أضف سؤال أو موضوع جديد          

مشكلة فضاوة الدركسون السيارة تلعب بالخط ومشاكل أخرى

up 1 down 2
عبدالله الأمير 125
قبل 9 سنه و 3 شهر



السلام عليكم و رحمة الله و بركاته




صباح - مساء الخير




شباب عندي مشكلة فضاوة بالدركسون لما اطفي السيارة الدركسون يتحرك يمين و يسار 
و كذلك لما امشي بالسيارة و انا ماشي احرك الدركسون يمين و يسار خفيف والسيارة سيدة ما تلف هالفضاوة جننتني بالخطوط امشي 120 و كل شوي اوزن السيارة يمين و يسار




كنها بالضبط جمس قديم و انت بالخط تلاعبه عشان تسيطر عليه ..




طبعا انا عندي تهريب زيت دركسون و رحت لحقين الهيدروليك و قالي تحتاج اصلاح دودة لكن يا شباب الفضاوة عندي من زمان قبل مشكلة الدركسون و إذا سويت إصلاح للدودة تروح الفضاوة و مع العلم اني اشك بالدركسون لا يكون متآكل من داخل بحكم موديلي 99 لإنو فيها احد الاخوان اكتشف المشكلة انها من الدركسون و بدله و راحت الفضاوة




و فيه سؤال ببالي ليش الفورد 98 إلى 2002 ما هو راسي أنا يا شباب ما ابغاه يكون راسي مرة مثل الاودي لكن على الاقل الدكسون يكون ثابت بالخط و انا ماني راعي سرعة حدي 120 و انا عندي فضاوة هي اللي مجننتني فقط و هل الفضاوة لو راحت بيضبط الدركسون و يثقل شيء بسيط للرساوة نفس الياباني وضحوا لي هالنقطة يا اصحاب الفورد 98 غلى 2002 طبعا لما تكون الاذرعة سليمة و السيارة موزونة 








و احتمال كبير ناوي اركب هيدورليك لسيارتي ستاندر عند ورشة بدر عشان الرساوة لإن الوضع لا يطاق




:: :: ::




و المشكلة الثانية بغيت ورشة تربيط السيارة من تحت و كذلك من داخل الديكورات تحتاج تربيط فإذا فيه ورشة تربط السيارة كامل يا ليت تفيدوني بالرياض طبعاً و كم بيكلف التربيط للديكورات و من تحت 




وودي مره وحدة اغير جلد البودي بجلد كابرس 90 مرة وحدة عشان الجلد عندي رايحه فيها
و فيه شباب عندنا ركبوها اخوي اندرتيكر و اخوي إبراهيم 




في انتظاركم




أجمل تحية ,,







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله وانا اخوك السيارة اذا اهتميت فيها بتهتم فيك
افضل انك تجلد الموتر من العفش تحت بقطع اصليه ولاتكلفك الجلد واجد ان طقت من 800 مع ركب ومسامير تووازن
الى 1200 والورشة بياخذ عليك 500 سعر القطع تقريبي يمكن اقل بواجد يمكن ارتفاع بسيط

اما من ناحيه الهدروليك الناس تنحاش منه لمشاكله بالفرود وتركب يايات عاديه
والدوده عندك اذا فيها تهريب غيرها بجديد او مجدد عليه ضمان وريح بالك هذي مشاكل الفورد اما مضخه الزيت
او الدوده وتاكد من الخابور حق العامود حقها مع وزنها بشكل متناسق عشان مايصير لفه جهه اكثر من الاخرى

اذا تبغى ورشه كويسه تربيط فيه باكستاني بصناعيه الخليج حقت الروضه مع ثاني مدخل من عند محلات قطع الغيار
خامس ورشه على اليسار بالمربع الثاني شغله حلو واسعاره مقبوله

وابعد عن ابو يمن


up 2 down 0
علي بن عبدالله 104
قبل 9 سنه و 3 شهر



اذا السيارة فيها كل هالمشاكل

بيعها و اشتر 2003 و فوق و زبط فيها

لأن مهما سويت ما راح تزبط الرساوة في الفورد من 98 الى 2002

بحكم ان الطارة خفيفة و تقلل الرساوة بشكل كبير

و بحكم المساعدات ايضا

ايضا ديكورات 98 الى 2002 معروفة بقرشعتها و تحتاج الى التربيط

اتوقع حلواهذي المشكلة في الموديلات الحديثة




up 0 down 0
مخاوي القايلة 258
قبل 9 سنه و 3 شهر



اخوي علي عبدالله 

مشكور الله يعطيك العافية

بالنسبة لورشة التربيط بغيت اسمها و كانها على كلامك احط قطع الغيار على يدي اليسارة و اول لفة اتركها الثانية ادخل معاها خامس ورشة على يدي اليسار كم يكلف التربيط  وهل هو داخلي و خارجي ولا خارجي من تحت فقط

و بالنسبة لنفظ السيارة ناوي عليها بإذن الله امر الميازين الكبيرة  واعرف وش فيها و انفضها

و الدودة بسوي لها اصلاح افضل و عسى تروح الفضاوة

و مشكور و قواك الله







up 0 down 0
عبدالله الأمير 125
قبل 9 سنه و 3 شهر



مخاوي الليل 

بسألك كلامك هذا عن تجربة لموديلات 2002 و تحت و 2003 و فوق ولا تسمع من الناس

و بالنسبة لموديلات 2003 ودي لكن الشكوى لله ان قدرت ادبر 4000 ألاف ولا 5 الاف بس ما تسوي شيء مع بيعة السيارة

و موديل سيارتي 99 فكتوريا سعودي لو افترضنا بعتها بـ 15000 ألف و زدت 5 الاف يصير 20000 ألف ماتجيب 2003 اللي اعرفه اسعارهم غالية

و مشكور الله يعطيك العافية


up 0 down 0
عبدالله الأمير 125
قبل 9 سنه و 3 شهر



عفوا مخاوي القايلة


up 0 down 0
عبدالله الأمير 125
قبل 9 سنه و 3 شهر



انا جربت موديل 2000

الرساوة ما اعجبتني ابدا ينخاف منه صراحة على السرعات العالية

بالنسبة لرساوة 2003 هذا حسب كلام الناس

ما قد جربت بس حبيت اوصلك الي اسمعه


تحياتي


up 0 down 0
مخاوي القايلة 258
قبل 9 سنه و 3 شهر



ياأخوان أنا باشتري 98 السيارة على الشرط ومافيها مشاكل وموضب مكينته ,,
صاحبه شارطه كامل ماعدا ت تهريب في علبة الدركسون !!
كيف رايكم السعر المشكلة بسيطة يعني اشتري واتوكل على الله ولا عندكم رأي ثاني


up 0 down 0
_hussen_
قبل 8 سنه و شهر



اخوي توكل على الله 

اذا سعره رخيص و الدركسون بسيط جدا حتى لو سويت اصلاح ما يكلفك اكثر من 300 ريال 




up 0 down 0
عبدالله الأمير 125
قبل 8 سنه و شهر



السلام عليكم
ياشباب افيدوني عندي فضاوه في الدركسون للفرد ماركيز وكمان يوجد تهريب في علبه او يقولو لي اصلاح الدركسون لو يعرف لي احد في جده ورشه يده طيبه جزكم الله خير


up 0 down 0
ابووسام ياسر
قبل 2 سنه و 9 شهر



ع فكره موديل السياره 98


up 0 down 0
ابووسام ياسر
قبل 2 سنه و 9 شهر