الاهتمام بالسيارة

6 1

لايمكنك التصويت حتى الحصول على 20 نقطة على الأقل
إضغط هنا للإخفاء

سليمان ثابت 486
قبل 11 سنه و 3 شهر

السلام عليكم ورحمة الله وبركاته 
الموضوع يا اخوان الله يحفظكم 
قلة اهتمام البعض بالسيارة تلقاه البعض ما يدري حاجة اسمه تشييك يدق سلف ويمشي 
ناس اعرفهم بالدوام موديلات سياراتهم جديدة والله تشوفها تقول الله المستعان لا من نظافة داخلية السيارة
 ولامن نظافة مكينة سيارة جديدة وتلقى دخانها وراها 
لو تلاحظون بعض الشيبان ( الله يطول بعمر شيبانا وشيبانكم ) سياراتهم سواء قديمة أو جديدة تلقى مهتم فيها 
من كل النواحي تشييك على الزيوت والماي والكهرب ونظافة السيارة من داخل وبرا 
والمعروف ان الواحد لا بغى يمدح نظافة السيارة يقول ترا سواقة شياب 

اما بالنسبة للتشيك ما في شيء اسمه مو فاضي الدعوة انت لازم تحسب حسابك ان السيارة هي راس المال 
يعني لا خربت السيارة ولو خراب بسيط انت الي راح تتعطل 

انا عندي سيارة فورد اكسبديشن 97 اشيك عليه بشكل دوري-  ماي زيت ماكينة - زيت قير - اشيك عليه من تحت 
فيه تهريب ولا لا - ماي المساحات - زيت البور 
والدعوة ما تاخذ ولا حتى 3 دقايق مجرد تشييك 
والحمد لك يا رب ما اكذب واقول ان ما صادفتني مشاكل بالعكس اكثر مشاكلها كان بالحرارة لكن بالمتابعة
والصيانة المشكلة راحت 
بالنسبة لتغيير الزيوت انا عن نفسي اغيرزيت الماكينة كل 5000كم وزيت القير
 ما بين 30الف الى 25 الف وحسب الميزانية وبالنسبة لماي الراديتر المفروض من يتغير لون الماي او تشوفه
لون احمر مصدي تسوي له  تسييخ وتنظيف وماي اصلي ومع ماي مقطر وامورك طيبة 

بشكل عام تشييك السيارة ما راح يكلفك الكثير من وقتك وراح يوفر لك فلوسك 

الله يستر عليكم ويحفظكم من كل سوء

إبلاغ

الردود