هل فحص الكمبيوتر للسيارة يوضح كل شي عنها

طبعا" لا
انا شريت كابرس 8 سلندر التي زد 2006 وفيه مشكلة اهتزاز بلمشي كتب لي الفحص كرسي قير وتم تنزيل 700 ريال من قيمة السيارة وبعد الشراء اتضح ان كرسي القير ماله علاقة المشكلة في كرسيين المكينه وشيال العمود ؟؟؟؟؟؟؟

طيب افضل طريقة لقحص السيارة و جزاكم الله خير

أول شيء لا تفحص بالمعارض ولا تفحص بورشة رشحها لك صاحب السيارة

افحص السيارة بنفسك مبدئياً وإذا شفتها جيدة وسعرها مناسب خذها لمركز متخصص في منطقتك وافحص عنده المحركات والبدي ولا تغتر بالممشى القليل فكثير ممن لا يخافون الله يتلاعبون بالعداد لرفع السعر وكسب رضا المشتري

أنا بعت سيارة كامري 2008 قبل سنتين وقلت للمشتري أن السيارة فيها سمكرة ومعجون خفيف حسب ما قال لي صاحبها الأول وحسب ما طلع لي في الفحص ويوم تقابلنا في المعارض قال لي أبغى أفحصها حتى أكون مطمئن وفي فحص المعارض قالوا السيارة ما فيها سمكرة ولا رش

ماعندهم سالفه انا اتفقت مع واحد يشتري سياراتي ولما فحصوها كتبو الف عله ومنها القير وبصراحه ضاق صدري حسيت موتري قرمبع رحت فحصتها بكمبيوتر عند شلنجر قالوا القير مافيه الا العافيه وشكلتك من عكس الدركسيون وذراع وغيرتها وهم بالغالب يكبرو المواضيع عشان يعني ترا فاهمين وبالغالب يحرصو على فض البيعه اذا ماجاتهم وصايه من اي معرض او معرفه ثم يقول المشتري انهم ممتازين وفنانيين فكوني ومايدري انهم زرفو منه 300 ريال باطل

الكمبيوتر يفحص الأجزاء الكهربائية فقط والمرتبطة بكمبيوتر السيارة اما الميكانيكا والعضلات فهي تعتمد على خبرة فني الفحص

صاد اخوي والكمبيوتر ما يففحص قوة ضغط البساتم   حتى لو السيارة ما فيها شيء  
طلعو خرابات الدنييا وحتى لو القطع فيها نص عمر يقولون خربانه ؟؟

بأختصار ياخوي عبدالله
الميكانيكي الفاهم هو الى يفحص لك السياره صح بالطرق الميكانيكيه
اما الكمبيوتر فهو زبرقه وضحك على الناس
والله المستعان

جزاكم الله خير ما قصرتم يا الاجاويد

جزاكم الله خير ما قصرتم يا الاجاويد