أضف سؤال أو موضوع جديد          

ضاعت دراهمي على النصابين

up 3 down 1
عبدالله 711 791
قبل 7 سنه و 10 شهر



السلام عليكم

عندي فورد ماركيز 97

ومن شهر جاء عندي صوت المروحه الكبيره
بعض الاحيان يكون مرتفع وخاصه عند المشي بالموتر وبعض
الاحيان يروح الصوت ويرجع الموتر لحالته الطبيعيه
وافر صناعية الدمام والثقبه :
قالوا تماتيك المروحه وغيرته اصلي بـ350 ريال
قالوا منظم الهوى يبغاله تنظيف ونظفته بـ130ريال
قالوا يمكن الثروتل يبغاله تنظيف وانظفه بـ80 ريال


والصوووت باقي وديته محل فحص كمبيوتر قالوا 
مانقدر نحدد مصدر الصوت ....

يا اخوان 

اذا قد السياره بارده يكون(( الصوووت هادئ )) ممتااااااااز
واذا مشيت فيها شوي ووصلت الحراره المستوى الطبيعي النص
يشبك تماتيك المروحه وتشتغل المراوح وما تفصل ويكون الصوت عااااالي ؟؟؟؟

ما عرفت وش البلا منه ؟؟؟؟؟؟؟؟؟؟

الموتر ماكان كذا ... وش السبب ؟؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي المروحه الثانيه اللي تشتغل مع المكيف ومع الوقوف احيانا هذي طبيعيه وصوتها قوي وكل سيارات الفورد اللي جت معي كذا بس انا مادري وش تقصد بان صوتها قوي 

طيب اذا شغلت المكيف تشتغل دايركت ؟؟ والا اذا مطفي المكفي ورحت مشوار ووقفت مثلا عند اشاره واشتغلت هذي طبيعيه مافيه الموتر اي مشكله 

بالتوفيق


up 1 down 0
camry grandi 99 7274
قبل 7 سنه و 10 شهر



معي فورد 97 نفس سيارتك تقريبا
إذا وصل الحرارة فوق  النص تشتغل المروحة وتطلع صوتها عالي وإذا انخفض الحرارة تنطفي المروحة
يبيله نص ساعه يصير الحرارة على الربع وشوي ويختفي صوت المروحة إن شاء الله


up 1 down 0
3llawi96 3114
قبل 7 سنه و 10 شهر



يمكن ياعبدالله من قوه الحر الي عندنا وكل سنه وهي تزيد  الله يصبرنا على رمضان 


up 0 down 0
ابو سلطان99 118
قبل 7 سنه و 10 شهر



انا موتري ماركيز 2004

وعندي نفس المشكله يطلع صوت هواء من فتحات المكيف (( صوت المراوح )) رغم ان المكيف طافي ... اتوقع المشكله بالمراوح

((تشتغل على طول مو اتوماتيك ))










up 0 down 0
majid511 68
قبل 7 سنه و 10 شهر



لا ياخوي ماضاعت دراهمك دام هالدراهم دخلت بسيارتك ماراحت للغريب

ممكن الصوت هذا علشان الحر اللي جانا من اسبوعين

حنا بالرياض غرقانين بالحر والرطوبه كيف انتم يا أهل الشرقيه ؟

الله يعين




up 2 down 0
راعي الهيونداي 537
قبل 7 سنه و 10 شهر



تاكد من طبه المويه والبلف لايكون فيه تنسيم


up 0 down 0
ابوكرم 176
قبل 7 سنه و 10 شهر



@# انا مايقهرني الا اللي يقول دراهم 

ياخي انت في السعودية قول رياال مو درهم

يعني بالغصب تبغا تسوي فيها خليجي ولا اماراتي

لاحوول ..

__________________________________


up 0 down 9
feroo li 1816
قبل 7 سنه و 10 شهر



اخوي الفورد ال 97 مروحه الكهربائيه ماتشتغل ابدا الا مع المكيف بس واذا بدون مكيف معناه عندك حراره اما سالفه حنه المروحه الميكانيكه طبييعه عندي 97 لما يكون بارد مافي انعم من صوته واذا احتما صار تقول وايت ماء ههههههه وثقيل ويالله يمشي من هالمروحه


up 0 down 0
م.بن عبدالله 2027
قبل 7 سنه و 10 شهر



اخوي فيرو وش فيها لو صرنا مثل الاماراتيين شف دولتهم وشف دولتنا شف نظامهم وشف نظامنا وبعدين انا عن نفسي ماقول اللا دراهم لان عندنا قبيلتنا اكثرهم يقولون دراهم وهدوم والهدوم يعني ملابس فهمت ؟؟ 

بسم الله عليك من القهر 

ديسلايكك ..


up 0 down 0
راكان-505 7169
قبل 7 سنه و 10 شهر



الله يهديك انا عندي 98 وكل اسبوع اسمع صوت من جهة وأطنش اهم شي أشيك اسبوعيا على زيت المكينة وموية الاديتر وسائل ناقل الحركة والدركسون ب(5) دقايق وما شية الامور ولله الحمد،،،قبل سنتين دخلت اوصل واحد من خوياي للصناعية وعند الورشة اللي فيها سيارته خليت الميكانيكي يشوف سيارتي على عجل والمحصلة انها بتكلفني 10 آلاف ريال مع القطع هههههه يعني لو ابيع السيارة ما جابت قيمة تصليحاتها الوهمية وهي ما فيها شي علما انها للمدينة فقط وليست للسفر


up 1 down 0
ابوعبدالمحسن123 531
قبل 7 سنه و 10 شهر



السلام عليكم 
يا اخوان اللهم لك الحمد والشكر 
لقيت الحل لموتري وبنفسي بعد ...




انا جنني الموتر بصوت الحنه المهم واقابل واحد
من جيراننا معه موتر نفس موتري بالظبط كلمته 
وقلت له ببدل المروحه كامله مع التوماتيك ( الكلتش ) مره وحدهـ 
والرجال ماقصر قال ابشر والله وافك اللي عندي المزعج
واركبه في موتره ,,, واركب اللي عنده واركبه في موتري .




ونشغل مواترنا كلنا وصوت الحنه اللي كان عندي صار عنده في موتره!!!!
ولقطع الشك باليقين قلت لجارنا خله معي يومين وسبحان الله راااح الصوت مررررهـ
واروح واخذ واحد من التشاليح نظيييف وافتكيت ... والموتر الحين ماشاء الله




المقصد يا اخوان انتبهوا من حرامية الورش يطلعون في المواتر بلاوي مثل 
واحد قالي القير يبيله توضيب لان الكلتشات منتهية ويحلف بعد؟؟؟
وبسبة نصبهم والله انها اكثر من 800 ريال ضاعت ولانقول الا حسبي الله ونعم الوكيل
\
يا اخوان اذا لفيتوا المروحه لازم تكون وسط يعني لاسريعه ولا ثقيله 
الثقيله = حنــــه
والسريعه= ماتسحب هواء صح 




والله يوفق الجميع ويبعد عنكم كل مكروهـ


up 1 down 1
عبدالله 711 791
قبل 7 سنه و 8 شهر