أضف سؤال أو موضوع جديد          

يااخوان عندي موضوعين

up 6 down 2
سكودر 14927
قبل 8 سنه و 3 شهر



 السلام عليكم ,,.. 

 يااخوان انا عندي موضوعين   الموضوع الاول وش رايكم في سياره فورد مونيو 2008 صناعه اروبيه وامريكيه من ناحيه قطع غيار وكرف والاستخدام يومي وسفر 


 الموضوع الثاني  يااخوان تعرفون العيد  ناس تطلع  وتغير جوو انا كنت على شارع التحليه بالرياض ثاني العيد 

 اشوف سياره مرسيدس بانوراما 2010 يدرفت   ويحرق سياره حرق  قلنا خلنا نشوفه

 المهم  ولد عمي قال خلنا نتحرش فيه ومعنا كمارو 2011 انا قلت يمكن امير ماحنا فاضين ههههههه  المهم طلع اخونا بالله شغال في ورشه بالصناعيه القديمه بالرياض 

 المهم حدينها وقلنا  حرام عليك تكرف سياره كرف قام  يصرف موضوع   المهم طنشها  الى اخوان بالله  درفت  عند الاشاره وصوره ساهر وطلع عليه راعي ددسن وتصادم هو وددسن 

 المهم طلع السواق راعي مرسيدس صاحب ورشه وقام يمسك راسه ويلعن في باكستاني راعي ددسن  استغفر الله انا ماابي اتشمت عليه 

 بس والله انقهرت قلت تخيل هذي سيارتي وحاطها  عندهم بورشه سياره قيمتها 300 الف احطها بورشه ويجي واحد زي هذا ويدرفت عليها وصدمه فيها  وفيه واحد ثاني نفس قصه بس سياره بورش باناميرا

 فا  اقول انتبهووو على سياراتكم  من اصحاب ورش ذولي  الله يكفينا وياكم من كل شي 

 وانشاء الله قصه وموضوع واضح   ومختصر 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا موتري كامري 2003 واذا وديته ورشه ولا مغسله اقعد ع راس العامل خايف ع موتري لا يجيه شيء

واعرف واحد معه موتر فخم قيمته فوق 100 الف لو يبي يغسله عطى المفتاح العامل وييقول اذا خلصت دق علي واخونا اللي فوق معه بنوراما ومخليها بالورشه

لو انه انا حرام لاجيب فراشي وانام بالسياره


up 4 down 0
المشيعلي 454 3368
قبل 8 سنه و 3 شهر



والله صدقت يا اخوي مشيعلي والله في ناس ماهي فاضيه  مره رحت اغسل سياره الى هندي راح يقدم سياره واحد حاطها عندهم وسياره قير عادي وبنقالي قطع يعشق سياره واحرق كلتش يعشقها بدون كلتش وتطفي سياره وحرق  كلتش حرق ويضحطون  مع بعض 

  والله انهم مصيبه ولا همهم سياارت ناس 


up 1 down 0
سكودر 14927
قبل 8 سنه و 3 شهر



اما قصة.. وانا تأثرت تسلم ع التنبية فعلا موجودة هذي الحركة ، الحرص مطلوب
حبيبي بشكل عام.. سيارات فورد نوعاً اثبتة نفسها بكل وضوح ولكن الافضل >> فيهم الي لها خط انتاج مستمر مو 5 سنين وتتغير ع كيفهم تاخــــــــذ سيارة تلاقيها انقرضت بعد فتــــــرة ..
بالتوفيق الجنسية للســــــــواق انتفها تكفى


up 0 down 0
aziz..747.. 2421
قبل 8 سنه و 3 شهر



ههههههههه اعرف واحد شراء لكزس LS 400 98 اول يوم نام فيها هههههه (طبعن مستعمل) نفسي اعرف وش يفكر 
فيه الي يجي ورمي مفتاح سيارته عند المغسلة المشكلة سياراتهم غالية اوغلبهم جيب لاند ... ليه كذا؟؟؟


up 0 down 0
gmcbigblock 620
قبل 8 سنه و 3 شهر



كيف عرفت انه صاحب ورشة 

ثانية العيد .... الورش والوكالات ... واغلب المحلات مقفلة 


فلم هندي مزبوط 


up 4 down 11
راااضي 2520
قبل 8 سنه و 3 شهر



هلا راضي   اخبارك  تمام  كيف عرفت ابشر راح ارد عليك   

 عرفت بعد صدمه  ناس وقوفو وساله باكستاني معك تامين قال هذي حقت زبون للورشه وطالع اجربها  

 واضنه اتصل عليه وماله الى يقول كذا وزين انه مامن على رخصه   ولا راح في خرايطها  

 اتمنى انك جاوبتك بوضوح  وشكرا 


up 6 down 2
سكودر 14927
قبل 8 سنه و 3 شهر



gmcbigblock ممكن تصنفه من >>> الجهل المقـــصود بأمـــــــــور كثيرة بسلوك المجتمع .
يعني مـــــــا يعرف انه غلط والا الطناخة الغبية تخليه دلخ ..


up 0 down 1
aziz..747.. 2421
قبل 8 سنه و 3 شهر



حسبي الله ونعم الوكيل عليه والله لو انا راعي السياره والله لادفعه ثمن الصدمه ريال ريال 

و بشتكي عليه عشان يحرم يسوق بهذي الطريقه بسيارات الناس !!!!!!!!!!!


up 0 down 0
abo3tb 511 1737
قبل 8 سنه و 3 شهر



الله يكون في عووون راعي السياره خسرت سيارته عشان يرتاح ساعه او يوووم ومايتابع سيارته ويروح ويرجع ع الورشه 
وشكرررا ع طرح موضوعك ياغالي


up 0 down 0
وليد القليصي -57
قبل 8 سنه و 3 شهر



سكودر    

عاش من شافك ياغالي وكل عام وانت بخيير   واطلاله جميله

شكرا ً على تنبيهك  وحرصك

من نايحة المنديو   اشوف اسعارها طايحه حييل  وكنت افكر قبل فتره اخذها لأخوي


up 2 down 1
شكلين مابحكي 3159
قبل 8 سنه و 3 شهر



المونديو خدومة وفيها مواصفات افضل من السيارات من فئتها بس عيبها قطع غيارها ما تحصلحها الا عند الوكيل 


up 3 down 0
أستشاري الحب 6468
قبل 8 سنه و 3 شهر



يعطيكم العافيه ياشباب على تفاعلكم  ومشكورين   

 اخوي شكلين مابحكي تسلم ياغالي والله يسلمك من كل شر وكل عام وانت بخير   


up 0 down 0
سكودر 14927
قبل 8 سنه و 3 شهر



مشكور ع التنبيه يالغالي ولا هنت 

وبالنسبه للي طالع يجرب السيارة حقت الزبون هذا اقل ما يقال عنه سفيه ولا عنده اي ذرة من الرجوله لان اللي سواه غلط ولازم يتعاقب عليه 

تخيل انه مدرفت بالماركيز حقي ؟؟؟ والله لاعلقه في الاشاره 

بالتوفيق


up 0 down 0
camry grandi 99 7274
قبل 8 سنه و 3 شهر



مشكور علا التنبيه


up 0 down 0
عاشق جنونك 142
قبل 8 سنه و 3 شهر