الماركيز أم البليزر ؟

اذا انت صاحب بر وكشتات انا مانصحك بالبليز لانه حساس وقطع غياره غالي وغير متوفر الافي الوكاله
اما اذا انت داخل المدينه وسفريات وخطوط انصحك بالماركيز افضل 
قطع رخيصه ومريح وقليل استهلاك البنزين وكل ورشه تفهم لها 
اذا انت مصمل علي الجيب عندك جيب اكسبلور نوعأ ما جيد ...
.

الله يزيدك من واسع فضله 

شف وانا اخوك فر من البليزر فرارك من الاسد كانك رجال تبي راحه بال و تحفظ قريشاتك لا تاخذ بليزر نهائياً 

ياكثر اعطاله سواءاً كهربائيه او ميكانيكيه 

و الماركيز حلو و صبور و خدوم ماحد يختلف على هالشيء لكن وين النظيف 

بتتعب لين تلقى نظيف انتبه تستعجل ترا الماركيز لا صار يطلب بيشفط ما وراك و دونك يبي لك تختار بعنايه شيء طيب 

واذا تبي جيب خذ سفاري ربع من 97 ونازل موتر مكده ولا طرى عليك تبيع زبونه موجود مايجلس على تسبدك ولا تخسر في بيعته مازالت ماسكات اسعارها

بيفلسك البليزر نصيحة ")

تبي الورش خذ بليزر وقطعه ناروالله عمي ربطه بس مع قطع الاستهلاكيه وهو ماخذه جديد 2009 ومايمشي الى سفرية 21 الف معه هايلكس حق المشاوير في الديره ومع هاذ اعطاله كثيره اما الماركيز قطعه رخيصه لدرجه انك تحصله كانه سياره في 80 من رخصها  

ماركيز وانت مغمض ...لنفس الاسباب المذكورة 

نصيحة ابعد عن البليزر

كان عندنا في الشركة مع موظفين مشاويرهم قليلة وبعد سنة واحدة صارت مشاكل كثيرة منها على سبيل المثال

تهريب في الدبل مع أن مستخدم السيارة ما يعرف طريق البر

المكيف ما يبرد والسيارة واقفة وكلفت مبلغ مو بسيط في الوكالة

أصوات في المجموعة الأمامية

لمبة الماكينة اشتغلت في بليزر وما حد عرف لها حتى الوكالة

بالنسبة للماركيز إذا قدرت تزيد فلوسك وتاخذ موديل أحدث يوكن أفضل لأن 2001 قديم وومكن يطلب صيانة كثير

البليزر مشاكله كثيرة والناس منحاشه منه ولا واحد شفته يمدحه الجديد او المستعمل

اما الماركيز والكراون فكتوريا عز الله سيارات مريحة على الخط وعلى الجيب القطع
متوفرة ورخيصة ولا يطلب شي بس زيوت وفحمات 

الأفضل شراء سيارة نظيفة من ٢٠٠٣ وفوق

شيك على الفورد اكسبلور اذا لقيت نظيف 2005 فهو منتاز

- ما يحتاج لها كلام هاذي وأنا أخوك خذ الماركيز ولا تترد ، بس أهم شيء عليك بالنظيف .