أضف سؤال أو موضوع جديد          

بتودي سيارتك الورشه ؟ نصيحه تعال وخذ حذرك

up 19 down 8
شكلين مابحكي 3160
قبل 5 سنه و 11 شهر



السلام عليكم ورمة الله وبركاته ،،، شلونكم تمام ؟ مابي اطول عليكم كلنا احياناً نحتاج لزيارة الورشه لصيانة السياره او لخلل ما فيها فنصيحه لا تخلي سيارتك عندهم مهما كانت سمعة الورشه احياناً تكون الورشة زحمة ويقولكخلها وبشيك عليها بكره او في الليل قول له لا خلاص بشي لأني مستعجل لأنهم والله والله اغلبهم ياخذون القطع من سيارتك ويركبون لك او يقولك انا صلحت فيها كذا وكذا وكذا وهو اساساً لقى سلك مفصول وشبكه فقط اغلبهم يقولك الدينمو خربان جييب جديد هو اساساً يتوضب وتجيب واحدجديد وهو ياخذ حقك ويوضبه ب 50 ويبيعه على غيرك احرص انك تجلس فوق راسه وماتتردد بالسؤال مهمها كان في كل شي يسويه بالسياره ،،،،، احرص انك تتفق انت وياه بالسعر قبل لا يحط ايييده بالسياره اذا قالك ماعليك مانختلف ومن هالكلام هيك وماهيك قول له مافي مشكله بس كم ممكن تكلف عشان اعرف ميزانيتي يأ اخوان نصيحه نصيحه لا تخلي سيارتك بالورشه اذا كانت صيانتها سهله لأني والله اكتشفت ورش ياخذون قطع من سيارات الناس ويلفقون لهم قطع رايحه فيها وبالتوفيق ن شالله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


او حتى لما تغير اي قطعة خذ القطعة القديمة


up 3 down 0
بدر الغامدي 88083 4055
قبل 5 سنه و 11 شهر



انا ماعمري تركت عندهم قطعه لاصالح ولا عطلانه .. أضمن لك خذها وارمها لوتبي بالزباله ولا بعها تشليح


up 4 down 1
aazz1989 -19
قبل 5 سنه و 11 شهر



موضوع مهم وضروري جدا جدا وفعلا ما عاد فيه ذمة وامانه الواحد منهم يبيع ذمته وامانته علشان حفنه دراهم ....... وحصلت هالسالفه للواحد من ربعي كان عندة فورد 98 ووداه ورشه علشان يعمل له صيانه قطع استهلاكيه وتنضيف بخاخات وفعلا قال له الفني الى بالورشه خلي السيارة وروح وتعال بكرة شيلها وكل شي جاهز وبالفعل حطها عندهم وراح وثاني يوم ارجع استلم السيارة وبعد يومين صار عنده مشكله فى القير وراح لورشه ثانيه علشان يكشف على القير ويوم رفع الموتر على الرافعه شاف ان القير متغير ولاهو قير موتره الى يعرفه كيف عرف ؟؟؟ عرف ان القير متغير لانه قبل فتره طويله دخل بموتره فى وادى مليان بالضخور وحك بطن السياره فى صخر وبعد ما طلع شيك على السياره علشان يشوف اثار الحكه طلعت بالقير مضروب وفيه ضربه او حكه واضحه من اثار الصخرة الى حك فيها بس وضعه سليم بس صار فيه علامه واضحه ومن هنا عرف صاحبنا ان القير متغير ومشيول كامل لانه يعرف قيره بالحكه او الضربه الى تعرض لها بالسابق وحطو له قير تعبان راح لهم وتهاوش معهم وقدم فيهم بلاغ من الشرطه وسبحان الله حصل قير موتره محطوط بالمستودع وعليه نفس الحكه والضربه بعد التفتيش من قبل الشرطه واعترف المهندس بالهرجه كلها وحولهم للمحكمه وانسجن شهرين وطلع ورجع لنفس ورشته والزبده الحذر ثم الحذر ولانتباه ياخي خليك عند سيارتك لين يخلص الشغله او اذا كانت الشغله مطوله ماراح تخسر شى اذا جيت كل يوم مره او مرتين شيكت على سير العمل ومن حقك تسال عن كل صغيرة فى سيارتك انت دافع دراهم مو مسوى لك الشغله بلاش ... وعذرا على الاطاله ولكم تحياتي ..... :)


up 17 down 0
سيف الهاجوس 912
قبل 5 سنه و 11 شهر



^^^^ هذا اللي نتكلم عنه ياصديقي ،،، تم التقييم


up 4 down 3
شكلين مابحكي 3160
قبل 5 سنه و 11 شهر



يوم القيامة يوم الحساب


up 3 down 1
الشيخ فواد 301
قبل 5 سنه و 11 شهر



انا اوافقك الرأي تماماً من سابق التجربة واوافق كل كلمة قلتها وازيد اذا كنت جايب قطعة جديدة احذر تعطيهم الفاتورة لأنهم راح يرجعونها لمحل القطع ويسترجعون فلوسها فخلك حذر بتعاملك مع الورشات.


up 1 down 0
ابوعبدالله الغنامي 1
قبل 5 سنه و 11 شهر



صناعية أم الحمام الساعة 10 و عليها رحت بأخذ فحمات للموتر شوف عيني كرايسلر عند البوابة اللي مقابلة لجامع الملك خالد 
الزبدة كرايسلر و ايسوزو كانوا بيدخلون سوا حكوا في بعض قلت بس راحت على سواق الايسوزو أحتري اللي معه الكرايسلر ينزل 
استغربت ما نزل يدق الرويس ثم يمشي و يجي لين جاء وجهية موتره بموتري أنا ارتفع ضغطي لأنه خلاص بيحك بموتري بعد قلت 
خربانه خربانه يصدم بالايسوزو ثم بيحك فيني بمردغه لين يعض الأرض ثم جاء له مجال و أشوى مر من جنبي و يسلم بكل برود 
أناظره أثره أبو يمن مأخذ السيارة يجربها و الله حتى ما كلف ينزل يشوف وش جاء الموتر دريت أن الطاسة ضايعة ولا حسيب ولا رقيب
حتى سواق الايسوزو هندي ما نزل يشوف موتر الشركة جاه شيء ولا !
بس يالله يستاهل صاحب الكرايسلر المفروض سيارة قطع غيارها غالية ما يتركها مع عمالة سائبة بالمدة اللي حطها عندهم 
يمدي أي عامل منهم يسرقه و يشلحه و يجحد أم أمه ولا يوديه عند ناس متخصصين بالتشليح و يأخذ قسمه وعلى ديرته 
للدرجة هذي غباء بعدها رجعت البيت و ركبتها لحالي أبرك من شغلهم العفن ترى أي ورشة دائم يكون معهم واحد أو اثنين يهاوشونه 
و يتكلمون عليه و يعلمونه لين يبدأ يشتغل معهم يعني يمكن يتعلم على سيارتك و أنت تظن أنه يفهم !


لي عتب على بعض الاخوان اللي يروح للورشه من شان تغيير بواجي اوقطعه تتركب بكل سهوله
ويمكن اي احد يركبها.  

انا مره ضعف عندي دفع هواء المكيف ورحت للكهربائي وكشف على السيارة وقال لي روح

وبعد نص ساعه تعال. قلت له نص ساعه بسيطه اجلس انتظرك لين تخلص.  

العمليه ما استغرقت خمس دقايق. فك الفلت اللي بالدرج ونفخه بالهواء ورجعه. 

وقال الحساب خمسين ريال.  وعطيته وانا اقول الخمسين ماهي قيمة شغل يده الاقيمت 
الخبره اللي اكتسبتها. وبعدها. صرت اي واحد من اقاربي يضعف عنده الهواء اقوم

اعلم تطبيق عملي      


up 0 down 1
faisal9761621 -3
قبل 5 سنه و 11 شهر



خمسييييين ريال على تنظيف فلتر مكيف مايحتاج خبره ماهو توضيب قير والا مكينه


up 2 down 0
ابوسعد990 369
قبل 5 سنه و 10 شهر



الافضل انك تاخذ قطعك القديمة منه
يعني لو قالك انا صلحت فيه كذا وكذا قله عطني القطع القديمة كلها .. وحطها في بيتكم ولا ارمها بالزبالة 
المهم ما ياخذها .. ودايم تلاقيهم يتعذرون احنا رميناها ما تحتاجها وش تبي فيها ومن هالكلام
بس قله هاتها ومالك شغل .. وبعدها بيحس انك فاهم لهم 


up 0 down 0
.. عبدالإله .. 418
قبل 3 سنه و 5 شهر