أضف سؤال أو موضوع جديد          

َ نصيحه لاتترك السياره شغاله َ

up 9 down 0
عاشقـ الماركيز {1991} 3502
قبل 6 سنه و 3 شهر



السلام عليكم ورحمة الله وبركاته : 

أخواني أعضاء وزوار منتدى { حراج } الغالين , أخباركم .. ؟  ان شاء الله بخير .. ؟

سبب كتابتي لهذا الموضوع , شي حصل قدامي امس , وبصراحه مصيبه والله مصيبه .. 

كنت داخل السوبر ماركت عندنا في الحاره , وفيه واحد معاه النترا موديل 2013 بقراطيسها نازل البقاله والسياره شغااله ... 

المهم خلصت واشتريت وواقف أحاسب , الا وأسمع صووت تصريخ كفرات , طلع الرجال من البقاله زي المجنون , ينادي ع الحرامي .. 

تعال ياشيخ تكفى لاتروووح , والله ماصدقت أشتري السياره تعال , لاحياة لمن تنادي , المهم الرجال قعد الرصيف وقفلت اخلاقه .. 

بصراحه أنا حزنت ع الرجال هذا , وحطيت نفسي بمكانه , أنا كنت انزل واسيب السياره شغاله , بس أقفل الباب وارجع افتحه بالرقم السري .. 

لكن بعد اللي صار توووبه وألف توووبه , اطفي السياره وأنزل زي الطيبين , وبعدين جاه واحد ماقصر شاله وقاله يالله نرووح نبلغ , .. 

والله واعلم وش صار , أولا الغلط على الاثنين , ليش ينزل ويترك السياره شغاله .. ؟ ... ؟ حتى لو كنا في دولة أمن وآمان والحمدلله .. 

المال السايب يعلم السرقه , والحرامي هذا لقى سياره شغاله وجديده قدام عينه , أكيد بيركب ويمشي والله يعين المجني عليه .. 

ياأخوان لاتتركون السياره شغاله , دايم نعيد ونكرر هذي العباره , ترا الحرامي اسرع منك , إنت تنزل من السياره وهو يراقبك أكيد .. 

بس يشوفك انشلغت , يسرق السياره بثواني معدوده وماتقدر تسوي شي الا بأمر الله , وبعدين تندم وتقول ليت وماليت .. 

أتمنى ياأخوان الظاهره هذي تختفي , وأتمنى من الحكومه حل مثل هذي المشاكل , وأنا متأكد إن الشرطه لابتدور ع السياره ولا تتعب نفسها ..

 ( اللهم يا جامع الناس ليوم لا ريب فيه ، رد اليه ضالته )  اللهم آمين , اللهم آمين ... 

أدعوا له ياأخوان إن الله يرجع له السياره سلميه ومثل ماهي , والله واضح ان الرجال مسكين وعلى قد حاله ... 

والله يتقبل منا صيامنا وقيامنا يارب .. 

تحياتي للجميع .. 


 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعوضه خير منها



up 1 down 1
ksa0251 196
قبل 6 سنه و 3 شهر



برضو فيه تقصير من الدوريات

لو الدوريات منتشره ماحد تجرأ يسرق

وش الفايده لو انمسك بعد ماطاح الفاس بالراس خصوصا في جرائم الي تحدث فيها اعتداء جسدي

المفروض الوقايه الوقايه قبل انتظار حدوث جريمه والبحث عن المجرم ؟!


up 3 down 0
nnna 1030
قبل 6 سنه و 3 شهر



والله صارت مره لـ واحد من الشباب في الرياض 
انسرقت سيارته هوندا أكورد من عند قهوه اللي على طريق المطار في الرياض المهم 
راح موتره ولقاه الدوريات بعد أسبوع بدون مكينه وقير واثنين من العسكر كانو يبون يبيعون ألسياره تشليح 
وخويي يعرف واحد في الدوريات اتصل عليه وقاله تعال الرياض سيارتك لقوها وفيه اثنين من العسكر يبون يشلحونه لمواترهم والله خويي برق على الرياض 

هذا على ذمته مسكين أصلا مألقى غير بدئ ألقير مالقاه ولما كان يبي يروح الحجز يشوفها كانو يصرفونه 

إلمشكله أن الدوريات ماعندك أحد والله لو تعرف ناس تلقاء سيارتك بسرعه لأن فلان يوصي فلان وكذا يداومون عشان يلقون ألسياره الفلانيه وبعدين كم سرقه صارت تصير باليوم كثير فصار شيء طبيعي 
لكن حسبي الله على اللي مايخلص في دوامه 
تلقاه يداوم يفر في الحارات يسولف ولا يسوي شيء 



up 4 down 0
a.h.y 1117
قبل 6 سنه و 3 شهر



الله يعينه ع مصيبته ذي 



up 1 down 0
يحيى السيد 541
قبل 6 سنه و 3 شهر



لاتلومو الرجال يمكن مستعجل هوا الغلط عليه بسس المفروض نفزعله مانلومه لاتصيبه عقده حتى لو السعوديه مليئ بالامن بيضل السرقه تدرو ليشش 
لئن ماينطبق شرع الله لو ينطبق شرع الله ماتحصل حد يسرق  عن عائشة . أن قريشاً أهمّهم المرأة المخزومية التي
سرقت ، فقالوا : من يكلم فيها رسول الله ، ومن يجترىء
عليه إلا اسامة ، فكلمه أسامة ، فقال الرسول : أتشفع 
في حد من حدود الله ، ثم خطب فقال : إنما أهلك من كان
قبلكم إذا سرق فيهم الشريف تركوه وإذا سرق الضعيف
أقاموا عليه الحد ، وايم الله ! لو أن فاطمة بنت محمد
سرقت لقطعت يدها ، فأمر النبي بقطع يدها .
رواه البخاري ومسلم

واية قرآنيه/ وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ وَاللَّهُ عَزِيزٌ حَكِيمٌ. [المائدة:38]

يعني كذا بنعصي كلام الله  المشكله مايتوبو يطلعو بالواسطات  

سلااام


up 1 down 0
جـَروحَ 1
قبل 6 سنه و 3 شهر



و الله أنها مصيبه و أي مصيبه الله يكون في عونه و يرد له ضالته

و السعيد من اتعض بغيره

جزاك الله خير أخوي عاشق الماركيز ١٩٩١


up 1 down 0
أبو جـود 2745
قبل 6 سنه و 3 شهر



غلطان ثم غلطان ليش يترك سيارتة  شغالة والله اني احول عند البقالة اني اطفي السيارة واقفل الابواب بعد واذا دخلت بيتنا اقفل الموتر كذا مرة من زود الوسوسة مدري وش لون بعض الناس يخلي سيارتة ؟؟!! لكن الله يعوضه 


up 2 down 0
شليطيح 5020
قبل 6 سنه و 3 شهر



وين الامـــــــــــــــــــــــن ولاامــــــــــــــــــــــــــــــــــــــــــــــــــان


up 4 down 1
ابواحمد2090 1522
قبل 6 سنه و 3 شهر



لا عادي اذا بتخليها شغاله وبتقفل الابواب
لان الحرامي لا يمكن يكسر الشباك عشان يسرق
الحرامي يبي شي جاهز للسرقه سريع سريع
انا دايم اوقفها وهي شغاله واقفل الابواب
وبعض مرات اخليها واقفه عند الباب نص ساعه والله بس مقفل الابواب
تصدقون مره خليتها شغاله ونسيتها ساعتين هههههههه بس الحمدلله مقفل الابواب ولا كان انسررقت


up 1 down 0
ملك الخطوط 233
قبل 6 سنه و 3 شهر



والله العظيم امس وقفت سيارتي عند بقاله واشوف صني شغاله من  جنبي
المهم ادخل اخذ اغراض واطلع واشوف سيراتو شغاله وما هي داخله بالموقف 
يعني على طول اركيها وامشي فيها ما يحتاج اطلعها من الموقف
وكل السيارتين حقت تفحيط
والله السيارات من جنبي يمديني اسرقها
لكني اخاف ربي وولد متربي
ويحسبون ان كل الناس يخافون ربهم .. او متربين
لا ياحبيبي
ياكثر اللي مايخافوا الله وماهم متربين
انا اصا نزلت طفيت السياره حتى لو بنزل دقيقه وارجع


up 2 down 0
أبو فيصل 13 272
قبل 6 سنه و 3 شهر



اركبها وامشي*

انا إذا نزلت*


up 0 down 0
أبو فيصل 13 272
قبل 6 سنه و 3 شهر



الله يكثر امثالك يابو فيصل جعل والديك في الجنة..


up 2 down 0
عباادي القحطاني 125
قبل 6 سنه و 3 شهر



نصيحه لاتترك السياره شغاله ؟؟؟!!!! شغاله ولا سواق

التصحيح كالتالي:

نصيحة: لاتقم بالابتعاد عن المركبة وهي في وضع التشغيل


up 0 down 4
تدقيق لغوي وإملائي -8
قبل 6 سنه و 3 شهر



فيه نفس قصته لواحد من جيراننا سوري توه منزل اكورد 2012 او 2013 مادري والله بس عالعموم الشكل القديم 

 نزل البقاله و ترك الولد الصغير في السياره و هي شغاله 

الولد شاف ان ابوه تاخر نزل من السياره و راح الى ابوه و ترك السياره 

بعدين جاء واحد ما يخاف من الله و شاف السياره شغاله قام سرقها 

و الى هذا الوقت و ما قد حصلها المرور 

و بعدين اكورد فل كامل دافع دم قلبه عليها 


up 0 down 0
naser850 138
قبل 6 سنه و 3 شهر



حياكم الله , ومشكورين ع المرور .. 


up 0 down 0
عاشقـ الماركيز {1991} 3502
قبل 6 سنه و 3 شهر



والله المفروض الواحد مايتساهل بها الامور يقول شويات وراجه والموتر قدام عيني وهو كان فبالة انه بيقدر يتصرف وقتها المفروض الواحد يفعل الاسباب ويفك نفسه من الهم وماتسوى عليك انك تبلغ وتدور وتوصي ع السارة وهي بس طف الموتر وانتهى المسلسل المرير اللي يمكن يحصل الواحد لو يفكر بجدية كان والله يطفي الموتر وكثيررر من الحراميين عند التحقيق يقول والله مافمبالي اسرق بس لقيتها قدامي وشغالة فسرقتها الللله يحمينا وياكم من كل مكرووه


up 0 down 0
تقووى الهجر 252
قبل 6 سنه و 3 شهر



المحصلة :
أن المال السايب يعلم على السرقة 
و الله ما تسوى عليك ياللي تتساهل بترك سيارتك في وضع التشغيل و تقول ثواني بس و راجع ما تدري أن السارق يراقبك و مستعد أيضاً لأي مقاومه منك بس ينتظرك تنزل عشان يطمر في مكانك
واحد من الشباب سرقت سيارته هوندا أكورد على وقتها وهو واقف يسولف مع خويه ما بينه و بين سيارته إلا متر و نصف حتى أن السارق دفع صاحبنا على الأرض بالباب و كاد يدهسه لولا لطف الله تعالى

فالحذر الخذر يا أخوان


up 0 down 0
أبو جـود 2745
قبل 6 سنه و 3 شهر



أنا معاي ماركيز أنزل واتركها شغاله وأقفلها بالأزرار وتصدقون مع أنها مقفله بس أتأكد كم مره منها لأن مافيه أمان وأطلع اناظرها أتأكد عاد كيف لو تنزل وتتركها شغاله مره شفت راعي بم أم دبليو اكس فايف قلتله يخوي لاتنزل وتترك السياره شغاله قال بكل غرور لا أنا اعرف ناس يجيبهم على طول وأنا أفكر في راسي اقول لو يوديها التشليح وقتها رح جبها أنت وناسك وفيه راعي بي أم دبليو كشف جديد نزل وترك السياره شغاله وكل شوي يطالعها والله لو بتنسرق ماراح تاخذ من الحرامي 3 ثواني لأنها مفتوحه وواحد ثاني نزل البقاله معاه صني وترك بنته في السياره وتركها شغاله قلتله لاتترك بنتك في السياره وهي شغاله على طول طفى السياره للآسف عندنا ناس مستهترين والله يعوض راعي الألنترا ويكون له درس في المستقبل 


up 0 down 0
kaboom smash 643
قبل 6 سنه و 3 شهر