من هو خبره في الفورد

طبيعي المروحه الثانية تشتغل مع المكيف

عندك مشكله فالسياره واتوقع القير ترتفع حرارته اذا كانت المروحه تشتغل وحرارة السياره ثابته فهذا يعني ان حرارة القير عندك مرتفعه والمروحه تشتغل عشان تحاول انها تبرد على مبرد القير

انا اختبر الفورد بالطريقه التاليه

عبيت فل ومشيت من الطائف الى الرياض على سرعة 171 والمكيف شغال وفالنهار مشيت تقريبا ساعتين الا ربع دعسه وحده

حتى خلص البنزين ووقفت عند محطه وطفيت المكيف وقبل ماطفي السياره فتحت الكبوت ولقيت المروحه غير شغاله

هذي الحركه سويتها فجميع فورداتي اللي كانت معي وواحد منهم لقيت المروحه شغاله باعلى درجه وعرفت انه فيه مشكله
وجربتها في فورد خويي 2006 وماشاءالله عليه برضه المروحه غير شغاله

واللي له خاطر يجرب ماعندي مشكله الاسبوع الجاي نازل جده وماسك خط ههههههه

على العموم انت ماحددت هل المروحه تشتغل مع المكيف او بدون

وضع المروحه تتغل مع المكيف وتوقف وكذا

اذا بدون المكيف تشتغل داخل المدينه على حسب حرارة السياره

حسب خبرتي الطويله في الامريكي ما عندك أي مشكلة ايذا جيت من مشوار طويل خليها واقفه ابو 3 دقايق وراح تلاحظ المروحه ترجع على السرعة الاولى

غير المراوح كامله وريح نفسك 

اشكر ع كل من رد ياخوان انا ادري ان المكيف مايشتغل الا لين تشتغل المروحه لكن انا يالربع احيان في عز البرد اروح خط ولا اعدي ممشاه 120 اوقف عند البيت احصلها معلقها ولا تطفي لو
اخليها ساعه الا لين اطفي السياره

واحيانا وانا رايح مشوار داخل البلد طبعا مو مشغل مكيف ادعسله تعلق المروحه

انا نفس الحاله 
فورد فكتوريا 
غيرت المروحة 
واخذت الكتاوت الى بالمروحة
وفحصت كمبيوتر 
وطلع وكاله ولا خلل 
المهم انها رفعت ضغطي 
امشي مشوار حق نص ساعة وتشتغل ولا تطفي لين اطفي السيارة 

تكفون الفزعة ما خليت اخد الا رحت له 
انا بالرياض وهذا رقمي 
0596988880
فزعتكم 

نفس كلام الاخ محمد فورد ركب مبرد قير اضافي وراح تنحل المشكلة ان شاء الله هذا الكلام من واقع تجربه حصلت معي والحمد لله انحلت المشكلة ملاحظة ركب مبرد شرايح لا تركب مواصير لان المواصير يرفع حرارة القير اكثر

وايضا كلام الاخ شاقح صحيح هذا معناه حرارة القير مرتفعة فيجب تركيب مبرد قير اضافي