أضف سؤال أو موضوع جديد          

وش رايكم في اكسبلور موديل 2008 و2007

up 0 down 1
ابو راشد 2014 20
قبل 8 سنه و 2 شهر



السلام عليكم

يااخوان افكر اشتري اكسبلور 2007 او 2008

وش رايكم هل فيها مشاكل وكيف قطع الغيار

هل الموتر عملي

وكيفه يمشي في البر ولالا

ارجوا من مستخدمين السياره الافاده والي ماقد جرب السياره الله يجزاه خير لايتكلم في شي مايعرف عنه ماابي اتوهق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السياره انا قد سقتها وعاجبتني


up 0 down 1
ابو راشد 2014 20
قبل 8 سنه و 2 شهر



دائما القير يخرب خصوصا الامريكي نصيحه لوجه الله والشباب الطيبين بيفيدونك اكثر مني

موفق


up 1 down 0
lio45 74
قبل 8 سنه و 2 شهر



دائما القير يخرب خصوصا الامريكي نصيحه لوجه الله اذا عزمت لاتاخذ الا سعودي
والشباب الطيبين بيفيدونك اكثر مني

موفق


up 0 down 0
lio45 74
قبل 8 سنه و 2 شهر



هل هو يمشي في البر انت وسواقتك  

هل هو عملي نعم عملي وسواقته ممتعه  وقطع متوفره  فورد  

 هل فيه مشاكل نعم واجهتنا مشكله فيه   اخبر احد اصحابي مشى فيه ايام سيول وسياره طفت كهرب منها  اخذها سطحه 

 لن ماء خششش داخل ولعب بقطع كهربائيه وصلحها  وطلعت تمام 



up 0 down 1
سكودر 14927
قبل 8 سنه و 2 شهر



من واقع تجربه لكن للموديل القديم .. 2005 ونازل 

مع العلم اني سمعت انهم حسنوه بشكل كبير عن القديم 

من تجربتي للموديل القديم لفورد اكسبلورر 2004 نظيف جدا ومخزن 

موتر سئ صراحه 

القير فيه طقه فضيعه وقت التبديل من نمره لاخرى .. مثل R الى D او حتى وانت ماشي وتغيرت السرعه اتماتيكيا تسمع طقه 

فرامل سيئه وعزل سيئ ورساوه مافيه وضيق داخليته 

الحسنه الوحيده له انه بالبر زي الريشه ماشاء الله 

تلقى جنبك فكسار فاقع ام المكينه ويالله يالله يمشي والاكسبلورر يمشي بالراحه وبدون دبل بشرط تكون منسم له 

بالبر خفيف جدا 

بالسفر والمدينه مش مضبوط بس الجديد مثل ماقلت وحسب ماسمعت انهم سوو له تحسينات عن الموديلات القديمه

موفق


up 0 down 0
max_9ms 2356
قبل 8 سنه و 2 شهر



انحش والسلامة ورح اسأل الورش عنه وبعيدا احكم خلك عنك الاراء المهبولة واللي ما تفهم في السيارة ماهمها غير المركب بس وبعضهم يسمع وينقل حكي رح للورش وشوف غثاها نصيحة لوجه الله ابعد عن الاكسبلور


up 0 down 0
أبو عوض 2012 227
قبل 8 سنه و 2 شهر



اخوي انا بكللمك عن الاكسبلور 2006 ( 2006 - 2007 -2008 -2009 -2010 ) كلها نفس الشكل .

بس انا بكلمك عن 2006 ( وارد امريكا )السياره حمدالله صارلها معي سنتين والحمدالله زي الحلاوة بس فيها عيب بس مهو مهم 

الي هو المروحه احيانا لما تمشي فجاءه تحس العزم ثقل وتسمع للمروحه صوت عالي زي اووووووووو بس احيانا يطلع وساعات تمر  

اسابيع ما يطلع وعلى بالي انه عيب لما وديته الوكاله قالو في فس حساس جنب المروحه هو الي يخليها تشتغل زي كذا وقالوا ما منه خوف 

وحمدالله السياره غير كذا خدومه وفي الخط راسيه لاكن احيانا لا جاء هوا قوي تحسه مو راسي شوي .

انصحك اخوي بالسياره مشالله ما عليها كلام (  بالنسبه لي انا  ) وانشالله بقيه الاخوان يفيدونك .

تقبل مروري .



up 0 down 2
abo tawfiq 372
قبل 8 سنه و 2 شهر



عندي واحد 2008 فل اوبشن وارد دبي له معي سنتين
سيارة جيدة جدا مرتاح فيها جدا
الاحظ انها قاسية جدا عالحفر والمطبات ولايوجد عيار لزيت الجيربوكس تكشف عليه وتغيره في الوكالة او الورش المختصة
عدا كذا عاجبني جدا


up 0 down 0
ابو فراس ٣ 36
قبل 8 سنه و 2 شهر



أخوي أنا بأنقل الكلام عن زملائي إثنين معهم إكسبلورر:
ماشكوا منها نهائيا ومع العلم شافروا فيها من الرياض للأردن , أما القير فعلا إذا ماإنتبهت للسيارة ممكن يظرب معك بسبب المبرد يخلط زيت مع ماء , لكن إذا كنت من النوع إلي يشيك على السيارة كل يومين رح تلاظ لون الماء تغيير في حال خلط موية وزيت لا سمح الله أو أول ماتاخذ السيارة شيك على المبرد,وعموما السيارات العالية الرساوة أقل من السيارات المنخفضة أما البر ما أقدر أفيدك . * المهم السيارة لازم تكون فحص وأتمنالك التوفيق.



up 0 down 0
bddh 2
قبل 8 سنه و 2 شهر



من واقع تجربه بر وسفر وديره عزالله انه موتر والحمدلله انا معي 2008 6سلندر سعودي والموتر جدا مريح ومثل ماقالو الشباب 
بالبر نسم كفراته 15 وحطه بنمره 2 وصدقني تتمشى وتطلع اللي تبي ... 

واتمنى اكون افدتك وشكرا .... 
تقبل مروري


up 0 down 0
خالد سليمان ابو نوره
قبل 6 سنه و 2 شهر



كانت عندي رغبه عارمه


up 0 down 0
الوهبي عيد
قبل 5 سنه و 3 شهر



معي 2006 ولا انصح به اطلاقا. صدق من سماه صديق الورش


up 0 down 0
ostad 167
قبل 2 سنه



سيارة ماتنفع في البر ابدا لا انصح بها خارج الطريق الاسفلت وعزمها ضعيف والله اسهل من تغريزتها مافيه ومالها عزم ولاتطلع من التغريزه


up 0 down 0
غرك زمانك 98794
قبل سنه و 9 شهر