قصتي في استرجاع سيارتي المسروقة

14 7

لايمكنك التصويت حتى الحصول على 20 نقطة على الأقل
إضغط هنا للإخفاء

تيوتا2004 28
قبل 11 سنه و 3 شهر

السلام عليكم ورحمة الله وبركاتة ...........................و
ياجماعة الخير في 14رمضان في عصابة هددو الوالد  بالسلاح  وسرقو سيارته  عليه وهي فورد f-250 وقعدنا ندور عليها وعملنا بلاغ في الشرطة ولا من دري ولا من شاف المهم  الوالد كانت حالتو النفسية مرة سيئة لأنو  السيارة دفع فيها دم قلبو وكانت مالها 8شهور وكان مديلها 2011 المهم صادف في يوم 16 دق واحد على الوالد وقلو إذا كنت تبي السيارة ادفع مبلغ 30000 ألف ريال  فالوالد قلو أنا ماعدي هذا المبلغ قلو خلاص إذا ماندفع هذا المبلغ خلال 5 أيام بحرق السيارة وأرسلك صورها عشان تكون عبرة المهم الوالد كان مرة تعبان والسكر والظغط مرتفع معاه وكان يكره الدين المهم يوم 18 رمضان جارنا أعطا أبوي  المبلغ كامل لاكن أبوي باقوة رضي ياخذو في نفس اليوم العصابة أتصلو وطلبو من الوالد التعجيل في الدفع وكان الوالد وقتها في حالة  مرة سيئة وكان خايف أنهم ينصبو عليه ومايرجعو السيارة وطلبو يكون مكان التسليم في جدة في منطقة الحمراء وكان الوالد يحاول معاهم أنهم يمددو المدة وبالقوة رضيو يكون في يوم 24 رمضان وفي يوم 21كنت أنا وأبوي في هايبر بندة و بالصدفة عند الكاشير قابلنا مالك السيارة السابق وسلمنا عليع كان اسمو عثمان شكور من الصومال فسأل أبوي كيف السيارة معاك وإنشاء الله مافيها خربات أبوي رد عليه بقهر للأسف السيارة أنسرقة من كم يوم فقلو عثمان لاتشيل هم لعلو خير وكان يواسي أبوي في المصيبة ويحاول يذكر بالله 
المهم ونحنا خارجين من المحل عثمان قال لأبوي أنا نسيت أقلك وقت بيع السيارة أنو السيارة  فيها جهاز تعقب أبوي ماصدق خبر قام يقلو بالله عليك و كيف الطريقة قلو عثمان اسمع تعال عندي البيت وأنت مايهمك رحنا عندو تقريبا الساعة 12 ونص الليل وقعد عثمان على اللابتوب تقريبا ساعة كاملة إلين ماحدد الموقع والله في ذيك اللحضة كانت أعصابي وأعصاب أبوي جدا متشنجة وقمنا كلنا أنا وعثمان وأبوي ورحنا لمكان أنطلق إشارة جهاز التتبع وأول ماوصلنا  لمكان الإشارة كانت الإشارة مشيرة إلى الحوش وكان لزم نتأكد المهم أنا قلت لازم اتأكد من الحوش طبعنا تسلقت الحوش في الليل وأول ماوصلت لفوق السور لقيت السيارة واقفة طبعا أنا تفاجئت وكنت في قمت الفرحة فنزلت وكلمت أبوي وطبعا كلمنا الشرطة وطبعا وبعد طول أنتضار جأت الدورية وقنالهم القصة كلها 
راعي الدورية قلنا أنا مأقدر أسوي مداهما من غير موافقة من المحكمة وهذي الشغلة تحتاج بالقليل 7 أيام طبعا في السبعة الأيام هذي بتنتهي المدة المحددة لدفع المبلغ فأبوي قل لصاحب الداورة خلاص أنا بروح المحكمة وبسويها وراحت الدورية وسبحان الله أول مارحت الدورية بخمس دقايق أنفتح باب الحوش وكانت المفاجأة أنو سيارتنا نزلت طبعا تبعنا السيارة إلين ما وقفت عند محطة وكان السارق يعبيها بنزين وهو نزل البقالة لاكن أسف شال المفتاح السيارة عثمان قلنا مافي إلا أننا نمسك السارق في المحطة وناخذ منو المفتاح السيارة أبوي وافق بالفكرة على طول
ونزلنا من السيارة كلنا الثلاثة وأستنينا السارق إلين مانزل من البقالة وأول مانزل مسكناه وأخذنا منو المفتاح وجبنا الشرطة والشرطة قالو لازم نشيل السيارة قسم البصمات ونتأكد من البصمات السارق وفي نفس اليوم الشرطة داهمت الحوش تخيلو كم سيارة مسروقة 8 سيارات من ضمنهم رولز رويس وجيب لكزز أقلك والله ياجماعة الخير مارجعنا أنا وأبوي وعثمان البيت إلا الساعة 11 الصبح ماحسينا بل والوقت وهو بيمشي بسرعة والحمدلله في  اليوم الثاني الشرطة رجعولنا السيارة والله كانت الفرحة لا توصف  




وأنا أنصحكم تحطو هذا الجهاز نصيحة لوجه الله                                                                                                                أخوكم أحمد القجطاني 

إبلاغ

الردود