أضف سؤال أو موضوع جديد          

محتار بين ايدج أو اكسبلورر كلهم 2008

up 4 down 0
abu_faris 32
قبل 5 سنه و 9 شهر



السلام عليكم ورحمة الله وبركاته 
اخواني انا لي فترة ابغى اشتري سيارة وكنت ابغى اللكزس مستعمل  rx350 
لكن ماقدرت على قيمته والحمدلله على كل حال
أنا الان ابغى اشتري سيارة عملية ومرتفعة عشان شوارعنا
أنا راعي سفر وخطوط طويلة بحكم عملي وماني راعي بر حدي نزلات للشاطيء.
وعائلتي صغيرة الله يحفظهم.
فنويت ان شاء الله على سيارة بطاقة جمركية استخدام امريكي موديل 2008 او 2009
واحترت كثيرا بين الايدج دفع رباعي مستمر وسقف بانوراما وبين اكسبلورر xlt دفع رباعي
فنصيحتكم ؟! 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله الأيدج كشكل أفضل ولما تطلع عيالك تمشيهم تخليهم يطلعون روسهم مع الفتحه البانوراميه آخر بسطه طالما أنك تحب تروح البحر أنا شايف الأيدج أفضل وأفخم وشبابي بس عيبه مرتبتين والأكسبلورر ثلاث مراتب بس طالما عايلتك صغار الله يحفظهم لك الأيدج مناسب والأفضل تستفسر عن السيارتين من ناحية قطع وعمر شوف القطع الأستهلاكيه لكل سياره أسأل عنهم في الوكاله ولاتنسى تستخير والله يكتب لك اللي فيه الخير  


up 0 down 0
kaboom smash 644
قبل 5 سنه و 9 شهر



شف يا طويل العمر

الايدج شكلها جميل ولكن يجي صفين مراتب , مثله مثل الكامري والاليتما , فقط مرتبتين

الاكسبلور جميل ويجي 3 صفوف مراتب , يعني اوسع من الايدج شوي

و شف نصيحتي لك : مدامك عندك حول 70 الف تقريبا لان اسعار هالسيارتين حول السبعين

ليش ما تفكر بجيب المازدا cx9 ؟ يجيب لك 2008 او 2009 

وقير جيب المازدا و قير جيب اللكزس rx350 يصنع بنفس الشركه !!

وحجمه وشكله جميل و ياباني ياباني 

والتكيف ما شاء الله ثلج الثلج

أنت أستخير و ربك يكتب لك اللي فيه الخير

تحياتي لك

محبك : ابو يزيد


up 0 down 0
ابو يزيد 000 8697
قبل 5 سنه و 9 شهر



بسم الله الرحمن الرحيم

اقتباس من رد سابق لي علي موضوع مشابه

اجاوبك بالنسبة للايدج لان معي ايدج 2008 بدون بانوراما و التقيم من 10
1-الراحه: 8
2-العزم و التسارع:9 ما شاء الله عليها تسارع من 0 الي 100 في 7 ثواني
3-العزل:8 يوجد صوت هواء بعد ال 120
4-الشكل الخارجي:7 الخلفيه ممتازه لكن الواجه من الممكن تكون افضل و لكن مجمل السياره رشيقه المظهر
3-الداخليه:7 يوجد اجزاء بلاستيكيه كثيره
4-الرفاهيه:6 لا يوجد شاشه دي في دي و سعرها وكاله 4500 ريال
5-الامان و الوسائد الهوائيه:9 يوجد 8 وسائد هوائيه
6-الاعطال الميكانيكيه: الاكثر انتشار هو صوت حنه من الدبل بعد 90 الف كم من الاستخدام ممكن يظهر و ممكن لا ..حسب استخدامك لو انت بتقرص(بتقاوم) علي الجير اما لو استخدامك طبيعي فلن يظهر معك العيب و تكلفه اصلاحه 5000 ريال تغيير كامل
7-الاستخدام اليومي: ممتازه و انا امشي في اليوم حول 60 كيلو داخل المدينه و في السفر مريحة جدا
8-قوة التحمل:جيده جدا
9-قطع الغيار و توفرها:القطع متوفره في الوكاله و خارج الوكاله في محلات مثل التقوي و غيره
10-اسعار القطع:القطع الاستهلاكيه اسعارها متوسطه مثل الهوندا و الكامري الجديد من 2007 و انت طالع اما قطع الاكسيسوار مثل الصدامات و الشمعات غاليه يعني سعر الصدام الامامي 1700 ريال القطعه العلويه فقط و لو كاااااامل بـ 5000 ريال يشمل القطعه العلويه و الشبك النيكل و القطعه السفليه بكشافات الضباب و الكساحه السفليه و قاعده الشبك النيكل وصدر الرادياتير
11-الصيانه: الافضل في الوكاله و لكن لو انت من سكان جده عندك ورش متخصصه في الفورد في شارع المكرونه و شارع الامير سلطان
12-السياره بشكل عام : اعطيها 8.5 من 10 للمستخدم
نصيحه اخويه ابعد عن الاستخدام الامريكي لان الوكاله لا تقبله سواء للكشف او الصيانه و ايضا منتشر فيه عيبين و هما ثلاجه المكيف و باكم الفرامل و اذا نويت خذ سعودي و ابعد عن البانوراما لانها تعلق بعد فتره و لا يتوفر لها قطع غيار بسهولة حتي في الوكالة و ذلك بعد ان سألت في الوكالة بنفسي قبل شراء سيارتي علي جلود المجري للبانوراما و الموظف قال لي غير متوفره و لا توجد اصلا علي السيستم و لا حتي طلبية من امريكا و ايضا سألت عليها خارج الوكاله غير متوفرة يعني لازم توليف
اتمني اكون وفيت و التقييم لموديل 2007-2009 الشكل القديم

بالنسبه للاكسبلورر و المازدا CX9 يجاوبوك الشباب اللي مجربهم
و انت قارن و قرر الانسب لك
و بالتوفيق و مبروك مقدما


up 1 down 0
m_eidarous 68
قبل 5 سنه و 9 شهر



شكرا لكم اخواني واسأل الله العظيم لكم السعادة في الدارين والرزق الوفير
بالنسبه للمازدا مستعمل فهو ليس من خياراتي حاليا مع اني معجب بمواصفاته وشكله.


up 0 down 0
abu_faris 32
قبل 5 سنه و 9 شهر



اللي مجرب الايدج او الاكسبلورر يعطينا رأيه لو سمحتم....


up 0 down 0
abu_faris 32
قبل 5 سنه و 8 شهر



الايدج فيه مشكلة في المراوح ودايم تخرب وثلاجة المكيف اما الاكسبلور القيير دايم يخرب على مستخدميه وهالكلام ما قلته وكتبته الا بعد اطلاع لفتره طووووويله واستبيان مستخدمين السيارتين ما اخفيك اني افكر في احدى السيارتين بس ماتسوى علي ادفه 75 الف وفي الاخير خرابات وعيوب فلذالك صرفت النظر عنها وتقدر تكتب في قوقل / مشكلة قير الاكسبلور / مشكلة فورد ايدج المراوح وتظهر لك النتائج ، بالتوفيق


up 0 down 0
شكلين مابحكي 3160
قبل 5 سنه و 8 شهر



استخير وخذمازدا او باجيرو لا يغرك قطع باجيرو غاليه في مقارنه بتقرير موجود بالمنتدى ما يفرق الا شي بسيط


up 0 down 0
moutesm -53
قبل 5 سنه و 8 شهر