أضف سؤال أو موضوع جديد          

ابي ابيع سياره ولازم أأمن وش الحل

up 0 down 0
شكلين مابحكي 3160
قبل 7 سنه و 11 شهر



السلام عليكم ورحمة لله وبركاته كيف حالكم ياغالين كل مافي الموضوع ان استمارة سيارتي منتهيه ولازم اجدد والتجديد لازم تأمن ب 500 وبعدها ابي ابي موتري واخذ موتر ثاني وأأمن عليه الموتر الثاني ابي أأمن عليه تأمين التعاونيه سند بلس اللي قيمته تقريبا 1200 وفكرته انه ضد الغير + شبه شامل يغطي سيارتك بقيمة 10 آلاف ريال في حال اذا الخطاء عليك ومازاد انت تتحمله ف وش تشورون علي أأمن عند اي شركه او يستردون المبلغ او وش السالفه ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السالفه تالفه وانا اخوك
تدري اني انا مثلك اللهم انه علي زود عليك مخالفات ساهر ٧٠٠٠ ريال ورخصه مطوفه..
ولا ادري وش السالفه


up 1 down 0
الشيخ فواد 300
قبل 7 سنه و 11 شهر



السياره اللي تبي تبيعها شفلها ارخص تائمين 

وخلاص 


up 0 down 0
فيليكس 204
قبل 7 سنه و 11 شهر



ياخوي امن على موترك وجدد الاستماره وروح بيع الموتر واخفي عن المشتري انك مامن عليه

وخذ صوره من المبايعه وروح لتامين واسترد فلوسك

بيعطوك شيك

او زيد في قيمة سيارتك عشان التامين

يعني اذا بيتبيعها ب 15000

بيعها ب 15500 وقول للمشتري تامين جديد يعدل الاسم ب 70 ريال وصلى الله وبارك


up 2 down 2
ibrahime 1196
قبل 7 سنه و 11 شهر



طيب  ولو فرضنا. أمنت.   وبعت السياره.  تقدر استرد مبلغ التأمين او انقله لسياره ثانيه ؟ 


up 0 down 0
شكلين مابحكي 3160
قبل 7 سنه و 11 شهر



تسترده ايوه بحيث تجيب صوره مبايعه

وراح يخصموا مبلغ وقبل لاتامن اسال

اما نقل لموتر ثاني مافي


up 1 down 0
ibrahime 1196
قبل 7 سنه و 11 شهر



أمن على السياره وروح انت والمشتري انقل التأمين باسمه وخله يدفعلك قيمته كاش.


up 0 down 0
osama.amg 381
قبل 7 سنه و 11 شهر



@@@@@@@@@@@@@@@@@


استرداد مبلغ التأمين ما اعتقد أنهم راح يوافقون عليه ..
ولكن النقل راح يوافقون عليه إذا كان التأمين ماله إلا أسبوع أو أسبوعين ..

أما إذا راحت فترة طويلة تقدر تخليهم ينقلونها عليك بشرط تدفع حق الشهور المتبقية .. يعني لو التأمين باقي عليه 7 أشهر تدفع حق الباقي " 5 أشهر " وينقلون لك التأمين ..

واجرائات نقل التأمين ,, أنك تجيب صورة من استمارة السيارة إلي بعتها للرجال وكنت مأمن عليها .. أو تجيب ورقة المبايعة .. وراح تتنقل بدون مشاكل .. أما استرداد الفلوس ما سمعت فيه ، ..


up 0 down 0
oo أبو عبد الرحمن oo 1772
قبل 7 سنه و 11 شهر



هلابك 
انت بأي منطقه 
إذا بالشرقية. عندك. تأمين وقايه او. المتحدة. امن عند احد منهم. وبيع السياره وخذ صوره من المبايعه مختومه ويرجعون لك المبلغ نقد عن تجربه 
او اعرض السياره للبيع والمشتري. يامن ويكون تأمين ونقل بنفس الوقت 


up 0 down 0
الصقر789
قبل 7 سنه و 11 شهر



لا تامن ولاشيء وقت البيعه اشرط على المشتري ان التامين عليه


up 0 down 0
العامري دوت كوم 2 455
قبل 7 سنه و 11 شهر



والنقل ايضا عليه


up 0 down 0
العامري دوت كوم 2 455
قبل 7 سنه و 11 شهر



لاتامن ولاحاجه

لما تجي تبيع وتوقع المكاتبة اذكر ان الاستمارة منتهيه وتجديدها عليك بس نقل الملكية علي المشتري
وهو بيامن بجميع الاحوال وبهالحاله تفتك من عمليه التامين لان من جد بهالحاله خسارة ومابتستفيد منها

موفق


up 0 down 0
lio45 74
قبل 7 سنه و 11 شهر



^^^^^^^ كلامكم صحيح ماراح أأمن واذا جيت ابيع اقول لصاحبها التأمين والتجديد عليك ولكن الفحص الدوري علي انا مجدده ماباقي ال عليك 200 ريال تطويف + 75 تجديد وكان الله غفور رحيم


up 0 down 0
شكلين مابحكي 3160
قبل 7 سنه و 11 شهر