أضف سؤال أو موضوع جديد          

َ ديس لايك . ديس لايك . وبعدين يعني . ؟ َ

up 21 down 14
عاشقـ الماركيز {1991} 3502
قبل 6 سنه و 4 شهر



السلام عليكم ورحمة الله وبركاته : 

أخواني أعضاء وزوار منتدى { حراج } تقبل الله صيامكم وقيامكم , عساكم طيبين إن شاء الله .... 

بصراحه أنا رافع ضغطي الأيام هذي كثيير وساكت من زمان , لنا شهور نتكلم ونقول للإداره نبي حل , 

للبزارين اللي في الموقع ولكن , لاحياة لمن تنادي , ليش كذا .. ؟ وين الإداره عن الموقع , أنا واثق إن , 

الموضوع هذا مكرر للمره الألف , هذا دليل إن الإداره مو قادره تسوي شي , فيه شوية وراعين , حتى 

الوراعين بطلوا هالحركات , وأنا أجزم إن أعمارهم تترواح مابين 18 والـ 20 , قايمين ع الأعضاء ديس لايك , 

ليش ياأخي , ماتقدر تعيش بدون ديس لايك كل يوم , فطورك ديس لايك . ؟ عندك شي أعطي ديس لايك وقول أنا عندي 

كذا وكذا وكذا , بس ماتعطي ديس لاييك وتمشي مع الباب حتى ماتطالع الموضوع , وأنا والله مايهمني اللايك ولاغيره , 

ولكن لما تنزل موضوع وتحصل لايك , تعرف بإنك لفت نظر للأعضاء وممكن يتابعوا مواضيعك الجديده وتتشجع 

وتنزل مواضيع جديده ومفيده , ولكن لما تحصل فجأه لاييك ! ! ! ! , بصراحه تحس بيأس وماكأن أحد معبرك .. 

وحنا نبي المنتدى شغال 24 ساعه , مواضيع مفيده , استفسارات , مشاكل وحلول للسيارات و و و و .. إلخ .. 

هذا الكلام مايصلح , وأكيد الإداره عارفه بهذا الشي وساكته , إذا حصل شي يمس الإداره بسوء قلبوا الدنيا وقعدوها ..

ولكن إذا الأعضاء اشتكوا من شي , ماطالعوا فيك ولاعبروك , طيب كيف تبغون المنتدى ينجح وتعاملكم بهذا الشكل .. 

أتمنى من الإداره تشوف حل لهذا الإستهتار وتوقف الأشكال هذي عند حدها , ويكفي إن فيه ناس تسوي إقتراحات 

وتنزلها للمنتدى وهذا من حبهم له , يعني ماعلى الإداره إلا التطبيق والتنفيذ ومع ذالك طنش ولا كأنك شفت شي .. 

لو تسوون شي واحد فقط وهو , إذا جاء الشخص يبي يعطي لايك يعطي , ولكن إذا الموضوع مفيد وهادف , 

يذكر سبب الديس لايك , وكذا مايكون أحد أنظلم , كل واحد يتحمل نتيجة عمله , وآسف إن طولت عليكم , والله الموفق .. 

تحياتي للإداره الموقره وأرجوا ماحد يزعل من كلامي لان كل هذا في مصلحة الموقع ومن حبي للموقع قلت هذا الكلام .. 

وهذا مقطع للتسليه لاأكثر , و تحياتي للجميع ... 

http://www.youtube.com/watch?v=FC-RGaBxM4U







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا اشوفها حرية ياخي ماتجبر احد يعطيك لايك او ديسلايك 

انا عطيتك ديس لايك (:


up 0 down 0
hnt-7 129
قبل 6 سنه و 4 شهر



متربيين على النذاله هذا سبب النجاح في انظمة فرق تسد


up 0 down 0
ابولتين555 -58
قبل 6 سنه و 2 شهر