وفحص كمبيوتر حتى السيارة مافي بحكم ان موديلها 97 فورد
وكل ما اروح عند واحد يقعد يشيك عليها ساعة يقول الكهرباء ابد مافيها شيء الفيوزات سليمة بس عندك التماس من داخل
وفعلا وهذا كلام كل الورش الي رحت لهم طيب يا عالم وين مكان الالتماس (( والله ما ادري )) هذا ردهم
تخيلوا اسبوع ارتفع ضغطي وانا احاول اعرف الالتماس من وين قلت مالي الا الوكاله والله يعين 
قمت الصباح على اخر محاولة للورش ومن هنا وهنا ويوصيني واحد على شايب يمني 
واروح عنده والحق علي ياعم 
المهم قام يشيك زي البقية قلت في نفسي كأنك يا يوزيد ما غزيت 
المهم قام يفر المفتاح عشان يدق السيارة وكل ما كثر الدق حبات السيارة تفتح وتقفل 
دخل الورشة جاب سلك طول الكف ودخل تحت السيارة وشوي وتشتغل السيارة 
انا داخلي هنا صار عرس 
طلع الشايب وقالي عندك عظمة القير خربانه الي هو الفيش حق عصا القير 
قالي هذا خربان وملتمس عشان كذا الفيوز الي داخل السيارة يحترق والي يشيكون يقولون التماس داخل السيارة \
وهو بسيط المهم شريت القطعة ب 180 ريال وشغل يده 80 ريال والسيارة رجعت زي الحلاوة
الوالد الله يحفظه قالي اكثر من مره لا تروح عشان الشباب اليمنيين لانهم يبون كل شي جاهز فك وتركيب وما يحبون التعب
وهذا الشايب بحكم خبرته عرف من وين العله والشباب ما يدرون راسهم من كرياسهم
عشان كذا اذا عندك سيارة قديمة دور لك شياب يصلحونها احسن هههههههه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب انا عندي نفس المشكله حبات البيبان تفتح دااايم من نفسها واليوم وانا اتفاجئ بأمبير البطاريه ينزل للأخير حتى طفت السياره وسويت لها اشتراك واشتغلت 5 دقايق وينزل الامبيير وتطفا وش العلم ؟


up 1 down 0
شكلين مابحكي 3159
قبل 8 سنه و 2 شهر



نسيت اقولك سيارتي فكتويا 2003 البطاريه لها 5 شهور بالضبط


up 1 down 0
شكلين مابحكي 3159
قبل 8 سنه و 2 شهر



شكلين 
عندي لومينا فيها نفس المشكلة طلعت من الدينمو ما يشحن البطارية عشان كذا تطفي جرب شيك على الدينمو يمكن منه 


up 1 down 0
shadowz33 1098
قبل 8 سنه و 2 شهر



ماعندي خبرة بالموضوع ..
الله يرزقك تورس 2013 


up 1 down 0
bmw 2013 369
قبل 8 سنه و 2 شهر