أضف سؤال أو موضوع جديد          

ريحه الكربون مع المكيف - ورائحة البنزين في زيت المكينه

up 0 down 0
راكد 226
قبل 7 سنه و 7 شهر



السلام عليكم ورحمه الله ,,وكل عام وأنتم بخير ..

شاكر ومقدر لكل من يضيف معلومه مقدماً  وأتمنى من الله ثم منكم عدم التخمين والرد مطلوب ممن لديه خبره أو مر بهذه المشكلة من قبل 
لتفادي التشتت والإستفاده من الموظوع . مع بالغ تقديري لكم ولكن ما أبي أضيع و أبي أطيح على الخلل على طول

عندي ريحه كربون تطلع من المكيف مزعجه جداً  وتلزق بالملابس وأضرارها الصحيه لاتخفى عليكم 
لايوجد تكتيم ولا تقطيع ولله الحمد , ولا تصرف بنزين , اليوم فتحت غطاء المكينه ووجدت رائحه بنزين في غطاء الزيت ؟؟؟؟
هذا دليل على عدم إحراق السياره للبنزين بالشكل المطلوب طبعاً أعبي بنزين 95  ولااا أدري صاحب السياره السابق وش كان يعبي .
طبعا الشكمان سليم لا تهريب ولا شي
السؤال : 

- وش سبب ريحه الكربون اللي تطلع من المكيف ؟؟؟
- وش سبب عدم إحراق السياره للبنزين ؟؟؟

أتمنى تفيدوني يااااامن حصلت لهم هالمشكله ولكم الشكر مقدماً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بالنسبة للبنزين غير ل 91 وترى بعضهم لقى عيار الزيت زايد والسبب هالبنزين

لكن من وجهة نظري وهي ميكانيكة كهربائة بحته 

فيه حساس اسمه egr وشغلته يعيد البنزين اللي ما احترق للسلندرات من جديد وهو موجود بالقديم والجديد تأكد منه 

اما ريحة الكربون والله مقدر اقولك بالضبط ننتظر من يفيدنا


بس لازم تذكر السيارة والغالب شكلها لكزس بشكل خاص وياباني بشكل عام


up 2 down 0
محمد فورد 511
قبل 7 سنه و 7 شهر



هل لمبة الحساسات مولعة عندك بالطبلون؟؟؟؟ لو كانت مولعة فروح افحص كمبيوتر وبيطلع لك الخلل بدل مايلعبوا عليك هالورش


up 0 down 1
الولد السعودي -28
قبل 7 سنه و 7 شهر



نوع السياره اخوي ؟


up 0 down 0
عطيل -25
قبل 7 سنه و 7 شهر



أشكركم واحد واحد ,,EGR حول الدعوه صادق يمكن منه ,,  

الولد السعودي ماعندي لمبات شغاله 

نوعها ماركيز 95 

أبي أتخلص من ريحه الكربون ياجماعه ....


up 0 down 0
راكد 226
قبل 7 سنه و 7 شهر



طيب سكر هواية المكيف وريح راسك ....


up 0 down 0
الـقـنـاص 1210
قبل 7 سنه و 7 شهر



مقفله أخوي ...هذا خلل في شئ معين ويارب نلقى إفادة من الشباب


up 0 down 0
راكد 226
قبل 7 سنه و 7 شهر



موديل 95 اهم اهم  اظن اخوي هالشي عادي لان السيارة موديلها قديم ...... الوالد معه كابريس صابونه 92 وكان فيه نفس
الريحه وبعد فتره من الاستخدام خبطت المكينه .... ولما وظبت المكينة اختفت الرائحه والله يعينك اخوي


up 0 down 0
قتيبة الباهلي 228
قبل 7 سنه و 7 شهر



لا تخسر نفسك وانا اخوك بالتجارب وما تطلع معك المشكله 

اختصر الموضوع وسوي تصفيه مكينه وغير الآتي 

فلتر بانزيم " بواجي " تنضيف بخاخات " تنضيف البوابة " 

وبأذن الله تنحل امورك 


up 0 down 0
مستشار ابوي 404
قبل 7 سنه و 7 شهر



وأضف معاها فلتر هواء غيره برضو 


up 0 down 0
مستشار ابوي 404
قبل 7 سنه و 7 شهر



وعليكم السلام ورحمه الله وبركاته

ماعتقد المشكله في حساس الـ EGR لكن ما يمنع انك تشيك عليه
لإنو لو منه المشكله المفروض تحس بكتمه وضعف بالعزم

اخوي راكد تأكد من الزيت اذا يقلب بسرعه ويصير داكن فهذا دليل على بدايه ضعف او إهتراء شنابر
اللي يصير وقتها ان بعض او القليل من الزيت يدخل على السلندر ويختلط مع البنزين
واذا في البدايه مو ضروري يبان دخان ازرق قوي ممكن موجود لكن خفيف على حسب إهتراء الشنابر
وكميه الزيت اللي نزل غرفه الاحتراق

وبالنسبة للرائحه ممكن فيه سدد في دبه البيئه
او شق صغير في نهايه البيب الخارج من القزوز او تنسيم في القزوز نفسها
وتصريف العادم صار عندك قريب منك
والله اعلم


up 0 down 0
abo kayan-55 652
قبل 7 سنه و 7 شهر



الشكر لكل من رد والله يوفق الجميع


up 0 down 0
راكد 226
قبل 7 سنه و 7 شهر