اسرار نظام تعليق الفكتوريا والماركيز

6 0

لايمكنك التصويت حتى الحصول على 20 نقطة على الأقل
إضغط هنا للإخفاء

باسم الحربي 911 66
قبل 11 سنه و 2 شهر

السلام عليكم
حبيت أكتب هالموضوع لان كثير من الناس اللي يتكلمون ويقولون الفورد خفيف ومو راسي والبعض يقول العكس ويقارنونه بسيارات الدفع الامامي من حيث الرساوة في المنعطفات .
أول شي
شركة فورد كان هدفها قديما والى الان راحة راكبين سيارتها وسلامتهم فلو تلاحظون سيارات فود يظرب عليها المثل من حيث الراحة على سبيل مثال الكراون فكتوريا من عام 98 الي 2002 كانت قيادتها في منتهى الراحة لكنه اثر سلبا في ثباتها على السرعات العالية بعد 180 لكن بعد عام 2003 حسنو من نظام التعليق ووضعو أنواع لنظام التعليق اللي الكثير يغفل عنها وما يدري عنها.




أما بالنسبة للرساوة فالفكتوريا لها كثير من انواع اليايات والمساعدات عشان كذا حددو سرعاتها
مثل
1. البوليسي p71 هو أرسى واحد فيهم لأن ياياته أسمك ومساعداته أقسى فيعطي ثبات عالي في المنعطفات وهو أرخص شي في الوكالة فتشووف طبلونه 220 كلم ويمشي زيادة لو كان مبرمج ويتكون من 4 يايات قاسية واربع مساعادت.




2. اللي بعده هو الفكتوريا الرياضي p74 تجي أقل من رساوة من البوليسي ويسمى تعليق رياضي مثل المارودر وهو فل قير ارضي ويتكون من يايات امامية مثل البوليسى ومن الخلف هيدروليك لكن مساعادته اقل من البوليسي واريح بقليل.




3. واللي بعده الاستاندر p72 و p73 يجي أقل من ناحية الرساوة ويتكون من 4 مساعدات و4 يايات وتصنيفه اقل نوعا ما من السبورت.
4. أما الاخير فهو الفل أوبشن قير علاق p74 تكون مساعداته مريحة مرة وياياته الامامية اقل سمك منهم كلهم للراحة وفي الخلف هيدروليك وهو أغلاهم سعر من ناحية المساعدات واليايات الامامية.




وكل هذي تأثر في خفة الطارة فتجد أثقلهم هو البوليسي ثم السبورت ثم الاستاندر ثم الفل قير علاق
حبيت اوظح هذي النقاط للي يبون يعرفون اسرار نظام تعليق الفكتوريا 
لأن المشكلة والوكالة وحدة الجنوط فصار البعض يحسب انها كلها نفس الشي ويغفل عن نظام تعليق كل نوع.




فا اللي يبغى يبرمج سيارته يتأكد من نوعها قبل من ناحية التعليق واذا حب انه يمشي بسرعات عالية يروح ويركب له طقم 4 يايات و4 مساعدات بوليسية اللي هي p71 في الوكالة بس ترا اقل راحة زي ما شرحت




اتمنى انكم استفدتوا

إبلاغ

الردود