أضف سؤال أو موضوع جديد          

قرض زواج وسياره ايجار منتهي بالتمليك وايجار شقه

up 7 down 1
ahmad alotaibi 311
قبل 10 سنه و 3 شهر



السلام عليكم ورحمة الله وبركاته
كلنا نتفق ان الراتب مايكفي الحاجه بس عاد الشكوى لله لابد نكيف حياتنا على حسب دخلنا الشهري مثلا الواحد اول مايتوظف ليش بيسوي كل شي بوقت واحد يبي يتزوج وسياره جديده يعني قرض وقسط ايجار منتهي بالتمليك ومبلغ شهري تطلعه للايجار وش بقي من راتبك ؟ اشوف افضل استراتيجيه انك بعد ماتتوظف تبدأ بمشروع السياره وتاخذ قرض على اقصر فتره زمنيه ممكنه من سنتين لثلاث ويطلع لك مبلغ طيب على حسب ثلث راتبك وتشري السياره وبعد ماتخلص منها وانت عزابي لازم تتبع طريقة ادخار يعني قسط البنك 2000 حط عليه الف وطلعها غصبا عنك بحساب ثاني كأنها مع القسط بعد ثلاث سنوات بتكون ملكت السياره وتعتبر جديده ومعك مبلغ 36 الف ريال والخطوه الثانيه الان الزواج والزواج قالوه كثير سبحان الله يتيسر مع انك لا بد تخطط للموضوع الزواج اذا راتبك اقل من الـ 8000 بنك التسليف يعطيك 45 الف من غير فوائد والـ 45 على الـ 36 اللي جمعتها خلال اقساطك للسياره طلعت 81 الف مبلغ طيب
وقتها ماراح يروح من راتبك الا قسط التسليف اللي هو 750 ريال فقط الشقه والتأثيثه يكون بعد الملكه تبدا تحط في الشقه من راتب كل شهر مبلغ والله يرزق الجميع ونلاحظ بعد كل هالاحتياطات والخطط لازلت مظطر تاخذ قرض حتى لو من بنك التسليف !!







إبلاغ إبلاغ



الردود


صادق اخوي وبعضهم  داج ما في دبرة تحصله  موظف حكومي 10 سنة ووو15 سنة  وما عنده اي  مبلغ بحسابه غير الراتب
وبعضهم بيني وبينك داج  اذكر واحد من اصحابي ابوة خدم 34 سنة عسكرية والله ماحط حتى بيت للعياله مع انه ساكن بمنطقة
نائية  والاراضي  رخيصة حححيل كانت بس ؟؟ ذبائح وانحط قالك ويسلف  وخله ينفعه الحين 


up 3 down 0
صوت العزاوي 523
قبل 10 سنه و 3 شهر



والله  يارجال الواحد لزم يضمن نفسه الحين شباب الي توهم ماخذين قروض وموظفين  لايفكر يشتري سياره جديده على طول ويتكشخ فيها 

 اقل شي اشتري لك ارض وخلها  لك  والله يرزقنا والله انه صدق الراتب مايكفي الحاجه والله حنا مانشكي الى لرب عالمين 

 انه يرزقنا يارب  


up 2 down 1
سكودر 14929
قبل 10 سنه و 3 شهر



العسكر عاد هم المظلومين لان راتبه كله بدلات واذا ماضبط وضعه قبل التقاعد فأعرف انه بيصحى الا وثلاث ارباع راتبه طارت بعد ماتقاعد وين بيضبط نفسه مثل واحد في اسكان الحرس واموره اوكي وبعد التقاعد قعر بها عطوه سنه ويطلع وللحين بلشان لا بيت ولا غيره والراتب بينخفس والله الحياه كلها تخطيط وترتيبات بسيطه تحميك بعد الله من الحاجه ومد يدك للغريب


up 0 down 0
ahmad alotaibi 311
قبل 10 سنه و 3 شهر



سكودر وانا اخوك انا تخطيطي سياره زواج واستر نفسي لان بعد ماابي اتزوج والسياره كل يوم بورشه !! وتشارك عيالي في مصروفهم هي استراتيجيه معينه وحبيت اطرحها للفايد والله لا هينكم ومشكورين على المرور


up 0 down 0
ahmad alotaibi 311
قبل 10 سنه و 3 شهر



بالمختصر دبرت ولا مادبرت
انا اقول اللي يسلم من قروض البنوك يتبارك راتبه
شكراً


up 2 down 0
الشيخ فواد 300
قبل 10 سنه و 3 شهر



الشيخ فوأد اي والله صدقت بس بعد مانلوم اللي يحتد عليهم هالبنوك لا بارك الله فيهم


up 0 down 1
ahmad alotaibi 311
قبل 10 سنه و 3 شهر



طريقتك اخوي احمد ممتازة وان شاء الله يستفيد منها الشباب
الحمدلله معاي سيارة جديدة ما بقى الا الزواج والله يكتب مافيه الخير


up 1 down 1
ابو نواف الامير 130
قبل 10 سنه و 3 شهر



فكرتك يا احمد حلوه لاكن مو مع الكل البعض يتحمل مصاريف اهله وما عنده فرصه يجمع او يتزوج فكرتك تمشي مع العزوبي الي ما يصرف الا على نفسه وبرضو يتحمل ويصبر هالوقت كل شي جديد وكل شي يبهر الناس والكل وده بالزين صدقني الواحد ما يقدر يصبر سنه يهوه عليه يقسط ويتمرمط ولا يجمع جمع الفلوووووس صعب الا على البخيل .


حتى الواحد لازم ياخذ قرض عشان يتزوج 


up 0 down 0
محمد عبداللطيف 2
قبل 10 سنه و 3 شهر



تبي الصراحة حنا شعب تعودنا ع هالموال 
بس الله يعين 


up 1 down 0
almahdi0508 87
قبل 10 سنه و 3 شهر



سبحان الله وبحمده .. سبحان الله العظيم 

سبحانك اللهم لا إله إلا انت إني كنت من الظلمين 

أستغفر الله .. أستغفر الله .. أستغفر الله 


up 1 down 0
mobily_1 1
قبل 10 سنه و 3 شهر