أضف سؤال أو موضوع جديد          

الاهتمام بالسيارة

up 6 down 1
سليمان ثابت 486
قبل 8 سنه و 3 شهر



السلام عليكم ورحمة الله وبركاته 
الموضوع يا اخوان الله يحفظكم 
قلة اهتمام البعض بالسيارة تلقاه البعض ما يدري حاجة اسمه تشييك يدق سلف ويمشي 
ناس اعرفهم بالدوام موديلات سياراتهم جديدة والله تشوفها تقول الله المستعان لا من نظافة داخلية السيارة
 ولامن نظافة مكينة سيارة جديدة وتلقى دخانها وراها 
لو تلاحظون بعض الشيبان ( الله يطول بعمر شيبانا وشيبانكم ) سياراتهم سواء قديمة أو جديدة تلقى مهتم فيها 
من كل النواحي تشييك على الزيوت والماي والكهرب ونظافة السيارة من داخل وبرا 
والمعروف ان الواحد لا بغى يمدح نظافة السيارة يقول ترا سواقة شياب 

اما بالنسبة للتشيك ما في شيء اسمه مو فاضي الدعوة انت لازم تحسب حسابك ان السيارة هي راس المال 
يعني لا خربت السيارة ولو خراب بسيط انت الي راح تتعطل 

انا عندي سيارة فورد اكسبديشن 97 اشيك عليه بشكل دوري-  ماي زيت ماكينة - زيت قير - اشيك عليه من تحت 
فيه تهريب ولا لا - ماي المساحات - زيت البور 
والدعوة ما تاخذ ولا حتى 3 دقايق مجرد تشييك 
والحمد لك يا رب ما اكذب واقول ان ما صادفتني مشاكل بالعكس اكثر مشاكلها كان بالحرارة لكن بالمتابعة
والصيانة المشكلة راحت 
بالنسبة لتغيير الزيوت انا عن نفسي اغيرزيت الماكينة كل 5000كم وزيت القير
 ما بين 30الف الى 25 الف وحسب الميزانية وبالنسبة لماي الراديتر المفروض من يتغير لون الماي او تشوفه
لون احمر مصدي تسوي له  تسييخ وتنظيف وماي اصلي ومع ماي مقطر وامورك طيبة 

بشكل عام تشييك السيارة ما راح يكلفك الكثير من وقتك وراح يوفر لك فلوسك 

الله يستر عليكم ويحفظكم من كل سوء







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تدري له ما يهتم اكثر الشباب بسيارته .. >> لان فاقد الشي لا يعطية

الحبيب تعلم يسوق فقــــــط .. اش تنتظر منه غير انه يكون حق طارة فقـــــط

الله يهدينا لو كل واحد فهم وتعرف ع اجزاء السيارة كان التشيــــــــــك ع السيارة حيكون جزء من حياة ...


up 1 down 1
aziz..747.. 2421
قبل 8 سنه و 3 شهر



اخوي سليمان  احسنت فعلا لو الواحد يشيك ع سيارته بأستمرار ويهتم فيها صدقني تعيش معاه حد ماشاء الله ولا تشكي من شي 
انا عن نفسي معروف بين الزملاء بالمحافظه ع السياره 
شكرا لك . 


up 2 down 1
الـقـنـاص 1210
قبل 8 سنه و 3 شهر



بشكل اسبوعي اشيك على ضغط الهواء بالكفرات والرديتر واعاير الزيت مع ان السيارة جديدة ولله الحمد
بس احتياط ما تضمن يمكن يحصلها اي شي 


up 1 down 1
ابو نواف الامير 130
قبل 8 سنه و 3 شهر



ضدقت اخويا عزيز ولا يهونو الحبايب

رحمة الله على الوالد لمن علمنا السواقة اتعلمنا على اصولها
يجب على كل سواق يكون متعلم السواقة بالاضافة الى شوية معلومات ميكانيكية وكهربائية حتى يعرف
يصلج سيارته لو طعلت في الخلاا

في شباب للاسف حتى البنشر مايعرفه !!!!!
في شباب اشتراك مايعرفوه

اغلب الشباب الان دق سلف وامش


up 0 down 0
العمدة 1434 1189
قبل 8 سنه و 3 شهر



حتى امر النظافة للسيارة مثل ما تفضل الاخ سليمان
مايفتكر السيارة الا لمن تكون عنده مناسبة
والا طول الايام مهملة واذا رأيتها حسبتها تشليح


up 0 down 0
العمدة 1434 1189
قبل 8 سنه و 3 شهر



انا معي فكتوريا موديل 2000 اخذتها من الوالد قبل 4 سنوات .. وﻻ شيكت عليها حتى اغير زيت بمزاجي لما افتكر وﻻ عمري عبيت اللديتر ودايما مطنش ... بس اللحين جنيت ثمر اﻻهمل بشهر واحد غيرت ثﻻجة ومروحة كلفتني اكثر من 2000 ريال قطع فقط وحوالي 400 شغل يد ... وربي يستر بس


up 1 down 0
professional-9 126
قبل 8 سنه و 3 شهر